Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Josue 18:1-28

18  Idin ti intero a gimong ti annak ti Israel naummongda idiay Silo,+ ket insaadda sadiay ti tolda ti gimong,+ yantangay ti daga naparukman iti sanguananda.+  Ngem adda pay laeng nabati iti annak ti Israel dagidiay a ti tawidda saanda pay a nabingaybingay, awan sabali, pito a tribu.  Gapuna kinuna ni Josue iti annak ti Israel: “Kasano kabayag ti dikay panangikankano iti iseserrekyo tapno tagikuaenyo ti daga+ nga inted kadakayo ni Jehova a Dios dagidi ammayo?+  Ipaayanyo ti bagbagiyo iti tallo a lallaki iti tunggal tribu ket ibaonko ida, tapno tumakderda ket sursorenda ti daga ket mapaenda maitunos iti tawidda, ket umayda koma kaniak.+  Ket masapul a pagbibingayanda dayta iti pito a binglay.+ Ti Juda agtalinaedto iti teritoriana iti agpaabagatan,+ ket ti balay ni Jose agtalinaedto iti teritoriada iti agpaamianan.+  No maipapan kadakayo, mapaenyonto ti daga iti pito a binglay, ket iyegyonto ida kaniak ditoy, ket pagbibinnunotenkayto+ ditoy iti saklang ni Jehova a Diostayo.  Ta dagiti Levita awan binglayda iti tengngayo,+ agsipud ta ti kinapadi ken Jehova isu ti tawidda;+ ket ni Gad ken ni Ruben+ ken ti kagudua a tribu ni Manases+ naaladan ti tawidda iti bangir ti Jordan nga agpadaya, nga inted kadakuada ni Moises nga adipen ni Jehova.”+  Gapuna timmakder dagiti lallaki tapno mapanda, ket binilin ni Josue+ dagidiay mapan mangmapa iti daga, a kunkunana: “Inkayo ket sursorenyo ti daga ket mapaenyo ket agsublikayo kaniak, ket ditoy a pagbibinnunotenkayto+ iti saklang ni Jehova iti Silo.”+  Gapuna napan dagiti lallaki ket limmasatda iti daga ket minapada+ dayta iti siniudansiudad iti pito a binglay, iti maysa a libro. Kalpasan dayta immayda ken Josue iti pakarso idiay Silo, 10  ket ni Josue pinagbibinnunotna ida idiay Silo iti saklang ni Jehova.+ Iti kasta ni Josue biningaybingayna sadiay ti daga iti annak ti Israel kadagiti binglayda.+ 11  Idin ti pannaka-bunot+ timpuar iti tribu ti annak ni Benjamin+ sigun iti pampamiliada, ket ti teritoria ti pannaka-bunotda rimmuar iti nagbaetan ti annak ni Juda+ ken ti annak ni Jose.+ 12  Ket ti beddengda isu idi idiay makin-amianan a suli manipud iti Jordan, ket ti beddeng simmang-at agingga iti darisdis ti Jerico+ iti amianan ket simmang-at agingga iti bantay nga agpalaud, ket ti paginggaanna adda idi iti let-ang ti Bet-aven.+ 13  Ket ti beddeng bimmallasiw manipud sadiay agingga iti Luz,+ iti makin-abagatan a darisdis ti Luz, kayatna a sawen, ti Bethel;+ ket ti beddeng simmalog agingga iti Atarot-addar+ iti rabaw ti bantay nga adda iti abagatan ti Makimbaba a Bet-horon.+ 14  Ket ti beddeng namarkaan ket nanglikaw iti makinlaud a deppaar iti agpaabagatan manipud iti bantay a sumango iti Bet-horon iti agpaabagatan; ket ti paginggaanna adda idi idiay Kiriat-baal, kayatna a sawen, ti Kiriat-jearim,+ maysa a siudad ti annak ni Juda. Daytoy ti makinlaud a deppaar. 15  Ket ti deppaar iti agpaabagatan manipud idi iti ungto ti Kiriat-jearim, ket ti beddeng rimmuar nga agpalaud ket rimmuar agingga iti ubbog ti dandanum ti Neftoa.+ 16  Ket ti beddeng simmalog agingga iti ungto ti bantay a sumango iti ginget ti anak ni Hinnom,+ nga adda iti nababa a tanap ti Refaim+ iti agpaamianan, ket simmalog agingga iti ginget ti Hinnom, nga agturong iti darisdis ti Jebuseo+ iti abagatan, ket simmalog agingga iti En-rogel.+ 17  Ket namarkaan dayta nga agpaamianan ket rimmuar agingga iti En-semes ket rimmuar agingga iti Gelilot, nga adda iti sanguanan ti sasang-atan ti Adummim;+ ket simmalog agingga iti bato+ ni Bohan+ nga anak ni Ruben. 18  Ket bimmallasiw agingga iti makin-amianan a darisdis iti sanguanan ti Araba ket simmalog agingga iti Araba. 19  Ket ti beddeng bimmallasiw agingga iti makin-amianan a darisdis ti Bet-hogla,+ ket ti paginggaanna (ti ketegan) adda idi iti makin-amianan a luek ti Asin a Baybay+ iti makin-abagatan nga ungto ti Jordan. Daytoy idi ti makin-abagatan a beddeng. 20  Ket ti Jordan nagserbi a kas beddengna iti makindaya a deppaar. Daytoy idi ti tawid ti annak ni Benjamin sigun iti pampamiliada, sigun kadagiti beddengna iti intero nga aglikmut. 21  Ket dagiti siudad iti tribu ti annak ni Benjamin sigun iti pampamiliada isu idi ti Jerico+ ken Bet-hogla ken Emek-queziz, 22  ken Bet-araba+ ken Zemaraim ken Bethel,+ 23  ken Avim ken Para ken Ofra,+ 24  ken Kefar-ammoni ken Ofni ken Geba;+ sangapulo ket dua a siudad ken dagiti purokda. 25  Gabaon+ ken Rama ken Beerot, 26  ken Mizpe+ ken Kefira+ ken Moza, 27  ken Rekem ken Irpeel ken Tarala, 28  ken Zelah,+ Ha-elef ken Jebusi, kayatna a sawen, ti Jerusalem,+ Gabaa+ ken Kiriat; sangapulo ket uppat a siudad ken dagiti purokda. Daytoy idi ti tawid ti annak ni Benjamin sigun iti pampamiliada.+

Footnotes