Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Josue 17:1-18

17  Ket ti pannaka-bunot+ nagpaay iti tribu ni Manases,+ agsipud ta isu ti inauna ni Jose,+ maipaay ken Maquir+ nga inauna ni Manases,ti ama ni Galaad,+ agsipud ta isu maysa idi a lalaki ti gubat;+ ket ti Galaad+ ken Basan nagbalin a kukuana.  Ket naadda ti pannaka-bunot maipaay iti annak ni Manases isuda a natedda sigun iti pampamiliada, maipaay iti annak ni Abi-ezer+ ken iti annak ni Helek+ ken iti annak ni Asriel ken iti annak ni Siquem+ ken iti annak ni Hefer ken iti annak ni Semida.+ Dagitoy ti annak ni Manases nga anak ni Jose, dagiti lallaki sigun iti pampamiliada.  No maipapan ken ni Zelofehad+ nga anak ni Hefer, nga anak ni Galaad, nga anak ni Maquir, nga anak ni Manases, isu addaan idi, saan nga iti annak a lallaki, no di ket iti annak a babbai, ket dagitoy ti nagnagan ti annakna a babbai: Mala ken Noe, Hogla, Milca ken Tirza.+  Gapuna dimmatagda iti saklang ni Eleazar+ a padi ken ni Josue nga anak ni Nun ken dagiti panguluen, a kunkunada: “Ni Jehova ti nangbilin ken Moises nga ikkannakami iti tawid iti tengnga dagiti kakabsatmi.”+ Iti kasta inikkanna ida, kas imbilin ni Jehova, iti tawid iti tengnga ti kakabsat a lallaki ni amada.+  Ket adda idi sangapulo a bingay a naitumpong ken Manases malaksid iti daga ti Galaad ken Basan, nga adda iti ballasiw ti Jordan;+  ta ti annak a babbai ni Manases naaddaanda iti tawid iti tengnga ti annakna a lallaki; ket ti daga ti Galaad nagbalin a kukua ti annak ni Manases isuda a natedda.  Ket ti beddeng ni Manases isu idi ti manipud Aser agingga iti Micmetat,+ nga adda iti sanguanan ti Siquem,+ ket ti beddeng nagpakannawan agingga kadagiti agnanaed idiay En-Tappua.  Ti daga ti Tappua+ nagbalin a kukua ni Manases, ngem ti Tappua nga adda iti beddeng ni Manases naipatagikua iti annak ni Efraim.  Ket ti beddeng simmalog agingga iti naapres a ginget ti Kana, nga agpaabagatan agingga iti naapres a ginget dagitoy a siudad+ ni Efraim iti tengnga dagiti siudad ni Manases, ket ti beddeng ni Manases adda iti amianan ti naapres a ginget, ket sadiay baybay+ ti paginggaanna. 10  Ti agpaabagatan isu ti kukua ni Efraim ket ti agpaamianan, kukua ni Manases, ket ti baybay isu idi ti beddengna;+ ket iti amianan dimmanonda idiay Aser ket iti daya, idiay Isacar. 11  Ket naipatagikua ken Manases+ idiay Isacar ken idiay Aser ti Bet-sean+ ken dagiti agpampannuray nga ilina ken ti Ibleam+ ken dagiti agpampannuray nga ilina ken dagiti agnanaed idiay Dor+ ken dagiti agpampannuray nga ilina ken dagiti agnanaed idiay En-dor+ ken dagiti agpampannuray nga ilina ken dagiti agnanaed idiay Taanac+ ken dagiti agpampannuray nga ilina ken dagiti agnanaed idiay Megiddo+ ken dagiti agpampannuray nga ilina, tallo kadagiti kangatuan. 12  Ket ti annak ni Manases saanda a nabalinan a tagikuaen dagitoy a siudad,+ no di ket dagiti Canaanita nagtultuloyda a nagnaed iti daytoy a daga.+ 13  Ket nagbanag nga idi pimmigsan ti annak ti Israel,+ insaadda dagiti Canaanita iti pinuersa a panagtrabaho,+ ket saanda a naan-anay nga inikkatan ida iti sanikua.+ 14  Ket ti annak ni Jose nakisaoda ken Josue, a kunkunada: “Apay nga intedmo kaniak kas tawid ti maysa a pannaka-bunot+ ken maysa a bingay, idinto ta maysaak nga ili a nakaad-adu iti rason a binendisionannak ni Jehova agingga ita?”+ 15  Gapu itoy kinuna kadakuada ni Josue: “No maysaka nga ili a nakaad-adu, sumang-atka a mapan idiay kabakiran, ket pukanemto dayta nga agpaay kenka idiay daga dagiti Perizeo+ ken ti Refaim,+ agsipud ta ti nakabambantay a rehion+ ti Efraim nagbalinen nga akikid unay maipaay kenka.” 16  Idin ti annak ni Jose kinunada: “Ti nakabambantay a rehion saan a makaanay kadakami, ket adda dagiti karuahe a pakigubat+ nga addaan kadagiti panabas a landok kadagiti amin a Canaanita nga agnanaed iti daga ti nababa a tanap, agpadpada dagidiay adda idiay Bet-sean+ ken kadagiti agpampannuray nga ilina ken dagidiay adda idiay nababa a tanap ti Jezrael.”+ 17  Iti kasta kinuna ni Josue daytoy iti balay ni Jose, kada Efraim ken Manases: “Maysaka nga ili a nakaad-adu, ket ik-ikutam ti dakkel a pannakabalin.+ Saan a rebbeng a mangalaka iti maysa a pannaka-bunot,+ 18  no di ket ti nakabambantay a rehion agbalinto a kukuam.+ Agsipud ta kabakiran dayta, masapul a pukanem, ket agbalinto a disso a paginggaan maipaay kenka. Ta rebbeng a pagtalawem dagiti Canaanita, nupay addaanda kadagiti karuahe a pakigubat nga addaan kadagiti panabas a landok ken napigsada.”+

Footnotes