Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Jonas 2:1-10

2  Idin ni Jonas nagkararag ken Jehova a Diosna manipud makin-uneg a paspaset ti ikan+  ket kinunana: “Gapu iti rigatko nagpukkawak ken Jehova,+ ket sinungbatannak.+ Manipud tian ti Sheol nagpatulongak.+ Nangngegmo ti timekko.+   Idi impalladawnak kadagiti kaadalman, iti puso ti nawayang a baybay,+ Iti kasta linawlawnak ti mismo a karayan. Amin dagiti dadakkel nga allonmo ken dagiti dalluyonmo—limmasatda iti rabawko.+   Ket no maipapan kaniak, kinunak, ‘Napagtalawak iti sango dagiti matam!+ Kasano a mamatmatakto manen ti nasantuan a templom?’+   Ti dandanum linawlawdak agingga iti kararua;+ ti met laeng nadanum a yuyeng tiniktikubnak. Dagiti ruot ti baybay naipulipolda iti ulok.   Simmalogak kadagiti lansad ti bambantay. No maipapan iti daga, dagiti balunetna addada iti rabawko iti tiempo a di nakedngan. Ngem manipud iti abut inaonmo ti biagko, O Jehova a Diosko.+   Idi a ti kararuak natalipungaw iti unegko,+ ni Jehova isu Daydiay nalagipko.+ Idin dimteng kenka ti kararagko, iti nasantuan a templom.+   No maipapan kadagidiay mangsalsalimetmet kadagiti idolo ti saan a kinapudno, panawanda ti bukodda a naayat a kinamanangngaasi.+   Ngem no maipapan kaniak, buyogen ti timek ti panagyaman agisakripisioakto kenka.+ Ti inkarik, tungpalekto.+ Ti panangisalakan kukua ni Jehova.”+ 10  Idi agangay binilin ni Jehova ti ikan, iti kasta insarwana ni Jonas iti namaga a daga.+

Footnotes