Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jonas 1:1-17

1  Ket ti sao ni Jehova nangrugi a dumteng ken Jonas+ nga anak ni Amittai, a kunkunana:  “Tumakderka, mapanka idiay Nineve+ a dakkel a siudad, ket iwaragawagmo maibusor kenkuana a ti kinadakesda dimmanon iti sanguanak.”+  Ket timmakder ni Jonas ket nagtalaw a napan idiay Tarsis+ manipud iti sanguanan ni Jehova;+ ket iti kamaudiananna simmalog idiay Joppe+ ket nakasarak iti barko a mapan idiay Tarsis. Gapuna binayadanna ti pletena ket limmugan iti dayta, tapno kumuyog kadakuada a mapan idiay Tarsis manipud sanguanan ni Jehova.  Ket ni met laeng Jehova nangipalladaw iti dakkel nga angin iti baybay,+ ket naadda ti nakadawdawel a bagyo+ iti baybay; ket no maipapan iti barko, ngannganin marba.  Ket dagiti marino nangrugida nga agbuteng ken umasug maipaay iti tulong, tunggal maysa iti diosna.+ Ket impalpalladawda iti baybay dagiti aruaten nga adda iti barko, tapno mapalag-anan kadagita.+ Ngem ni met laeng Jonas immulog iti kaunggan a paspaset ti nakadsaaran a sasakayan, ket nagidda ket nakaturog iti nargaan.+  Idi agangay immasideg kenkuana ti kapitan ti barko ket kinunana kenkuana: “Ania ti mapaspasamak kenka, mannaturog? Bumangonka, umawagka iti diosmo!+ Bareng ti pudno a Dios maseknanto kadatayo, ket saantayo a mapukaw.”+  Ket rinugianda a kunaen iti maysa ken maysa: “Umaykayo, ket agbibinnunottayo,+ tapno maammuantayo no maigapu iti siasino a naadda kadatayo daytoy a didigra.”+ Ket nagtultuloyda a nagbibinnunot, ket kamaudiananna ti pannaka-bunot naitumpong ken Jonas.+  Gapuna kinunada kenkuana: “Ibagam kadakami, pangngaasim, no maigapu iti siasino a naadda kadatayo daytoy a didigra?+ Ania ti trabahom, ket sadino ti naggapuam? Ania ti pagiliam, ket ania nga ili ti naggapuam?”  Iti kasta kinunana kadakuada: “Maysaak a Hebreo,+ ket pagbutngak+ ni Jehova a Dios ti langlangit,+ Daydiay nangaramid iti baybay ken iti namaga a daga.”+ 10  Ket dagiti tattao nangrugida nga agbuteng iti kasta unay, ket kinunada kenkuana: “Ania daytoy nga inaramidmo?”+ Ta naammuan dagiti tattao nga isu nagtalaw iti sanguanan ni Jehova, agsipud ta imbagana kadakuada. 11  Kamaudiananna kinunada kenkuana: “Ania ti rebbeng nga aramidenmi kenka,+ tapno agtalna ti baybay maipaay kadatayo?” Ta ti baybay agtultuloy idi a dumawdawel unay. 12  Gapuna kinunana kadakuada: “Bagkatendak ket itapuakdak iti baybay, ket ti baybay agtalnanto maipaay kadakayo; agsipud ta ammok a maigapu kaniak nga adda kadakayo daytoy nakadawdawel a bagyo.”+ 13  Ngem dagiti tattao pinadasda nga ikagkagumaan unay, tapno maiyeg ti barko iti namaga a daga; kaskasdi a saanda a nabaelan, agsipud ta ti baybay agtultuloy idi a dumawdawel unay maibusor kadakuada.+ 14  Ket nagpukkawda ken Jehova ket kinunada:+ “Ah, ita, O Jehova, pangngaasim, saankami koma a mapukaw gapu iti kararua daytoy a lalaki! Ket dika mangiparabaw kadakami iti awanan basol a dara,+ yantangay sika, O Jehova, inaramidmo ti maitunos iti pagragsakam!”+ 15  Idin binagkatda ni Jonas ket intapuakda iti baybay; ket ti baybay nangrugi nga agsardeng iti kinadawelna.+ 16  Iti kasta nangrugi dagiti tattao nga agbuteng ken Jehova iti kasta unay,+ ket ngarud nangidatonda iti sakripisio ken Jehova+ ket nagikarkarida.+ 17  Ita nangituding ni Jehova iti dakkel nga ikan a mangalimon ken Jonas,+ iti kasta naadda ni Jonas iti makin-uneg a paspaset ti ikan iti tallo nga aldaw ken tallo a rabii.+

Footnotes