Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Joel 2:1-32

2  “O mangpuyotkayo iti tangguyob idiay Sion+ ket mangiriawkayo iti ikkis ti gubat+ iti nasantuan a bantayko.+ Aglagaw koma amin dagiti agnanaed iti daga;+ ta um-umayen ti aldaw ni Jehova,+ ta asidegen!  Maysa dayta nga aldaw ti kinasipnget ken kinadaguyemyem,+ aldaw dagiti ulep ken napuskol a daguyemyem, kas iti lawag ti bannawag nga agsaknap iti rabaw ti bambantay.+ “Adda maysa nga ili a nakaad-adu ken nabileg;+ ti maysa a kas iti dayta saan pay a napaadda manipud iti di nakedngan a napalabas,+ ket kalpasan dayta awanton agingga kadagiti tawen ti kinapkaputotan.  Iti masanguananna nangalun-on ti maysa nga apuy,+ ket iti likudanna mangibus ti maysa a gil-ayab.+ Kas iti minuyongan ti Eden adda ti daga iti masanguananna;+ ngem iti likudanna maysa a let-ang a langalang, ket awan met idi ti makatalaw sadiay.  “Ti langana ket kas iti langa dagiti kabalio, ket ti wagas ti panagtartarayda kas kadagiti kabalio a pakigubat.+  Agtultuloyda nga aglagtolagto kas iti daranudor ti karkaruahe kadagiti tuktok ti bambantay,+ kas iti uni ti gumilgil-ayab nga apuy a mangalun-on iti punget.+ Dayta ket kasla iti maysa a nabileg nga ili, a napaguurnos iti bakal.+  Gapu iti dayta, dagiti ili agrigatdanto iti nakaro.+ No maipapan kadagiti amin a rupa, sigurado a mangpatauddanto iti rangrang ti panagdanag.+  “Agtarayda a kas kadagiti mannakabalin a lallaki.+ Kumalay-atda iti pader a kas kadagiti lallaki ti gubat. Ket mapanda tunggal maysa iti bukodna a daldalan, ket saanda a baliwan dagiti danada.+  Ket saanda nga agdidinnupir. Kas iti nabaneg a lalaki iti turongenna, agtultuloyda a mapan; ket no adda mapasag iti mismo a nagtetengngaan dagiti pika, ti dadduma saanda a sumina iti turongen.  “Dumarurosda nga agturong iti siudad. Agtarayda iti rabaw ti pader. Umulida kadagiti balay. Kadagiti tawa sumrekda a kas iti mannanakaw. 10  Iti sanguanan dayta nadayyeg ti daga, nagyugayog ti langlangit. Ti met laeng init ken bulan simmipngetda,+ ket dagiti mismo a bituen impaidamda ti kinaraniagda.+ 11  Ket ni met laeng Jehova sigurado nga iyesngawnanto ti timekna+ iti sanguanan ti puersa militarna,+ ta ti pakarsona nakaad-adu unay.+ Ta daydiay mangitungtungpal iti saona nabileg; ta ti aldaw ni Jehova dakkel+ ken nakaam-amak unay, ket siasino ti makaandur iti sidong dayta?”+ 12  “Ket ita met,” kuna ni Jehova, “agsublikayo kaniak buyogen ti amin a puspusoyo,+ ken buyogen ti panagayunar+ ken buyogen ti panagsangit ken buyogen ti panagdung-aw.+ 13  Ket pisangenyo ti puspusoyo,+ ket saan a dagiti kawesyo;+ ket agsublikayo ken Jehova a Diosyo, ta isu managparabur ken naasi,+ nabannayat nga agunget+ ken naruay iti naayat a kinamanangngaasi,+ ket sigurado nga agladingitto maigapu iti didigra.+ 14  Siasino ti makaammo no isu agbaw-ingto ket pudno nga agladingit+ ket kalpasan dayta mangitedda iti bendision,+ maysa a daton a bukbukel ken maysa a daton nga inumen maipaay ken Jehova a Diosyo? 15  “O mangpuyotkayo iti tangguyob idiay Sion.+ Mangsantipikarkayo iti tiempo ti panagayunar.+ Mangayabkayo a sangsangkamaysa iti nadaeg nga asamblea.+ 16  Ummongenyo a sangsangkamaysa dagiti umili. Mangsantipikarkayo iti kongregasion.+ Tiponenyo a sangsangkamaysa dagiti lallakay. Ummongenyo a sangsangkamaysa dagiti ubbing ken dagidiay agsussuso.+ Rummuar koma ti nobio manipud makin-uneg a siledna, ken ti nobia manipud siledna a maipaay iti kasar. 17  “Iti nagbaetan ti beranda ken ti altar,+ agsangit koma ti papadi, dagiti ministro ni Jehova, ket kunaenda, ‘Maasianka iti ilim, O Jehova, ket ti tawidmo dika pagbalinen nga umsi,+ nga iturayan ida dagiti nasion. Apay koma a kunaenda iti tengnga dagiti ili: “Sadino ti ayan ti Diosda?”’+ 18  Ket ni Jehova naregtanto maipaay iti dagana+ ket mangipakitanto iti panangngaasi iti ilina.+ 19  Ket sumungbatto ni Jehova ket kunaenna iti ilina, ‘Adtoy ipatulodko kadakayo ti bukbukel ken ti baro nga arak ken ti lana, ket sigurado a mapnekkayto iti dayta;+ ket saankayton a pagbalinen nga umsi iti tengnga dagiti nasion.+ 20  Ket ti taga amianan+ iyadayokto kadakayo, ket pudno nga isu iwarawarakto iti awanan danum a daga ken langalang a rebbek, a ti rupana tumurong iti makindaya a baybay+ ket ti makinlikud a pasetna tumurong iti makinlaud a baybay.+ Ket ti bangsit manipud kenkuana sigurado nga agpangatonto, ket ti buyok manipud kenkuana agtultuloyto nga agpangato;+ ta Isu pudno nga agaramidto iti naindaklan a banag iti aramidenna.’ 21  “Dika agbuteng, O daga. Agragsak ken agrag-oka; ta ni Jehova pudno nga agaramidto iti naindaklan a banag iti aramidenna.+ 22  Dikay agbuteng, dakayo nga an-animal iti nawayang a tay-ak,+ ta sigurado a lumangtonto dagiti pagpaaraban iti let-ang.+ Ta ti kayo pudno nga ipaaynanto ti bungana.+ Ti kayo a higos ken ti ubas iteddanto ti kiredda.+ 23  Ket, dakayo nga annak ti Sion, agragsak ken agrag-okayo ken Jehova a Diosyo;+ ta siguradonto nga ipaayna kadakayo ti tudo iti otonio iti umiso a rukod,+ ket pagtinnagennanto kadakayo ti bayakabak, ti tudo iti otonio ken tudo iti primavera, kas idi damo.+ 24  Ket dagiti pagirikan mapnonto iti nadalusan a bukbukel, ket dagiti tangke a pagpespesan aglippiasto iti baro nga arak ken lana.+ 25  Ket subadankayto maipaay kadagiti tawen a panagkaan ti dudon, ti agkarkarayam, a di-nagpayak a dudon, ken ti ipes ken ti arabas, ti dakkel a puersa militarko nga imbaonko kadakayo.+ 26  Ket pudno unay a mangankayto, a mangmangan ken agpempennek,+ ket sigurado nga idaydayawyonto ti nagan ni Jehova a Diosyo,+ a nagaramid kadakayo iti nakaskasdaaw unay;+ ket ti ilik saanto a mabainan agingga iti tiempo a di nakedngan.+ 27  Ket kasapulanto a maammuanyo nga addaak iti tengnga ti Israel,+ ken siak ni Jehova a Diosyo ket awanen sabali.+ Ket ti ilik saanto a mabainan agingga iti tiempo a di nakedngan. 28  “Ket kalpasanna mapasamakto nga iparukpokko ti espirituk+ iti tunggal kita ti lasag,+ ket ti annakyo a lallaki ken ti annakyo a babbai+ sigurado nga agipadtodanto. No maipapan kadagiti lallakay kadakayo, agtagtagainepdanto kadagiti tagtagainep. No maipapan kadagiti agtutuboyo a lallaki, makakitadanto kadagiti sirmata. 29  Ket uray kadagiti adipen a lallaki ken kadagiti adipen a babbai kadagidiay nga aldaw iparukpokkonto ti espirituk.+ 30  “Ket mangtedakto kadagiti tanda iti langlangit+ ken iti daga, dara ken apuy ken dagiti munmon nga asuk.+ 31  Ti met laeng init mapagbalinto a sipnget,+ ket ti bulan mapagbalin a dara,+ sakbay ti iyaay ti naindaklan ken nakaam-amak nga aldaw ni Jehova.+ 32  Ket mapasamakto a tunggal maysa nga umawag iti nagan ni Jehova makatalawto a sitatalged;+ ta iti Bantay Sion ken iti Jerusalem addanto dagidiay nakatalaw,+ kas iti kinuna ni Jehova, ken kadagiti nakalasat, isuda nga ay-ayaban ni Jehova.”+

Footnotes