Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Joel 1:1-20

1  Ti sao ni Jehova a dimteng+ ken Joel nga anak ni Petuel:  “Denggenyo daytoy, dakayo a lallakay, ket umimdengkayo, dakayo amin nga agnanaed iti daga.+ Napasamaken aya daytoy iti kaaldawanyo, wenno uray idi kaaldawan dagidi ammayo?+  Maipapan iti dayta isalaysayyo iti bukodyo nga annak, ken ti annakyo iti annakda, ket ti annakda iti sumaganad a kaputotan.+  Ti natedda ti arabas, kinnan ti dudon;+ ket ti natedda ti dudon, kinnan ti agkarkarayam, di-nagpayak a dudon; ket ti natedda ti agkarkarayam, di-nagpayak a dudon, kinnan ti ipes.+  “Agriingkayo, dakayo a managbarbartek,+ ket agsangitkayo;+ ket aganug-ogkayo, dakayo amin a managinum iti arak,+ maigapu iti nasam-it nga arak, ta naisinan kadagiti ngiwatyo.+  Ta adda nasion a simmang-at iti dagak, nabileg ken awanan bilang.+ Dagiti ngipenna ngipngipen ti leon,+ ket addaan kadagiti tulang ti panga ti leon.  Insaadna ti ubasko kas banag a pagmalangaan,+ ken ti kayo a higosko kas pungdol.+ Pudno unay nga inukisanna a naan-anay ket impalladawna.+ Nagbalin a napudaw dagiti saringitna.  Agdung-awka, kas iti panagdung-aw ti birhen a nabariksan iti tinakpil+ gapu iti makinkukua ti kinaagtutubona.  “Ti daton a bukbukel+ ken daton nga inumen+ nagessat iti balay ni Jehova; ti papadi, dagiti ministro+ ni Jehova, nagleddaangda.+ 10  Ti tay-ak naagawan,+ ti daga napagleddaang;+ ta ti bukel naagawan, ti baro nga arak naatianan,+ ti lana in-inut a nagpukaw.+ 11  Dagiti mannalon nabainanda;+ dagiti agay-aywan iti kaubasan naganug-ogda, maigapu iti trigo ken maigapu iti sebada; ta ti ani iti talon napukaw.+ 12  Ti met laeng ubas gimmango, ket uray ti kayo a higos in-inut a nagpukaw. No maipapan iti kayo a granada, kasta met ti kayo a palma ken ti kayo a mansanas, amin dagiti kayo iti tay-ak, nagangoda;+ ta ti panagrag-o nagtalaw a sibabain iti annak ti sangatauan.+ 13  “Bariksanyo ti bagbagiyo, ket danogenyo dagiti barukongyo,+ dakayo a papadi. Aganug-ogkayo, dakayo a ministro iti altar.+ Sumrekkayo, busbosenyo ti rabii iti tinakpil, dakayo a ministro ti Diosko; ta manipud iti balay ti Diosyo naipaidam ti daton a bukbukel+ ken ti daton nga inumen.+ 14  Mangsantipikarkayo iti tiempo ti panagayunar.+ Mangayabkayo a sangsangkamaysa iti nadaeg nga asamblea.+ Ummongenyo a sangsangkamaysa dagiti lallakay, amin dagiti agnanaed iti daga, iti balay ni Jehova a Diosyo,+ ket agpukkawkayo ken Jehova maipaay iti tulong.+ 15  “Ilala pay ti aldaw;+ agsipud ta asidegen ti aldaw ni Jehova,+ ket umayto a kas iti panangagaw manipud iti Daydiay Mannakabalin-amin! 16  Saan kadi a ti met laeng taraon nagessaten kadagiti mismo a matatayo; manipud iti balay ti Diostayo, ti panagrag-o ken kinaragsak?+ 17  Dagiti nagango a higos kimbetda iti sirok dagiti supladda. Napaglangalang dagiti kamalig. Narebban dagiti kamarin, ta nagango ti binukel. 18  O anian a panagsennaay ti naamo nga animal! Anian a panagallaalla dagiti pangen ti baka gapu iti pannakariribuk! Ta awan ti pagpaaraban a maipaay kadakuada.+ Kasta met, dagiti pangen ti karnero isuda dagidiay napagawit iti pannakabasol. 19  “Kenka, O Jehova, umawagakto;+ ta ti met laeng apuy inalun-onna dagiti pagpaaraban iti let-ang, ket ti met laeng gil-ayab inibusna dagiti amin a kayo iti tay-ak.+ 20  Dagiti animal iti tay-ak agtultuloy met nga iliwendaka,+ agsipud ta naatianan dagiti pagayusan ti danum,+ ket ti met laeng apuy inalun-onna dagiti pagpaaraban iti let-ang.”

Footnotes