Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Job 5:1-27

5  “Umawagka, pangngaasim! Adda kadi asinoman a sumungbat kenka?Ket siasino kadagidiay sasanto ti bumaw-ingamto?   Ta daydiay maag papatayento ti panagluksaw,Ket daydiay silalaka a masulbog papatayento ti panagapal.   Siak nakitak daydiay maag nga agramramut,+Ngem giddato a rinugiak nga ilunod ti disso a pagyananna.   Ti annakna agtalinaedda nga adayo iti pannakaisalakan,+Ket mailupitlupitda iti ruangan nga awan manangispal.   Ti anienna kanen daydiay mabisin;Ket alaen ti maysa dayta uray manipud kadagiti kawit ti partidor,Ket ti silo pudno a sikbabenna dagiti sanikuada a pagbiag.   Ta saan a manipud tapok laeng nga agwaras ti makapasakit,Ket saan a tumanor ti riribuk manipud daga laeng.   Ta ti met laeng tao mayanak a maipaay iti riribuk,Kas kadagiti mismo a rissik agtayabda nga agpangato.   Nupay kasta, siak agkiddawak iti Dios,Ket iti Dios idatagko ti irupirko,+   Iti Daydiay mangar-aramid iti naindaklan a bambanag a di masukimat,Nakaskasdaaw a bambanag nga awanan bilang;+ 10  Iti Daydiay mangmangted iti tudo iti rabaw ti daga+Ken mangibabaon iti dandanum iti rabaw dagiti nawayang a talon;+ 11  Iti Daydiay mangisasaad kadagidiay nababa iti nangato a disso,+Iti kasta dagidiay naliday nangatoda iti pakaisalakanan; 12  Iti Daydiay mangpapaay kadagiti gandat dagiti nasaldet,+Iti kasta dagiti imada saan nga agaramid nga addaan ibunga; 13  Iti Daydiay mangtiltiliw kadagiti masirib iti bukodda a kinasikap,+Iti kasta ti gakat dagidiay nasaririt sidadarasudos a maipanaw;+ 14  Masabatda ti sipnget uray iti aldaw,Ket agari-arikapda iti tengnga ti aldaw a kasla iti rabii;+ 15  Ken iti Daydiay mangisalsalakan manipud iti kampilan nga agtaud iti ngiwatda,Ken manipud iti ima daydiay napigsa, maysa a napanglaw,+ 16  Iti kasta maipaay iti daydiay nanumo maadda ti namnama,+Ngem ti kinakillo pudno nga ikaemna ti ngiwatna.+ 17  Adtoy! Naragsak ti tao a tubngaren ti Dios;+Ket ti disiplina ti Mannakabalin-amin dika laksiden! 18  Ta isu pataudenna ti ut-ot, ngem patapatanna ti sugat;Isu mangrangrangkay, ngem ti bukodna nga im-ima mangpaimbag. 19  Iti innem a rigat ispalennakanto,+Ket iti pito awan makadangran a mangsagidto kenka.+ 20  Bayat ti nakaro a bisin sigurado a subbotennakanto manipud ken patay,+Ken bayat ti gubat manipud iti pannakabalin ti maysa a kampilan. 21  Manipud iti pagsaplit ti dila mailemmengkanto,+Ket saankanto nga agbuteng iti pannakaagaw inton dumteng. 22  Ti pannakaagaw ken bisin katawaamto,Ket ti atap nga animal ti daga saan a kasapulan a pagbutngam. 23  Ta kadagiti bato iti tay-ak addanto ti tulagmo,Ket ti met laeng atap nga animal ti tay-ak mapagnaedto a sikakappia kenka.+ 24  Ket pudno unay a maammuamto a ti met laeng talna isu ti toldam,Ket sigurado a mapankanto ket kitaem ti pagpaarabam, ket awanto ti masaawmo. 25  Ket sigurado a maammuamto a ti kaputotam aduda+Ken dagiti putotmo kas iti mulmula ti daga.+ 26  Umaykanto a sikikired iti lugar a pagitabonan,+A kas no dagiti binettek aggabsuon iti tiempoda. 27  Adtoy! Daytoy ti nausisami. Kasta dayta.Denggem dayta, ket sika—ammuem maipaay iti bagim.”

Footnotes