Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Job 41:1-34

41  “Makayaonka aya iti Leviatan+ babaen iti banniit, Wenno babaen iti tali mamedmedam aya ti dilana?   Makaikabilka aya iti tanutubo kadagiti abut ti agongna,+ Wenno babaen iti siit mabutbotam aya dagiti pangana?   Mangaramidto aya kenka iti adu a panagpakaasi, Wenno mangisaonto aya kenka iti nalamuyot a sasao?   Mamatalgedto aya kenka iti tulag, Tapno maalam dayta kas adipen agingga iti tiempo a di nakedngan?   Makiay-ayamkanto aya iti dayta a kas iti maysa a tumatayab, Wenno igalutmonto aya maipaay kadagiti agtutubom a babbai?   Isuborto aya dayta dagiti agkakasugpon? Bingbingayendanto aya kadagiti agtagtagilako?   Punnuemto aya ti kudilna kadagiti balabag,+ Wenno ti ulona kadagiti pika ti ikan?   Ikabilmo ta imam iti rabawna. Lagipem ti bakal. Dika aramidenen dayta.   Adtoy! Ti inanama ti maysa maipapan iti dayta sigurado a maupayto. Ti maysa maipadsonto met iti pannakakita laeng iti dayta. 10  Awan ti nakadurdursok tapno tignayenna koma dayta. Ket siasino daydiay makapagtalinaed iti takderna iti sanguanak?+ 11  Siasino ti nangted nga immuna kaniak iti maysa a banag, tapno rebbeng a gunggonaak?+ Iti baba ti intero a langlangit kukuak dayta.+ 12  Saanakto nga agulimek maipapan kadagiti pasetna Wenno ti maipapan iti kinamannakabalinna ken ti libnos dagiti rukod ti pammagina. 13  Siasino ti nangilukais iti parupa ti pagan-anayna? Iti nagkadua a sangina siasinonto ti sumrek? 14  Dagiti ruangan ti rupana siasino ti nanglukat? Nakaal-aliaw dagiti ngipenna iti aglikmut. 15  Ti gulgulis dagiti siksik isuda ti kinatangsitna, Nakaserra a kasla babaen iti nairut a selio. 16  Nagdidinnekketda unay ti maysa iti sabali, Ket uray ti angin saan a makastrek iti nagbabaetanda. 17  Napagtitiponda tunggal maysa iti sabali; Agpipinnetpetda ket saan a mapagsisina. 18  Dagiti mismo a panagbaenna mangigilapda iti lawag, Ket dagiti matana kaslada kadagiti silnag ti bannawag. 19  Iti ngiwatna rummuar dagiti gilap ti kimat, Uray dagiti rissik ti apuy agtalawda. 20  Kadagiti abut ti agongna rummuar ti asuk, Kas iti urno a mapasgedan babaen a mismo kadagiti tanutubo. 21  Ti met laeng kararuana mangpagayebgeb kadagiti beggang, Ket uray ti maysa a gil-ayab rummuar iti ngiwatna. 22  Iti tengngedna agtaeng ti pigsa, Ket iti sanguananna lumagto ti pannakaupay. 23  Agkikinnapet dagiti lambilambi ti lasagna; Kaslada iti sinukog nga adda iti rabawna, di magaraw. 24  Ti pusona nasukog a kasla bato, Wen, nasukog a kasla makimbaba a bato ti gilingan. 25  Gapu iti irurukuasna maaliaw dagiti napigsa;+ Gapu iti panagaburido mariribukanda. 26  Iti panangkamakam iti dayta, ti met laeng kampilan saan a makipada, Uray ti pika, sabat wenno tirad ti pana.+ 27  Ibilangna ti landok+ a kas garami laeng, Ti gambang a kas rinuker a kayo laeng. 28  Saan a maabug dayta ti maysa a pana; Dagiti bato ti pallatibong+ napagbalin a punget ti garami laeng maipaay iti dayta. 29  Ti maysa a pang-or imbilang dayta a kas punget ti garami laeng,+ Ket katawaanna ti panagkaradakad ti maysa a gayang. 30  Dagiti makimbaba a pasetna ket kas kadagiti natirad a ribak ti damili; Mangyukrad iti alikamen a pagirik+ iti rabaw ti kapitakan. 31  Pagburekenna dagiti kaadalman a kas iti banga; Pagbalinenna ti mismo a baybay a kas iti banga ti sapsapo. 32  Iti mismo a likudanna mamagsilnag iti dasdas; Ti maysa ibilangna ti nadanum a yuyeng kas kinaubanan. 33  Iti rabaw ti tapok awan ti kaasping dayta, Daydiay naaramid nga awanan panagaligaget. 34  Tunggal banag a nangato makitana. Ari dayta kadagiti amin a nadaeg nga atap nga animal.”

Footnotes