Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Job 40:1-24

40  Ket ni Jehova sinungbatanna ni Job ket kinunana:   “Rebbeng kadi a ti maysa a manangsapul-biddut adda aniaman a pannakisupiatna iti Mannakabalin-amin?+Sungbatan koma dayta ti manangtubngar iti Dios a mismo.”+  Ket ni Job simmungbat ken Jehova ket kinunana:   “Adtoy! Nagbalinak a bassit ti pategna.+Anianto ti isungbatko kenka?Ti imak inyapputko iti ngiwatko.+   Naminsan a nagsaoak, ket saanakton a sumungbat;Ken namindua, ket awanton ti inayonko.”  Ket ni Jehova sinungbatanna ni Job manipud iti allawig+ ket kinunana:   “Bariksam dagiti lomom, pangngaasim, a kas iti maysa a nabaneg a lalaki;+Saludsodankanto, ket pakaammuannak.+   Pudno unay, pagbalinemto aya nga awan kapapay-anna ti kinahustisiak?Ibatadnakto aya a nadangkes tapno iti kasta maaddaka iti umiso?+   Wenno addaanka aya iti takiag a kas iti takiag ti pudno a Dios,+Ket babaen iti timek a kas iti timekna mapaggurruodmo aya dayta?+ 10  Arkosam ta bagim, pangngaasim, iti kinatan-ok+ ken kinangato;+Ket iti dayaw+ ken kinangayed+ kawesam koma ta bagim. 11  Bay-am nga agayus dagiti narungsot nga ibebettak ti ungetmo,+Ket kitaem ti tunggal maysa a natangsit ket ipababam. 12  Kitaem ti tunggal maysa a natangsit, pagpakumbabaem,+Ket ibaddebaddekmo dagiti nadangkes iti mismo nga ayanda. 13  Ilemmengmo ida a sangsangkamaysa iti tapok,+Patapatam dagiti mismo a rupada iti nalemmeng a lugar, 14  Ket siak, mismo a siak, padayawankanto,Agsipud ta ti makannawan nga imam maisalakannaka. 15  Adtoy, ita, ti Behemot nga inaramidko a kas met kenka.Ti berde a ruot kanenna+ a kas pannangan ti maysa a toro. 16  Adtoy, ita, ti bilegna adda kadagiti padingpadingna,Ket ti dinamiko nga enerhiana+ adda kadagiti pennet ti tianna. 17  Iyagmuyna ti ipusna kas iti maysa a sedro;Ti bingbinggas dagiti luppona nalagalaga. 18  Dagiti tulangna tubtuboda a gambang;Dagiti natibker a tulangna kaslada ung-ungkay a pinanday a landok. 19  Dayta ti punganay ti daldalan ti Dios;Ti Nangaramid kenkuana+ mayasidegna ti kampilanna. 20  Ta dagiti met laeng bantay pataudenda ti bungada maipaay iti dayta,+Ket amin dagiti mismo nga atap nga animal iti tay-ak agay-ayamda sadiay. 21  Iti sirok dagiti nasiit a kayo a lotus agidda dayta,Iti natalimeng a lugar dagiti runo+ ken iti nalutulot a disso.+ 22  Salsalingdan dayta dagiti nasiit a kayo a lotus babaen ti salinongda;Dagiti alamo ti naapres a ginget palikmutanda dayta. 23  No ti karayan dumawel, saan nga agtaray dayta a silalagaw.Agtalek dayta, nupay ti Jordan+ pussuakanna ti ngiwat dayta. 24  Iti imatangna maala aya dayta ti asinoman?Babaen kadagiti silo mabutbotan aya ti asinoman ti agongna?

Footnotes