Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Job 4:1-21

4  Ket simmungbat ni Elifaz+ a Temanita ket kinunana:   “No ti maysa mangipadas kenka iti sao, mapakilkanto kadi?Ngem siasino ti makabael a mangmedmed iti sasao?   Adtoy! Nangilintegka iti adu,+Ket dagiti nakapuy nga ima pappapigsaem idi.+   Ti asinoman a maitibkol, patakderen ti sasaom;+Ket ti tumtumeng nga agkapuy patibkerem.+   Ngem iti daytoy a tiempo umay kenka dayta, ket mapakilka;Sagidennaka a mismo, ket mariribukka.   Saan aya a ti panagraemmo ti pakaibatayan ti panagtalekmo?Saan aya a ti namnamam ti mismo a kinatarnaw+ ti daldalanmo?   Lagipem, pangngaasim: Siasino nga awanan basol ti napukawen?Ket sadino ti nakapunasanen ti nalinteg?+   Sigun iti nakitakon, dagidiay mangigakgakat iti makapasakitKen dagidiay agimulmula iti riribuk apitendanto a mismo dayta.+   Babaen ti anges ti Dios mapukawda,Ket babaen ti espiritu ti ungetna agngudoda. 10  Adda ti panagngernger ti maysa a leon, ken ti timek ti maysa nga urbon a leon,Ngem ti ngipen dagiti burboran a bumaro a leon matuppolda. 11  Ti maysa a leon mapukaw gapu iti kaawan ti inanupan,Ket dagiti urbon ti maysa a leon mapagsisinada iti maysa ken maysa. 12  Ita sikukurimed a naiyeg kaniak ti maysa a sao,Ket ti lapayagko immawat iti arasaas dayta,+ 13  Iti mangrirriribuk a pampanunot manipud kadagiti sirmata ti rabii,No ti nargaan a turog umapay kadagiti tattao. 14  Ti panagalinggaget immay kaniak, ken panagpigerger,Ket ti kinaadu dagiti tulangko pinunnona iti alinggaget. 15  Ket ti maysa nga espiritu a mismo limmabas iti rupak;Ti dutdot ti lasagko nangrugi a sumgar. 16  Nagtakderen a siiintek,Ngem saanko a nailasin ti langana;Maysa a porma adda idi iti sanguanan dagiti matak;Adda idi talinaay, ket nakangngegak ita iti timek: 17  ‘Mortal a tao—mabalin kadi nga isu ad-adda a nainkalintegan ngem iti Dios a mismo?Wenno mabalin kadi a ti nabaneg a lalaki nadaldalus ngem iti mismo a Nangaramid kenkuana?’ 18  Adtoy! Kadagiti adipenna isu awanan iti pammati,Ket dagiti mensaherona pabasolenna iti panagbiddut. 19  Anian nga ad-adda pay kadagidiay agnanaed iti balbalay a pila,A ti pamuonda adda iti tapok!+Ti maysa rumekenna ida a nadardaras pay ngem iti maysa a sanga. 20  Manipud iti bigat agingga iti rabii marumekrumekda;Iti agnanayon mapukawda nga awan ti asinoman a mangipapuso iti dayta. 21  Saan aya a nauyos ti singdan ti toldada iti unegda?Matayda gapu iti kinakurang ti sirib.

Footnotes