Mapan iti linaonna

Mapan iti listaan dagiti linaonna

Dagiti Saksi ni Jehova

Agpili iti lengguahe Iloko

Job 39:1-30

39  “Naammuam aya ti naituding a tiempo a panagpasngay dagiti kalding iti bantay iti napasdok a bato?+Mapaliiwmo aya no kaano laeng nga agpasngay+ dagiti kabaian nga ugsa buyogen dagiti ut-ot ti panaganak?   Bilangem aya dagiti lunar a bulan nga itungpalda,Wenno naammuam aya ti naituding a tiempo a panagpasngayda?   Agrukobda no imultitda dagidiay urbonda,No iwaksida dagiti ut-otda.   Bumaked ti annakda, dumakkelda iti nawayang a tay-ak;Pudno a mapanda ket saanda nga agsubli kadakuada.   Siasino ti nangibulos iti sebra,+Ket siasino ti nangwarwar kadagiti mismo a galut ti atap nga asno,   A ti balayna intudingko ti desierto a tanapKet dagiti dissona a pagnaedan isu ti asin a pagilian?+   Katawaanna ti bellaak ti maysa nga ili;Dagiti daranudor ti managanup+ saanna a denggen.   Sukisokenna ti bambantay maipaay iti pagpaarabanna+Ket ti tunggal kita ti nalangto a mula+ sapulenna.   Kayat aya ti maysa nga atap a toro ti agserbi kenka,+Wenno busbosennanto aya ti rabii iti sibay ti kulluongmo? 10  Galutamto aya a siiirut ti atap a toro babaen kadagiti talina idiay gulis,Wenno mangsuyodto+ aya kadagiti nababa a tanap a sumaruno kenka? 11  Agtalekkanto aya iti dayta gapu ta naruay ti bilegna,Ket ipiarmonto aya iti dayta ti nagbannogam? 12  Agkammatalekkanto aya iti dayta nga isublinanto ti bin-imKet agurnongto idiay pagirikam? 13  Nagpayakpak aya a sirarag-o ti payak ti kabaian nga abestrus,Wenno addaan aya kadagiti pawis ti maysa a tikbaboy+ ken kadagiti dutdot? 14  Ta panawanna dagiti itlogna iti mismo a dagaKet iti tapok pagtalinaedenna ida a napudot, 15  Ket malipatanna nga adda saka a mabalin a mangrumek kadakuadaWenno mabaddekan ida uray ti maysa nga atap nga animal ti tay-ak. 16  Tratuenna a sidadawel ti annakna, a kasla saanna a kukua+Ti panagbannogna kinaubbaw agsipud ta awanan iti alinggaget. 17  Ta ti Dios pinalipatna kenkuana ti sirib,Ket isu saanna nga inikkan iti binglay iti pannakaawat.+ 18  Iti tiempo nga ipayakpakna dagiti payakna iti ngato,Katawaanna ti kabalio ken ti nakasakay iti dayta. 19  Maipaayam aya ti kabalio iti kinabileg?+Makawesam aya ti tengngedna iti wumaneswes a burbor? 20  Mapaglagtom aya dayta a kas iti dudon?Ti kinatan-ok ti panagbang-esna ket nakaal-aliaw.+ 21  Agkarukay+ iti nababa a tanap ken agrag-o iti bileg;Rummuar a sumabet iti armas.+ 22  Katawaanna ti alinggaget, ket saan nga agkullayaw;+Saan met nga agbaw-ing maigapu iti kampilan. 23  Maibusor iti dayta agkaradakad ti taguban,Ti tadem ti pika ken ti gayang. 24  Buyogen ti panagbanegbeg ken pannakariribuk alimonenna ti daga,Ket saanna a patien nga uni dayta ti tangguyob. 25  Apaman a ti tangguyob aguni kunaenna Aha!Ket manipud adayo masay-upna ti bakal,Ti panagariwawa dagiti panguluen ken ti ikkis ti gubat.+ 26  Maipagapu aya iti pannakaawatmo a ti kali tumayok,Nga iyukradna dagiti payakna iti abagat? 27  Wenno iti panagbilinmo aya a ti maysa nga agila+ tumayab nga agpangatoKet aramidenna ti umokna iti nangato,+ 28  Nga iti napasdok a bato agtaeng dayta ket agtalinaed bayat ti rabiiIti rabaw ti pannakangipen ti napasdok a bato ken ti di madanon a disso? 29  Manipud sadiay kasapulan nga agbirok iti taraon;+Agingga iti adayo kumitkita dagiti matana. 30  Ket dagiti met laeng urbonna agsussusopda iti dara;Ket no sadino ti ayan dagiti napapatay, adda sadiay dayta.”+

Footnotes