Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Job 37:1-24

37  “Kinapudnona mangrugi nga agpigerger ti pusok+ iti daytoy, Ket lumagto dayta manipud dissona.   Umimdengkayo a sititimud iti panagdaranudor ti timekna,+ Ken iti ungor a rummuar iti ngiwatna.   Iti baba ti intero a langlangit bulosanna dayta, Ket ti kimatna+ adda agingga kadagiti ungto ti daga.   Kalpasan dayta agungor ti maysa nga uni; Isu aggurruod+ a buyogen ti uni ti kinatan-okna,+ Ket saanna a medmedan ida no mangngegan ti timekna.+   Ti Dios aggurruod a buyogen ti timekna+ iti nakaskasdaaw a pamay-an, Nga ar-aramidenna ti naindaklan a bambanag a saantayo a maammuan.+   Ta iti niebe kunaenna, ‘Agtinnagka iti daga,’+ Ken iti bayakabak ti tudo, iti mismo a bayakabak dagiti napigsa a tudona.+   Iti ima ti tunggal naindagaan a tao isu mangikabil iti selio Tapno tunggal mortal a tao maammuanna ti aramidna.   Ket ti atap nga animal dumteng iti pagsaneban, Ket agnaed dayta kadagiti paglemmenganna a lugar.+   Manipud iti makin-uneg a siled+ rummuar ti bagyo nga angin Ken ti lam-ek manipud kadagiti amian.+ 10  Babaen iti anges ti Dios maited ti yelo+ Ket ti kaakaba ti dandanum malaplapdan.+ 11  Wen, iti alnaab padagsenanna ti ulep, Ti lawagna+ warawaraenna ti aripuno dagiti ulep, 12  Ket mapagpuspusipos dayta babaen ti panangiturongna kadakuada maipaay iti gapuananda Sadinoman a pangbilinanna+ kadakuada iti rabaw ti nabunga a talon ti daga. 13  Uray no maipaay iti pagbaut+ wenno maipaay iti dagana+ Wenno maipaay iti naayat a kinamanangngaasi,+ pagpataudenna dayta iti bungbunga. 14  Umimdengka iti daytoy, O Job; Agintekka ket ipakitam a sipapaliiwka iti nakaskasdaaw nga ar-aramid ti Dios.+ 15  Ammom kadi no kaano a ti Dios nangaramid kadakuada iti panangdutok,+ Ken no kaano a pinagsilnagna ti lawag ti ulepna? 16  Ammom kadi ti maipapan kadagiti panagtimbeng ti ulep,+ Ti nakaskasdaaw nga ar-aramid Daydiay naan-anay iti pannakaammo?+ 17  No kasano a napudot dagiti kawesmo Inton ti daga iparangarangna ti kinaulimek manipud iti abagatan?+ 18  Kabaelam kadi a pandayen ti tangatang+ a kaduam isuna A natangken kas iti sinukog a pagsarmingan? 19  Ipakaammom kadakami no ania ti rebbeng a sawenmi kenkuana; Saankami a makapataud iti sasao gapu iti kinasipnget. 20  Rebbeng aya a maisalaysay kenkuana nga agsaoak? Wenno sinao aya ti asinoman a tao a maipakaammonto dayta?+ 21  Ket ita pudno a saanda a makita ti lawag; Naraniag dayta kadagiti tangatang, Idi limmabas ti mismo nga angin ket dinalusanna ida. 22  Manipud iti amianan rummuar ti nabalitokan a kinangayed. Iti Dios nakaam-amak ti kinatan-ok.+ 23  No maipapan iti Mannakabalin-amin, saantayo a naduktalan;+ Isu natan-ok iti pannakabalin,+ Ket ti kinahustisia+ ken kinaruay ti kinalinteg+ saannanto a tagibassiten.+ 24  Gapuna agbuteng koma kenkuana dagiti tattao.+ Saanna a tagipatgen ti asinoman a masirib iti bukodda a puso.”+

Footnotes