Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Job 32:1-22

32  Gapuna dagitoy tallo a lallaki nagsardengda a mangsungbat ken Job, ta isu nalinteg kadagiti bukodna a mata.+  Ngem bimmara ti unget ni Eliu nga anak ni Baraquel a Buzita+ manipud iti pamilia ni Ram. Maibusor ken Job gimmil-ayab ti ungetna gapu iti panangideklarana a nalinteg ti bukodna a kararua imbes a ti Dios.+  Kasta met, maibusor iti tallo a kakaduana gimmil-ayab ti ungetna gapu iti kinapudno a saanda a nakasarak iti sungbat no di ket imbatadda a nadangkes ti Dios.+  Ket ni met laeng Eliu naguray ken Job buyogen iti sasao, agsipud ta laklakayda ngem isu iti al-aldaw.+  Ket nagin-inut a nakita ni Eliu nga awan ti sungbat iti ngiwat+ ti tallo a lallaki, ket ti ungetna bimmara a bimmara.  Ket ni Eliu nga anak ni Baraquel a Buzita simmungbat ket kinunana:“Ubingak iti al-aldawKet lallakaykayon.+Dayta ti makagapu a nagsanudak ken nagbutengakA mangideklara kadakayo ti pannakaammok.   Kinunak, ‘Dagiti met laeng aldaw rebbeng nga agsaoda,Ket ti kinaadu ti tawtawen isu ti rebbeng a mangipakaammo ti sirib.’+   Sigurado a ti espiritu iti mortal a tattaoKen ti anges ti Mannakabalin-amin ti mangted kadakuada iti pannakaawat.+   Saan a dagidiay laeng naruay iti al-aldaw ti mapaneknekan a masirib,+Wenno uray dagidiay lallakay laeng ti makatarus iti panangukom.+ 10  Gapuna kinunak, ‘Imdengandak.Ideklarakto ti pannakaammok, siak a mismo.’ 11  Adtoy! Nagurayak iti sasaoyo,Immim-imdengak kadagiti panagrasrasonyo,+Agingga a makabirokkayo iti sasao a sawenyo. 12  Ket impamaysak kadakayo ti asikasok,Ket adtoy awan asinoman a mangtubngar ken Job,Awan kadakayo ti mangsungbat iti sasaona, 13  Tapno saanyo koma a kunaen, ‘Nakasarakkami iti sirib;+Ti Dios ti mamagtalaw kenkuana, saan a ti tao.’ 14  Yantangay isu saan a nangurnos iti sasao maibusor kaniak,Gapuna a babaen iti sasaoyo saanakto a sumungbat kenkuana. 15  Nagkullayawda, saandan a pulos simmungbat;Ti sasao pimmanaw kadakuada. 16  Ket nagurayak, ta saanda nga agtultuloy nga agsao;Ta nagintekda, saandan a simmungbat. 17  Kas sungbat ipaaykonto ti biangko, siak a mismo;Ideklarakto ti pannakaammok, siak a mismo; 18  Ta napnoak iti sasao;Ti espiritu nangyeg ti pannakaparigat+ kaniak iti tianko. 19  Adtoy! Ti tianko ket kas arak nga awan pagsengngawanna;Kas kadagiti baro a botelia a lalat kayatna ti bumkas.+ 20  Bay-andak nga agsao tapno pakagin-awaak.Luktakto dagiti bibigko tapno sumungbatak.+ 21  Saanak koma a mangipakita, pangngaasiyo, iti panangidumduma iti maysa a tao;+Ket iti maysa a naindagaan a tao saanak a mangipaay iti titulo;+ 22  Ta pudno unay a saanko nga ammo no kasano a makaipaayak iti titulo;Silalaka nga ipanawnak ti Nangaramid kaniak.+

Footnotes