Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Job 31:1-40

31  “Maysa a tulag ti pinatalgedak kadagiti matak.+Gapuna kasano koma nga agparangak a simamatmat iti maysa a birhen?+   Ket ania ti adda a bingay manipud iti Dios sadi ngato,+Wenno tawid manipud iti Mannakabalin-amin manipud ngato?   Awan aya ti didigra a maipaay iti managaramid iti dakes,+Ken dakes a kalak-aman a maipaay kadagidiay agar-aramid iti makapasakit?   Saanna aya a makita ti daldalanko+Ken bilangenna uray dagiti amin nga addangko?   No nakipagnaak kadagiti tattao ti kinaulbod,+Ket ti sakak agganat nga agturong iti panangallilaw,+   Timbangennakto kadagiti umiso a timbangan+Ket ti Dios maammuannanto ti kinatarnawko.+   No ti panagaddangko sumiasi iti dalan,+Wenno ti pusok simmurot laeng kadagiti matak,+Wenno ti aniaman a pilaw kimpet kadagiti bukodko a dakulap,+   Agimulaak koma iti bin-i ket sabali ti mangan,+Ket maparut koma dagiti mismo a putotko.   No ti pusok nasulbog nga agduyos iti maysa a babai,+Ket nagpadpadaanak+ idiay mismo a pagserkan ti kaduak, 10  Ti asawak aramidenna koma ti panaggiling maipaay iti sabali a lalaki,Ket iti rabawna agparintumeng koma ti sabali pay a lallaki.+ 11  Ta nalulok a kababalin dayta,Ken maysa dayta a biddut nga asikasuen dagiti hues.+ 12  Ta maysa dayta nga apuy nga aglamut agingga iti pannakadadael,+Ket iti tengnga ti isuamin nga apitko agramut dayta. 13  No pagkedkedkedak idi ti pannakaukom ti adipenko a lalakiWenno ti adipenko a babai iti kasoda iti linteg maibusor kaniak, 14  Ngarud ania ti maaramidak inton tumakder ti Dios?Ket inton mangalikagum iti pannakikuenta, ania ti maisungbatko kenkuana?+ 15  Saan aya a Daydiay nangaramid kaniak idiay tian isu ti nangaramid kenkuana,+Ket saan aya a Daydiay laeng ti nangisagana kadakami idiay aanakan? 16  No medmedmedak idi dagidiay nanumo manipud pakaragsakanda,+Ket dagiti mata ti balo a babai pagkapuyek,+ 17  Ket kankanek idi a sisiak ti sangkapisik,Bayat a ti awan amana nga ubing saan a nangan manipud iti dayta+ 18  (Ta manipud kinaagtutubok isu dimmakkel a kaduak a kasla kadua ti maysa nga ama,Ket manipud iti tian ni inak isu indaldalanko); 19  No makitkitak idi ti asinoman a matmatay gapu iti kaawan iti kawes,+Wenno daydiay napanglaw awanan abbong; 20  No dagiti lomona saandak a binendisionan,+Saanna met a papudoten ti bagina manipud iti napukis a delana+ dagiti urbon a kalakian a karnerok; 21  No inwasawasko nga agsublisubli ti imak maibusor iti awan amana nga ubing,+No makitak ti panagkasapulan iti tulongko idiay ruangan,+ 22  Ti bukodko nga aklo-aklo agtinnag koma manipud abagana,Ket ti bukodko a takiag matukkol koma manipud makinngato a tulangna. 23  Ta ti didigra manipud iti Dios ket alinggaget kaniak,Ket maibusor iti kinatan-okna+ saanak a makaandur. 24  No insaadko ti balitok kas pagkammatalkak,Wenno iti balitok kinunak, ‘Sika ti talekko!’+ 25  No agragrag-oak idi agsipud ta adu ti sanikuak,+Ken agsipud ta ti imak nakasarak iti adu a banag;+ 26  No makitkitak idi ti silaw no aggilap,Wenno ti nangayed a bulan a magmagna,+ 27  Ket ti pusok nangrugi a masulbog a sililimed+Ket ti imak inagkanna ti ngiwatko, 28  Maysa met dayta a biddut nga asikasuen dagiti hues,Ta inlibakko koma ti pudno a Dios sadi ngato. 29  No agragrag-oak idi iti pannakapukaw ti maysa a nakaro ti pananggurana kaniak,+Wenno nagragsakak agsipud ta isu nasarakan ti dakes— 30  Ket diak pinalubosan ti ngadasko nga agbasolBabaen ti panangkiddaw iti sapata maibusor iti kararuana.+ 31  No saan a kinuna dagiti tattao ti toldak,‘Siasino ti makapataud iti asinoman a saan a napnek iti taraonna?’+ 32  Iti ruar awan ganggannaet nga agnanaed a mangbusbos iti rabii;+Dagiti ruanganko pinagtalinaedko a silulukat iti dana. 33  No kas iti naindagaan a tao inabbongak dagiti salungasingko+Babaen ti panangilemmengko iti biddutko iti bulsa ti kamisadentrok— 34  Agsipud ta mapakigtotanak iti maysa a dakkel a bunggoy,Wenno ti met laeng panangumsi dagiti pamilia pagaligagetennakKet agulimekak, saanak a rummuar idiay pagserkan. 35  O no addaanak koma iti maysa nga umimdeng kaniak,+A maitunos iti pirmak sungbatannak+ ti mismo a Mannakabalin-amin!Wenno ti maysa nga addaan kaso iti linteg maibusor kaniak nangisurat iti mismo a dokumento! 36  Sigurado nga iti abagak ibaklayko koma dayta;Ibedbedko koma dayta iti aglikmutko a kas maysa a nadaeg a korona. 37  Ti bilang dagiti addangko ibagak koma kenkuana;+Kas maysa a panguluen umasidegak kenkuana. 38  No ti bukodko a daga agpukkaw maipaay iti tulong maibusor kaniak,Ket sangsangkamaysa nga agsangit dagiti mismo a gulisna; 39  No ti bungana kinnanko nga awanan kuarta,+Ket ti kararua dagiti makinkukua kenkuana pinaganangsabko,+ 40  Imbes a trigo agtubo koma ti nasiit a dakes a ruot,+Ket imbes a sebada nabungtot a dakes a ruruot.”Nagngudo ti sasao ni Job.

Footnotes