Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Job 29:1-25

29  Ket intag-ay manen ni Job ti proverbio nga ebkasna ket kinunana:   “O no addaak koma a kasla iti kaadda kadagiti lunar a bulan ti nabayagen a tiempo,+ Kas iti al-aldaw idi binambantayannak ti Dios;+   Idi pinagsilnagna ti pagsilawanna iti rabaw ti ulok, Idi magnaak a lumasat iti sipnget babaen iti lawagna;+   Kas idi kaaddak iti al-aldaw ti kinaagkabannuagko,+ Idi a ti kinasinged iti Dios adda iti toldak;+   Idi nga adda pay laeng kaniak ti Mannakabalin-amin, Idi a dagiti katulongak addada iti intero nga aglikmutko!   Idi binugguak dagiti addangko iti mantekilia, Ket ti bato nagibukbukbok kadagiti baresbes ti lana maipaay kaniak;+   Idi rimmuarak idiay ruangan nga adda iti ili,+ Idiay publiko a plasa isaganak ti tugawko!+   Nakitadak dagiti ubbing ket naglemmengda, Ket uray dagidiay lallakayen bimmangonda, nagtakderda.+   Dagiti met laeng prinsipe minedmedanda ti sasao, Ket ti dakulap iyapputda iti ngiwatda.+ 10  Ti timek dagiti met laeng panguluen nailemmeng, Ket ti mismo a dilada kimpet iti ngadasda.+ 11  Ta ti met laeng lapayag immimdeng ket imbatadna a naragsakak, Ket ti met laeng mata nakitana ket nangsaksi maipaay kaniak. 12  Ta alawek daydiay naparigatan nga agpatpatulong,+ Ken ti awan amana nga ubing ken ti asinoman nga awanan iti katulongan.+ 13  Ti bendision+ daydiay dandanin mapukaw—dumteng kaniak, Ket ti puso ti balo a babai paragsakek.+ 14  Iti kinalinteg kinawesak ti bagik, ket kinawesannak dayta.+ Ti kinahustisiak ket kas iti awan manggasna a lambon—ken turbante. 15  Nagbalinak a matmata iti daydiay bulsek;+ Ken saksaka iti daydiay pilay. 16  Pudpudnoak idi nga ama kadagidiay napanglaw;+ Ket ti legal a kaso ti maysa a diak am-ammo—sukimatek dayta.+ 17  Ket bungtolek dagiti tulang ti panga ti managaramid iti dakes,+ Ket kadagiti ngipenna alat-atek ti inanupan. 18  Ket kunkunaek idi, ‘Iti uneg ti umokko mauyosto ti biagko,+ Ket kas kadagiti binukel ti darat paaduekto dagiti aldawko.+ 19  Ti ramutko maluktan maipaay iti dandanum,+ Ket ti met laeng linnaaw agyanto iti agpatnag iti kangrunaan a sangak. 20  Ti dayagko nasalibukag kaniak, Ket ti baik iti imak mangibiatto a maulit-ulit.’ 21  Nagimdengda kaniak; ket nagurayda, Ket agulimekda maipaay iti pammatigmaanko.+ 22  Kalpasan ti saok saanda nga agsao manen, Ket kadakuada agtedted ti saok.+ 23  Ket nagurayda kaniak a kas panaguray iti tudo,+ Ket ti ngiwatda nginangada a naimbag maipaay iti tudo iti primavera.+ 24  Isemak ida—saanda a patien dayta— Ket ti lawag ti rupak+ saanda nga iwaksi. 25  Piliek ti dalan maipaay kadakuada, ket agtugtugawak idi kas pannakaulo; Ket nagtaengak a kas maysa nga ari iti tengnga dagiti buyotna,+ Kas maysa a mangliwliwa kadagiti agledleddaang.+

Footnotes