Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Job 28:1-28

28  “Pudno unay, maipaay iti pirak adda lugar a pakasarakan iti dayta Ken lugar a maipaay iti balitok a pasudienda;+   Ti met laeng landok maala iti mismo a tapok+ Ket manipud iti bato maiparukpok ti gambang.   Ti panungpalan iti kinalidem impasdekna; Ket ti tunggal pagpatinggaan isu agsukimat+ Iti bato iti daguyemyem ken napuskol a kinasipnget.   Isu nangilumlom iti usok iti adayo manipud pagtataengan dagiti tattao kas ganggannaet,+ Luglugar a nalipatanen nga adayo iti saka; Naikursong ti sumagmamano kadagiti mortal a tattao, nauyaoyda.   No maipapan iti daga, manipud iti dayta rummuar ti taraon;+ Ngem iti unegna, naibalintuag dayta a kasla babaen iti apuy.   Dagiti batona isuda ti lugar ti safiro,+ Ket addaan dayta iti balitok a tapok.   Maysa a dasdas—awan ti tumatayab nga agsippayot+ a nakaammo iti dayta, Saan met a naimatangan dayta ti mata ti nangisit a gikgik.+   Dagiti nadaeg nga atap nga animal saanda nga imbaddebaddek dayta agingga a masedsed; Ti urbon a leon saan nga immaddang iti rabaw dayta.   Iti rabaw ti pamulinawen inyunnatna ti imana; Nangduprak kadagiti bantay manipud ramutda; 10  Kadagiti bato impadalanna dagiti kanal a napno iti danum,+ Ket amin a napapateg a bambanag nakita ti matana. 11  Dagiti lugar a naggapuan ti panagaruyot dagiti karayan pinuttotna,+ Ket ti naitalimeng a banag iyegna iti lawag. 12  Ngem ti sirib—sadino ti pakasarakan iti dayta,+ Ket sadino, ita, ti ayan ti pannakaawat? 13  Ti mortal a tao saanna a naammuan ti pateg dayta,+ Ket saan a masarakan dayta iti daga dagidiay sibibiag. 14  Kinuna ti mismo a nadanum a yuyeng, ‘Awan kaniak!’ Kinuna met ti baybay, ‘Saanko a kadua!’+ 15  Ti puro a balitok saan a maited a kasukat dayta,+ Ket ti pirak saan a matimbang kas gatadna. 16  Saan a mabayadan dayta iti balitok ti Ofir,+ Iti manmano a bato nga onix ken iti safiro. 17  Ti balitok ken sarming saan a maipadis iti dayta, Saan met a maisukat iti dayta ti aniaman a basehas a napasudi a balitok. 18  Ti met laeng korales+ ken bato a kristal saanto a madakamat, Ngem ti sangasupot a sirib nagatgatad ngem ti maysa a napno kadagiti perlas.+ 19  Ti topasio+ ti Cus saan a maipadis iti dayta; Saan a mabayadan uray pay iti balitok iti kinasudina. 20  Ngem ti met laeng sirib—sadino ti paggapuanna,+ Ket sadino, ita, ti ayan ti pannakaawat? 21  Nailemmeng dayta uray pay manipud kadagiti mata ti tunggal maysa a sibibiag,+ Ket manipud kadagiti agtaytayab a parsua iti langlangit naitalimeng dayta. 22  Ti met laeng pannakadadael ken ipapatay kinunada, ‘Babaen kadagiti lapayagmi nangngegmi ti damag iti dayta.’ 23  Ti Dios isu Daydiay nakatarus iti dalanna,+ Ket isu naammuanna ti lugarna, 24  Ta isu kumita agingga kadagiti mismo nga ungto ti daga;+ Iti baba ti intero a langlangit kitaenna, 25  Tapno ipaayanna ti angin iti dagsen,+ Bayat a rinukodna ti mismo a dandanum babaen iti pagsukat;+ 26  Idi inyaramidanna ti tudo iti alagaden,+ Ken maysa a dalan maipaay iti nakagurgurruod nga ulep ti bagyo, 27  Iti daydin a nakitana ti sirib ket imbagana ti maipapan iti dayta; Insaganana dayta ken kasta met a sinukimatna. 28  Ket kinunana iti tao, ‘Adtoy! Ti panagbuteng ken Jehova—dayta ti sirib,+ Ket ti iyaadayo iti dakes isu ti pannakaawat.’”+

Footnotes