Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Job 27:1-23

27  Ket intag-ay manen ni Job ti proverbio nga ebkasna+ ket kinunana:   “Kas sibibiag ti Dios,+ a nangikkat iti pannakaukomko,+ Ken kas sibibiag ti Mannakabalin-amin, a namagbalin a napait ti kararuak,+   Bayat a ti angesko adda pay laeng amin iti unegko, Ken ti espiritu ti Dios adda kadagiti abut ti agongko,+   Dagiti bibigko saandanto nga agsao iti kinakillo Ket ti bukodko a dila saanto a mangidayamudom iti allilaw!   Narigat a pagarupen iti biangko nga ideklarakayo a nalinteg!+ Agingga a mauyos ti biagko saankonto nga ikkaten kaniak ti kinatarnawko!+   Ti kinanainkalintegak sinalimetmetak, ket saankonto a palusposan;+ Ti pusok saannakto a ruroden iti aniaman kadagiti aldawko.+   Ti kabusorko agbalin koma a nadangkes a tao iti tunggal pamay-an,+ Ket daydiay umalsa maibusor kaniak pudpudno a maysa a managaramid iti dakes.   Ta ania ti namnama ti maysa nga apostata no kas pagarigan isu gessatenna,+ No kas pagarigan ti kararuana alaen kenkuana ti Dios?+   Denggento aya ti Dios ti ikkisna No kas pagarigan dumteng kenkuana ti rigat?+ 10  Wenno iti Mannakabalin-amin maragsakanto aya iti napalalo? Umawagto aya iti Dios iti amin a tiempo? 11  Isurokayto babaen iti ima ti Dios; Daydiay adda iti Mannakabalin-amin saankonto nga ilemmeng.+ 12  Adtoy! Dakayo nakakitakayo amin iti sirsirmata; Gapuna apay nga agparangkayo nga ubbaw iti kasta unay?+ 13  Daytoy ti binglay ti nadangkes a tao manipud iti Dios;+ Ket ti tawid dagiti manangikuspil awatendanto iti mismo a Mannakabalin-amin. 14  No umadu ti annakna, maipaay dayta iti kampilan;+ Ket dagiti met laeng putotna awanandanto iti umdas a taraon. 15  Dagiti kukuana a makalasat maitabondanto bayat ti makapapatay a saplit, Ket saanto nga agsangit dagiti bukodda a balo a babbai.+ 16  No mangigabsuon koma iti pirak kas iti mismo a tapok, Ken mangisagana koma iti pagan-anay a kasla iti pila, 17  Mangisagananto, ngem ti nalinteg isunto daydiay mangkawes iti bagina,+ Ket ti awanan basol isunto daydiay maaddaan iti binglay iti pirak. 18  Imbangonna ti balayna kas iti sanga laeng, Ken kas iti abong-abong+ nga inaramid ti maysa a managwanawan. 19  Isu agiddanto a nabaknang, ngem awanto ti maitipon; Dagiti matana linuktanna, ngem awanto ti aniaman.+ 20  Kas iti dandanum isu kamakamento ti kellaat a panagaligaget;+ Bagyo nga angin ti sigurado a sililibas a mangitayabto kenkuana iti rabii. 21  Wayaway nga angin ti mangawitto kenkuana+ ket isu pumanawto, Ket isu iyalipunonto nga ipanaw dayta iti dissona.+ 22  Ket agpalladawto kenkuana ket awanan iti panangngaasi;+ Manipud iti pannakabalinna di bumurong a padasennanto ti agtalaw.+ 23  Ti maysa pagtipatennanto kenkuana dagiti imana+ Ket agsagawisiwto+ kenkuana manipud dissona.

Footnotes