Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Job 26:1-14

26  Ket simmungbat ni Job ket kinunana:   “O ania ketdin a panagbalinmo a tulong iti maysa nga awanan pannakabalin!O anian a panangisalakanmo iti takiag nga awanan pigsa!+   Ania ketdin a panangbalakadmo iti awanan sirib,+Ken ti panangipakaammom iti mismo a praktikal a kinasirib kadagiti umariwekwek!   Siasino ti nangibagaam iti sasao,Ken makin-anges ti rimmuar kenka?   Dagidiay inutil ken patay agtultuloyda nga agpigergerIti baba ti dandanum ken dagidiay agtataeng kadakuada.+   Ti Sheol lamolamo iti sanguananna,+Ket ti lugar ti pannakadadael awanan abbong.   Un-unnatenna ti amianan iti rabaw ti ongaong a disso,+Nga ibitinna ti daga iti awan;   A bungonenna ti dandanum kadagiti ulepna,+Iti kasta ti aripuno dagiti ulep saan nga agbisngay iti babada;   A tikubenna ti sanguanan ti trono,Nga isaknapna iti rabaw dayta ti ulepna.+ 10  Nangiladawan iti sirkulo iti rabaw ti dandanum,+A sadiay ti lawag agpatingga iti kinasipnget. 11  Dagiti mismo nga adigi ti langit agkintayegda,Ket agsiddaawda gapu iti pammabalawna. 12  Babaen iti pannakabalinna kiniburna ti baybay,+Ket babaen iti pannakaawatna rinangrangkayna+ ti manangduklos.+ 13  Babaen iti anginna pinasilengna ti mismo a langit,+Ti imana sinalputna ti agal-alud-od a serpiente.+ 14  Adtoy! Dagitoy ti pingir ti daldalanna,+Ket anian nga arasaas ti maysa a banag ti nangngegan kenkuana!Ngem iti mannakabalin a gurruodna siasino ti makaipakita iti pannakaawat?”+

Footnotes