Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Job 24:1-25

24  “Apay ngata a dagiti tiempo saan nga indulin ti mismo a Mannakabalin-amin,+Ket dagidiay met laeng makaammo kenkuana saanda a nakita dagiti aldawna?+   Adda dagidiay mangyalis kadagiti muhon;+Ti maysa a pangen rinabsutda, tapno maipastoranda dayta.   Abugenda uray ti kalakian nga asno dagiti awan amana nga ubbing;Ti toro ti balo a babai agawenda kas tani.+   Dagidiay napanglaw isiasida iti dalan;+Iti isu met laeng a tiempo nagtalinaed a nakalemmeng dagiti naparigatan iti daga.   Adtoy! Kas kadagiti sebra+ idiay let-angRimmuarda a mapan iti aramidda, nga agsapsapul iti taraon.Ti desierto a tanap mangted iti tunggal maysa iti tinapay nga agpaay kadagiti ubbing.   Iti talon anienda ti taraonna,Ket ti kaubasan daydiay nadangkes sidadarasudos nga agawanda.   Silalamolamo, awanan kawes nga agpalabasda iti rabii,+Ken awanan iti aniaman nga abbong iti lam-ek.+   Maslepda iti natutudo a bagyo ti bambantay,Ket agsipud ta awan pagsalinongan+ kasapulan a mangrakepda iti bato.   Rabsutenda ti awan amana nga ubing uray pay manipud iti suso,+Ket no ania ti adda iti daydiay naparigatan alaenda kas tani.+ 10  Silalamolamo, kasapulan nga agpagnapagnada nga awanan kawes,Ket, sibibisin, kasapulan nga awitenda dagiti inani a dawa.+ 11  Iti nagbabaetan dagiti pader ti terasa palabasenda ti matuon;Dagiti pagpespesan iti ubas kasapulan nga ibaddekda, ket kaskasdi a mawawda.+ 12  Manipud iti ruar ti siudad agtultuloy nga agasug daydiay matmatay,Ket agpatulong ti kararua dagidiay nasugatan iti makapapatay;+Ket ti met laeng Dios ibilangna dayta a saan a kas aniaman a banag a di umiso.+ 13  No maipapan kadakuada, addada kadagiti rebelde a bumusbusor iti lawag;+Saanda a nabigbig ti daldalanna,Ket saanda a nagnaed kadagiti danana. 14  Iti panaglawag ti aldaw tumakder ti manangpapatay,Papatayenna ti naparigatan ken daydiay napanglaw;+Ket bayat ti rabii isu agbalin a kadawyan a mannanakaw.+ 15  No maipapan iti mata ti mannakikamalala,+ nagpadaan iti kinasipnget ti rabii,+A kunkunana, ‘Awanto ti mata a makakita kaniak!’+vKet iti rupana mangikabil iti abbungot. 16  Iti kasipngetan kimmali nga agturong iti balbalay;Iti aldaw masapul nga agpupokda.Saanda a naammuan ti lawag ti aldaw.+ 17  Ta ti bigat ket kas met laeng iti napuskol a kinasipnget+ maipaay kadakuada,Ta mailasinda no ania dagiti kellaat a panagaligaget ti napuskol a kinasipnget. 18  Isu nasiglat iti rabaw ti dandanum.Ti kukuada a benneg ti daga mailunodto iti daga.+Isu saanto a tumurong iti dalan dagiti kaubasan. 19  Ti tikag, kasta met ti pudot, rabsutenda ti dandanum ti niebe;Kasta ti aramiden ti Sheol kadagidiay nagbasol!+ 20  Isu lipatento ti aanakan, susopento a sisasam-it ti igges,+Isu saanton a pulos malagip.+Ket ti kinakillo matukkolto a kas iti maysa a kayo.+ 21  Isu makilanglangen iti lupes a babai a saan nga agipasngay,Ken iti balo a babai,+ a saanna a pagaramidan iti naimbag. 22  Ket pudno unay a mangyadayonto kadagiti napigsa a tattao babaen iti pannakabalinna;Isu tumakderto ket saanna a masigurado ti biagna. 23  Ipalubosnanto kenkuana a maaddaan iti panagtalek+ tapno makapagsammaked;Ket dagiti matana addanto iti daldalanda.+ 24  Nagbalinda a nangato iti apagbiit a kanito, kalpasanna awandan,+Ket naipababada;+ kas iti tunggal maysa a sabali pay makettelda,Ken kas iti ulo ti maysa a dawa ti bukel makeltayda. 25  Gapuna pudno nga ita, siasinonto ti mangpaneknek a maysaak a naulbodWenno mamagbalin nga awan kapapay-anna ti saok?”

Footnotes