Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Job 23:1-17

23  Ket simmungbat ni Job ket kinunana:   “Uray ita nga aldaw kinarebelioso ti kasasaad a pakaseknak;+ Ti bukodko nga ima nadagsen maigapu iti panagsennaayko.   O pudno a naammuak koma no sadino ti pakasarakak kenkuana!+ Umayak koma agingga iti naikeddeng a lugarna.+   Iti sanguananna mangidatagak koma iti kaso ti hustisia, Ket ti ngiwatko punnuek koma kadagiti pangbales nga argumento;   Ammok koma ti sasao a pangsungbatna kaniak, Ket utobek koma no ania ti sawenna kaniak.+   Isu makisupiatto aya kaniak buyogen ti kinaruay ti pannakabalin? O saan! Sigurado nga isu ipangagnakto.+   Sadiay daydiay met laeng nalinteg sigurado a makipinnalintegto kenkuana iti bambanag, Ket pumanawakto a sitatalged iti agnanayon manipud iti ukomko.   Adtoy! Iti daya mapanak, ket awan sadiay; Ken agsubliak manen, ket saanko a mailasin;+   Iti makannigid a pagtartrabahuanna, ngem saanko a makita; Agpakni iti makannawan, ngem saanko a makita. 10  Ta pagaammona unay ti dalan a papanak.+ Kalpasan a nasuboknak, rummuarakto kas balitok a mismo.+ 11  Kadagiti addangna kimpet ti sakak; Ti dalanna sinalimetmetak, ket saanak a sumiasi.+ 12  Saanko a panawan ti bilin dagiti bibigna.+ Impatpategko dagiti sasao ti ngiwatna+ nga ad-adda ngem iti naibilin kaniak. 13  Ket isu addaan maymaysa a panunot, ket siasino ti makasarked kenkuana?+ Ket ti bukodna a kararua addaan iti tarigagay, ket aramidennanto dayta.+ 14  Ta itungpalnanto a naan-anay no ania ti naibilin kaniak,+ Ket adu kenkuana ti bambanag a kas kadagitoy. 15  Dayta ti makagapu a mariribukanak gapu kenkuana; Ipakitak a siiimdengak ken agalinggagetak kenkuana.+ 16  Uray ti Dios a mismo pinagalikakana ti pusok,+ Ket ti met laeng Mannakabalin-amin riniribuknak.+ 17  Ta saanak a napaulimek gapu iti sipnget, Wenno gapu ta ti daguyemyem inabbonganna ti bukodko a rupa.

Footnotes