Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Job 22:1-30

22  Ket simmungbat ni Elifaz a Temanita ket kinunana:   “Ti maysa a nabaneg a lalaki addaan aya iti usar iti Dios a mismo,+ Iti kasta rebbeng nga addaan usar maipaay kenkuana ti asinoman nga adda pannakatarusna?   Addaan aya ti Mannakabalin-amin iti aniaman a pakaragsakan ta nalintegka,+ Wenno iti aniaman a gunggona ta aramidem nga awan pakababalawan ti dalanmo?+   Maipaay iti panagraemmo tubngarennakanto aya, Isu makiserrekto aya kenka iti panangukom?+   Saan aya nga adu unayen ti bukodmo a kinadakes,+ Ket awanto aya ti panungpalan dagiti biddutmo?   Ta awan gapgapuna a mangagawka iti tani iti kakabsatmo,+ Ket uksobem uray pay dagiti kawes ti lamolamo a tattao.   Saanmo a painumen iti danum daydiay nabannog, Ket iti daydiay mabisin medmedam ti tinapay.+   No maipapan iti lalaki nga addaan pigsa, kukuana ti daga,+ Ket ti met laeng maysa a matrato buyogen ti panangidumduma agnaed iti dayta.   Pinapanawmo nga ima-ima dagiti balo a babbai, Ket mailupitlupit dagiti takiag ti awan amana nga ubbing.+ 10  Dayta ti makagapu a dagiti silo ti tumatayab addada iti intero nga aglikmutmo,+ Ket riribukennaka ti kellaat a panagalinggaget; 11  Wenno ti kinasipnget, iti kasta saanka a makakita, Ket ti manglapunos a kinawadwad ti mismo a danum abbongannaka. 12  Saan aya a ti Dios isu ti kangato ti langit?+ Kasta met a kitaem ti intero a dagup dagiti bituen,+ a nangatoda. 13  Ket kaskasdi a kinunam: ‘Ania a pudpudno ti ammo ti Dios? Mabalinna kadi ti mangukom a sumalput iti napuskol a daguyemyem? 14  Dagiti ulep ket paglemmengan a lugar maipaay kenkuana iti kasta saan a makakita, Ket isu agpagnapagna iti immarko a bobida ti langit.’ 15  Agtalinaedkanto aya iti mismo a dalan ti nabayagen a tiempo A nagbaddekan dagiti makapasakit a tattao, 16  Tattao a narabsut sakbay ti tiempoda,+ A ti pamuonda+ agparukpok kas iti maysa a karayan, 17  Isuda nga agkunkuna iti pudno a Dios: ‘Pumanawka kadakami!+ Ket ania ti maaramidan ti Mannakabalin-amin maibusor kadakami?’ 18  Kaskasdi isu pinunnona dagiti balayda iti naimbag a bambanag;+ Ket ti mismo a pammatigmaan dagidiay nadangkes nagtalinaedda nga adayo kaniak.+ 19  Kitaento dagidiay nalinteg ket agrag-oda,+ Ket ti met laeng awanan basol aramidennanto ida a mauy-uyaw: 20  ‘Pudno unay a napunas dagiti kabinnusortayo; Ket ti natedda kadakuada sigurado nga ibusento ti apuy.’ 21  Pangngaasim, iyam-ammom kenkuana ti bagim, ket salimetmetam ti talna; Iti kasta umayto kenka ti naimbag a bambanag. 22  Alaem, pangngaasim, ti linteg manipud iti bukodna a ngiwat, Ket ikabilmo dagiti sasaona ita pusom.+ 23  No agsublika iti Mannakabalin-amin,+ mapabilegkanto; No ti kinakillo pagtalinaedemto nga adayo iti toldam, 24  Ket no adda panangikabil iti napateg a naba iti tapok Ken balitok ti Ofir+ iti bato dagiti naapres a ginget, 25  Ti Mannakabalin-amin pudno nga agbalinto met a napapateg a nabam, Ken pirak, ti kasayaatan, kenka.+ 26  Ta kalpasanna masarakamto iti Mannakabalin-amin ti napalalo a ragsakmo,+ Ket itangadmonto ta rupam iti Dios a mismo.+ 27  Agpakaasikanto kenkuana, ket denggennakanto;+ Ket dagiti karim tungpalemto.+ 28  Ket mangngeddengkanto iti maysa a banag, ket agtalinaedto dayta a maipaay kenka; Ket iti daldalanmo pudno unay nga agsilnagto ti lawag.+ 29  Ta masapul nga adda pannakaipababa no agsaoka a sipapangas;+ Ngem ti maysa nga addaan nakadumog a matmata isalakannanto.+ 30  Mangalawto iti awanan basol a tao,+ Ket sigurado a maalawkanto gapu iti kinadalus dagita imam.”+

Footnotes