Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Job 21:1-34

21  Ket simmungbat ni Job ket kinunana:   “Umimdengkayo a sititimud iti saok,Ket agbalin koma daytoy a pakaliwliwaanyo.   Anusandak, ket siak agsaoakto;Ket kalpasan ti panagsaok mabalinyon tunggal maysa ti aguyaw.+   No maipapan kaniak, ti pannakaseknanko mayebkas aya iti tao?Wenno apay ngata a ti espirituk saan a madukotan?   Taliawendak ket agmulagatkayo a sisisiddaaw,Ket iyapputyo ti imayo iti ngiwatyo.+   Ket no nalagipko, nariribukanak met,Ket ti panagpigerger pinetpetanna ti lasagko.   Apay ngata nga agtultuloy nga agbiag dagiti mismo a nadangkes,+Limmakayda, kasta met a nagbalinda a natantan-ok iti kinabaknang?+   Ti kaputotanda naipasdek a sititibker kadakuada iti imatangda,Ken ti putputotda iti imatangda.   Talna a mismo dagiti balayda, siwayawaya iti alinggaget,+Ket awan kadakuada ti pagbaut ti Dios. 10  Ti bukodna a toro pudno a mamagsikog, ket saan a mangsayang iti semilia;Ti bakana agipasngay+ ket saan a maregreg ti sikogna. 11  Itultuloyda nga ibaon ti ubbingda a lallaki a kas maysa nga arban,Ken ti bukodda nga annak a lallaki a mapan nga aglagtolagto. 12  Ituloyda nga ipigsa ti timekda buyogen ti pandereta ken arpa,+Ket agtultuloyda nga agrag-o iti uni ti pito. 13  Busbosenda ti al-aldawda kadagiti panagragragsak,+Ket iti apagkanito bumabada idiay Sheol. 14  Ket kunaenda iti pudno a Dios, ‘Pumanawka kadakami!+Ket iti pannakaammo iti daldalanmo saankami a naragsakan.+ 15  Ania ti pateg ti Mannakabalin-amin, tapno rebbeng nga agserbikami kenkuana,+Ket kasano a magunggonaankami a mismo iti pannakiumanmi kenkuana?’+ 16  Adtoy! Ti piada awan iti bukodda a pannakabalin.+Ti mismo a pammatigmaan dagidiay nadangkes nagtalinaed nga adayo kaniak.+ 17  Mamin-ano a maiddep ti pagsilawan dagidiay nadangkes,+Ket mamin-ano a dumteng kadakuada ti pannakadidigrada?Mamin-ano nga iti ungetna bingaybingayenna ti pannakadadael?+ 18  Agbalinda aya a kas garami iti sanguanan ti angin,+Ken kas taep nga impanaw ti bagyo nga angin? 19  Ti met laeng Dios ipempennanto ti panangpasakit ti maysa maipaay kadagiti bukodna nga annak;+Isu gunggonaannanto tapno maammuanna dayta.+ 20  Makitanto dagiti matana ti panagrupsana,Ket manipud iti pungtot ti Mannakabalin-amin isu uminumto.+ 21  Ta anianto ti pakaragsakanna iti balayna kalpasan kenkuana,Inton pudno a magudua ti bilang dagiti bulanna?+ 22  Mangisuronto aya iti pannakaammo uray pay iti Dios,+Idinto ta Daydiay a mismo mangukom kadagidiay nangangato?+ 23  Daytoy a mismo matayto bayat ti naan-anay a kinawadwadna,+Idinto ta isu naan-anay nga awan pagdanaganna ken agnamnam-ay; 24  Idinto ta dagiti bukodna a luppo napnoda iti tabaKet ti mismo a pata dagiti tulangna mapagtalinaed a nabasa. 25  Ket daytoy sabali matayto nga addaan sipapait a kararuaIdinto ta saan a nangan iti naimbag a bambanag.+ 26  Sangsangkamaysa iti tapok agiddadanto+Ket dagiti met laeng igges kasladanto iti abbong iti rabawda.+ 27  Adtoy! Ammok unay ti pampanunotyoKen dagiti gandat a babaen kadagita agtignaykayo a sidadawel maibusor kaniak.+ 28  Ta kunaenyo, ‘Sadino ti ayan ti balay daydiay natan-ok,Ken sadino ti ayan ti tolda, dagiti tabernakulo dagidiay nadangkes?’+ 29  Saankayo aya a nagimtuod kadagidiay agdaldaliasat iti daldalan?Ket saanyo aya a siaannad a sukimaten dagiti mismo a pagilasinanda, 30  Nga iti aldaw ti didigra mailiklik daydiay dakes,+Iti aldaw ti rungsot isu maispal? 31  Iti mismo a rupana siasinonto ti mangibaga kenkuana maipapan iti dalanna?+Ket maipaay iti naaramidanna siasinonto ti manggunggona kenkuana?+ 32  No maipapan kenkuana, iti pagitaneman isu maipanto,+Ket iti rabaw ti maysa a tanem agtultuloyto ti panaglamay. 33  Kenkuana pudno unay a sumam-itto dagiti bingkol ti daga ti maysa a naapres a ginget,+Ket maisurot kenkuana ulodennanto ti intero a sangatauan,+Ket dagidiay adda iti sanguananna awanan idi iti bilang. 34  Gapuna anian a siuubbaw a padasendak a liwliwaen,+Ket dagiti mismo a sungbatyo agtalinaedda kas di kinamatalek!”

Footnotes