Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Job 2:1-13

2  Kalpasanna, dayta idi ti aldaw a simrek ti annak ti pudno a Dios tapno agsaadda iti sanguanan ni Jehova, ket ni Satanas simrek met iti mismo a nagtetengngaanda tapno agsaad iti sanguanan ni Jehova.+  Idin ni Jehova kinunana ken Satanas: “Sadino ti naggapuam?” Iti dayta ni Satanas simmungbat ken Jehova ket kinunana: “Manipud panagsursor iti daga ken manipud panagpagnapagna iti dayta.”+  Ket ni Jehova kinunana ken Satanas: “Insaadmo kadi ta pusom ken adipenko a Job,+ nga awan asinoman a kas kenkuana iti daga, maysa a lalaki nga awan pakababalawanna ken nalinteg,+ agbuteng iti Dios+ ken sumiasi iti dakes?+ Kaskasdi a salsalimetmetanna pay laeng a sititibker ti kinatarnawna,+ nupay sika gargariennak+ maibusor kenkuana a mangalun-on kenkuana nga awan gapgapuna.”+  Ngem ni Satanas+ simmungbat ken Jehova ket kinunana: “Kudil maigapu iti kudil, ken isuamin nga adda iti maysa a tao itednanto maigapu iti kararuana.+  Kas pamaliwan, iyunnatmo ta imam, pangngaasim, ket sagidem agingga iti tulangna ken lasagna ket kitaem no saannakanto nga ilunod ita mismo a rupam.”+  Iti kasta ni Jehova kinunana ken Satanas: “Adtoy isu adda ita imam! Isuna laeng ta annadam ti mismo a kararuana!”  Gapuna ni Satanas pimmanaw nga immadayo iti sango ni Jehova+ ket kinabilna ni Job iti naut-ot a busali+ manipud iti dapan ti sakana agingga iti kuppokuppona.  Ket inyalaanna ti bagina iti ribak ti damili a pangkudkodna iti bagina; ket isu agtugtugaw idi iti dapdapo.+  Kamaudiananna kinuna kenkuana ti asawana: “Salsalimetmetam pay laeng kadi a sititibker ti kinatarnawmo?+ Ilunodmo ti Dios ket matayka!” 10  Ngem kinunana kenkuana: “Kas panagsao ti maysa kadagiti nakuneng+ a babbai, kasta met ti panagsaom. Awatentayto kadi laeng ti naimbag manipud iti pudno a Dios ket saantay nga awaten met ti dakes?”+ Iti isuamin daytoy saan a nagbasol ni Job babaen kadagiti bibigna.+ 11  Ket tallo a kakadua ni Job ti nakangngeg iti isuamin daytoy a didigra a dimteng kenkuana, ket immayda, tunggal maysa manipud bukodna a lugar, ni Elifaz a Temanita+ ken ni Bildad a Suhita+ ken ni Zofar a Naamatita.+ Gapuna nagsasarakda a sangsangkamaysa babaen ti tulagan+ nga umayda ket makipagriknada kenkuana ken liwliwaenda.+ 12  Idi intangadda dagiti matada manipud iti adayo isu saanda idin a nabigbig. Ket impigsada ti timekda ket nagsangitda ket rinay-abda+ tunggal maysa ti awanan manggas a lambonna ket nangipuruakda iti tapok nga agpalangit iti rabaw ti ul-uloda.+ 13  Ket nakipagtugtugawda+ kenkuana iti daga iti pito nga aldaw ken pito a rabii, ket awan ti nangisao iti maysa a sao kenkuana, ta nakitada a ti panagrigatna+ dakkel unay.

Footnotes