Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Job 19:1-29

19  Ket simmungbat ni Job ket kinunana:   “Kasanonto kabayag nga itultuloyyo a ruroden ti kararuak+ Ken itultuloydak nga idagel babaen iti sasao?+   Kadagitoy sangapulo a daras binabalawdak; Saankayo a nagbain a mangparigat unay kaniak.+   Ket, no pudno a nakaaramidak iti biddut,+ Kaniak nga agtaengto ti biddutko.   No iti kinapudnona maibusor kaniak nga agpasawkayo,+ Ket ipakitayo a ti pannakaumsik umiso maibusor kaniak,+   Ammuenyo, ngarud, a ti met laeng Dios inyaw-awannak, Ket ti iketna a paganup inyalikubkobna kaniak.+   Adtoy! Iyik-ikkisko, ‘Kinaranggas!’ ngem awan magun-odko a sungbat;+ Agpatpatulongak, ngem awan kinahustisia.+   Ti mismo a danak binangenanna iti pader a bato,+ ket saanak a makalasat; Ket kadagiti dalanko ikabilna ti mismo a sipnget.+   Ti bukodko a dayag inuksobna kaniak,+ Ket ikkatenna ti korona ti ulok. 10  Rugpuennak iti amin a sikigan, ket pumanawak; Ket parutenna ti namnamak kas iti maysa a kayo. 11  Ti ungetna bumara met a maibusor kaniak,+ Ket ibilbilangnak kas kabusorna. 12  Nagkaykaysa nga umay dagiti buyotna ket gabsuonanda ti dalanda maibusor kaniak,+ Ket agpakarsoda iti aglikmut ti toldak. 13  Dagiti bukodko a kakabsat inyadayona kaniak,+ Ket dagidiay mismo a makaammo kaniak simiasida pay kaniak. 14  Dagiti nasinged nga am-ammok nagpukawda,+ Ket dagidiay am-ammok linipatdak. 15  Dagidiay agtataeng kas ganggannaet iti balayko;+ ken dagiti met laeng adipenko a babbai ibilangdak a kas maysa a sangsangaili; Maysa a pudpudno a ganggannaet ti nagbalinak kadagiti matada. 16  Iti adipenko immawagak, ngem saan a sumungbat. Babaen iti bukodko a ngiwat ipakpakaasik kenkuana ti pannakipagrikna. 17  Ti met laeng angesko nagbalin a makarumen iti asawak,+ Ket nagbalinak a naangot iti annak ti tian ni inak. 18  Kasta met ti mismo nga ubbing a lallaki linaksiddak;+ Tumakderak koma laeng, ket rugianda ti agsao maibusor kaniak. 19  Amin dagiti lallaki iti nasinged a bunggoyko karimondak,+ Ket dagidiay inay-ayatko nagbaw-ingda a bumusor kaniak.+ 20  Iti kudilko ken iti lasagko pudno a dumket dagiti tulangko,+ Ket makatalawak a kas iti kudil ti ngipenko. 21  Ipaayandak iti parabur, ipaayandak iti parabur, O dakayo a kakaduak,+ Ta sinagidnak ti mismo nga ima ti Dios.+ 22  Apay nga idaddadanesdak a kas iti ar-aramiden ti Dios,+ Ket saankayo a mapnek iti mismo a lasagko? 23  O no ita naisurat koma ti sasaok! O no nailanadda koma pay iti maysa a libro! 24  Babaen iti landok a pagyurit+ ken babaen iti buli, O no nayukritda koma nga agnanayon iti bato! 25  Ket siak pagaammok unay a ti mannubbotko+ sibibiag, Ken, um-umay a sumaruno kaniak, tumakderto+ iti rabaw ti tapok. 26  Ket kalpasan ti kudilko, a linalatda,—isu daytoy! Kaskasdi iti kinakebbet ti lasagko makitakto ti Dios, 27  Nga uray siak a mismo makitakto,+ Ket pudno unay a makitanto dagiti mismo a matak, ngem saan a ti maysa a ganggannaet. Dagiti bekkelko nagkapuyda iti kaunggak. 28  Ta kunaenyo, ‘Apay nga isu idaddadanesmi?’+ Idinto ta ti mismo a ramut ti banag masarakan kaniak. 29  Maaliawkayo koma a mismo gapu iti kampilan,+ Ta ti kampilan kaipapananna ti panagpungtot a maibusor kadagiti biddut, Tapno iti kasta maammuanyo koma nga adda maysa nga ukom.”+

Footnotes