Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Job 18:1-21

18  Ket simmungbat ni Bildad a Suhita ket kinunana:   “Kasanonto ti kabayagyo a mangingudo iti sasao? Makataruskayo koma, tapno kalpasanna mabalintay ti agsao.   Apay koma a maibilangtayo kas an-animal+ Ken maibilang kas narugit kadagiti matayo?   Rangrangkayenna ti kararuana iti ungetna. Maipagapu kenka mabaybay-anto aya ti daga, Wenno ti maysa a bato pumanaw iti dissona?   Ti silaw met dagidiay nadangkes maiddepto+ Ket ti rissik ti apuyna saanto nga agsilnag.   Ti met laeng silaw sigurado a sumipngetto iti toldana,+ Ket iti dayta maiddepto ti bukodna a pagsilawan.   Umirtengto dagiti addang ti kiredna. Isu iwaksinto uray ti pammatigmaanna.+   Ta isu pudno nga ipanto dagiti sakana iti maysa nga iket, Ket iti maysa nga aramid nga iniket isu magnanto.+   Isu tiliwento a mukoden+ ti palab-og; Isu tenglento ti maysa a silo.+ 10  Ti maysa a singdan nga agpaay kenkuana silelemmeng iti daga, Ken maysa a pagtiliw nga agpaay kenkuana iti dasdasna. 11  Iti aglikmut, dagiti kellaat a panagaligaget pudno unay a mamagaliaw+ kenkuana, Ken pudno a mangkamat kenkuana iti saksakana. 12  Ti kiredna agbisin unay, Ket ti didigra+ sisasagana a mamagpigsol kenkuana. 13  Kanento dayta dagiti paset ti kudilna; Ti inauna ni patay kanennanto dagiti takiag ken luppona. 14  Ti pagkammatalkanna maalat-atto iti bukodna a tolda+ Ket isu pagmartsaento dayta nga agturong iti ari dagiti aligaget. 15  Addanto agtaeng iti toldana a maysa a banag a saanna a kukua; Ti asupre+ maiwaristo iti rabaw ti bukodna a disso a pagyanan. 16  Iti baba magangonto dagiti mismo a ramutna,+ Ket, iti ngato, malaylayto ti kangrunaan a sangana. 17  Ti mismo a panangdakamat kenkuana sigurado a mapukawto iti daga,+ Ket awanto ti naganna idiay kalsada. 18  Isu idurondanto manipud iti lawag nga agturong iti sipnget, Ket manipud iti nabunga a daga isu abugendanto. 19  Isu awananto iti putot ken awanan iti annak iti tengnga dagiti kailianna,+ Ket iti lugar a pagnaedanna kas ganggannaet awanto sadiay ti nakalasat. 20  Iti aldawna pudno nga agmulagatto a sisisiddaaw dagiti tattao iti Laud, Ket ti panagpigerger sigurado a kemmegennanto uray dagiti tattao iti Daya. 21  Dagitoy laeng dagiti tabernakulo ti managaramid iti dakes, Ket daytoy ti lugar ti maysa a saan a nakaammo iti Dios.”

Footnotes