Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Job 17:1-16

17  “Naupay ti mismo nga espirituk,+ naggibus ti mismo nga al-aldawko; Ti pagitaneman agpaay kaniak.+   Pudno unay nga adda panangrabrabak kaniak,+ Ket iti tengnga ti rebelioso a panagtigtignayda agtaeng ti matak.   Pangngaasim, ti garantiak ikabilmo iti aywanmo.+ Siasino pay ti makialamanonto+ kaniak kas tani?   Ta ti pusoda sinerraam iti kinamasirib.+ Dayta ti makagapu a dika itan-ok ida.   Mabalin nga agsarita kadagiti kakadua tapno alaenna dagiti binglayda, Ngem ti mismo a matmata ti annakna agkapuyto.+   Ket impasdeknak kas maysa a pagkukuna a proverbio+ dagiti ili, Iti kasta agbalinak a maysa a tutupraan ti rupana.+   Ket gapu iti panagluksaw kumudkudrep ti matak+ Ket dagiti kamengko kaslada amin iti anniniwan.   Dagiti napalungdo a tattao agmulagatda a sisisiddaaw iti daytoy, Ket uray daydiay awanan basol maburibor gapu iti apostata.   Daydiay nalinteg agtalinaed a sititibker iti dalanna,+ Ket daydiay addaan nadalus nga im-ima+ rumangrang-ay ti pigsana.+ 10  Nupay kasta, dakayo amin mangrugikayo koma manen. Gapuna umaykayo, pangngaasiyo, Ta awan masarakak nga asinoman a masirib kadakayo.+ 11  Limmabas ti mismo nga al-aldawko,+ napagsisina dagiti bukodko a gakat,+ Dagiti tarigagay ti pusok. 12  Ti rabii itultuloyda nga isukat iti aldaw:+ ‘Ti lawag asideg maigapu iti sipnget.’ 13  No agtultuloyak nga aguray, Sheol ti balayko;+ Iti sipnget+ iyukradkonto ti iddak. 14  Iti abut+ ipukkawkonto, ‘Sika ti amak!’ Iti igges,+ ‘Ti inak ken ti kabsatko a babai!’ 15  Gapuna sadino, ngarud, ti ayan ti namnamak?+ Ket ti namnamak—siasino daydiay makakita iti dayta? 16  Agingga kadagiti balunet ti Sheol umulogdanto, Inton datayo, a sangsangkamaysa amin, masapul a bumabatayo iti mismo a tapok.”+

Footnotes