Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Job 16:1-22

16  Ket simmungbat ni Job ket kinunana:   “Nakangngegakon iti adu a banag a kas kadagitoy. Dakayo amin makariribukkayo a manangliwliwa!+   Adda kadi pagnguduan ti naangin a sasao?+ Wenno ania ti mangrurod kenka, tapno sumungbatka?   Siak makapagsaoak met a naimbag kas kadakayo. No koma laeng dagiti kararuayo naaddada iti ayan ti kararuak, Agbalinakto aya a nadeggang iti sasao maibusor kadakayo,+ Ken ingilangilkonto kadi ti ulok maibusor kadakayo?+   Papigsaenkayo iti sasao ti ngiwatko,+ Ket ti pangliwliwa dagiti bukodko a bibig mangigawid—.   No agsaoak, ti bukodko a saem saan a mamedmedan,+ Ket no isardengko nga aramiden ti kasta, ania ti pumanaw kaniak?   Isuna laeng ta ita isu pinakilnak;+ Amin dagidiay makipagum-ummong kaniak pinagbalinna a nabaybay-an.   Kemmegennak met. Nagbalin dayta a maysa a saksi,+ Iti kasta ti kinalagpitko tumakder a maibusor kaniak. Iti rupak mangpaneknek dayta.   Ti mismo nga ungetna rinangrangkaynak, ket ing-ingpenna ti gura+ a maibusor kaniak. Pudno nga ingaretngetna dagiti ngipenna a maibusor kaniak.+ Ti met laeng kabusorko patademenna dagiti matana a maibusor kaniak.+ 10  Nginangada a naimbag ti ngiwatda a maibusor kaniak,+ Buyogen ti panangumsi kinabilda dagiti pingpingko, Iti dakkel a bilang agaaribungbongda a maibusor kaniak.+ 11  Ti Dios iyawatnak iti ubbing a lallaki, Ket kadagiti ima dagidiay nadangkes ipalladawnak a ti ulok ti makin-una.+ 12  Naaddaak iti panagnam-ay, ngem yinegyegnak;+ Ket ginammatannak iti teltel ket imburaknak, Ket ipasdeknak kas puntiria maipaay kenkuana. 13  Palawlawandak dagiti pumapanana;+ Salputenna a pisien dagiti bekkelko+ ket saanna a marikna ti panangngaasi; Ti aprok ibukbokna iti mismo a daga. 14  Sumarsaranget kaniak babaen iti agsusukot a giwang; Tarayennak kas maysa a mannakabalin.+ 15  Tinakpil+ ti dinaitko a pinagsasaip iti rabaw ti kudilko, Ket insangdok ti sarak iti mismo a tapok.+ 16  Ti met laeng rupak limmabaga iti panagsangit,+ Ket kadagiti kalub ti matak adda napuskol a kinasipnget,+ 17  Nupay awan kinaranggas kadagiti dakulapko, Ken ti kararagko nasin-aw.+ 18  O daga, dika abbongan ti darak!+ Ket awan koma ti disso maipaay iti ikkisko! 19  Kasta met ita, adtoy! iti langlangit adda maysa a mangpampaneknek maipapan kaniak, Ket ti saksik adda kadagiti kangatuan.+ 20  Dagiti kakaduak ket pannakangiwat maibusor kaniak;+ Dagiti matak awanan turog a kimmitada iti Dios.+ 21  Ket ti pangngeddeng maaramid iti nagbaetan ti nabaneg a lalaki ken ti Dios, Kas met laeng iti nagbaetan ti anak ti tao ken ti kaduana.+ 22  Ta sumagmamano laengen a tawen ti umay, Ket babaen iti dana a saankonto a pagsublian pumanawakto.+

Footnotes