Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Job 14:1-22

14  “Ti tao, a nayanak manipud babai,+Ababa ti biagna+ ken namelmelan iti pannakariribuk.+   Kas iti sabong isu rimmuar ket makeltay,+Ket agtalaw a kas iti anniniwan+ ket saan nga agtalinaed.   Wen, iti daytoy linuktam ti matam,Ket siak iyegmo iti pannakiinnukom+ kenka.   Siasino ti makapataud iti maysa a nadalus manipud iti maysa a narugit?+Awan uray maysa.   No maikeddeng dagiti aldawna,+Ti bilang dagiti bulanna adda kenka;Nangaramidka iti bilin maipaay kenkuana tapno isu saan a lumbes.   Ipanawmo kenkuana ti panangmatmatmo tapno makapaginana,+Agingga a makasarak iti ragsak iti aldawna kas iti aramiden ti maysa a patangtangdanan a trabahador.   Ta adda namnama maipaay iti uray maysa a kayo.No mapukan, agtubonto manen a mismo,+Ket ti bukodna a saringit saanto nga agpukaw.   No ti ramutna lumakay iti dagaKet iti tapok matay ti pungdolna,   Iti ayamuom ti danum agtubonto dayta+Ket sigurado a mangpataudto iti kangrunaan a sanga kas maysa a baro a mula.+ 10  Ngem ti nabaneg a lalaki matay ket agidda a naparukma;Ken ti naindagaan a tao mauyos ti biagna, ket sadino ti ayanna?+ 11  Ti dandanum agpukaw iti baybay,Ket ti met laeng karayan maatianan ken agmaga.+ 12  Ti tao met kasapulan nga agidda ket saanen a bumangon.+Agingga a ti langit awanen saandanto nga agriing,+Saandanto met a maibangon manipud turogda.+ 13  O italimengnak koma iti Sheol,+Tapno aywanannak a sililimed agingga nga agbaw-ing ti ungetmo,Tapno itudingannak iti naikeddeng a tiempo+ ket lagipennak!+ 14  No ti nabaneg a lalaki matay mabalinna kadi ti agbiag manen?+Amin dagiti aldaw ti inkapilitan a panagtrabahok agurayakto,+Agingga a ti gin-awak dumteng.+ 15  Umawagkanto, ket siak sungbatankanto.+Kailiwmonto ti aramid dagita imam. 16  Ta ita bilbilangem dagiti mismo nga addangko;+Awan ti siputam no di ti basolko.+ 17  Ti iyaalsak naselioan iti maysa a supot,+Ket pigketam ti biddutko. 18  Nupay kasta, ti met laeng bantay, nga agregreggaay, agpukawto,Ket uray ti maysa a bato maipanawto iti dissona. 19  Ti danum pudno unay a rasrasenna uray dagiti bato;Ti panagparukpokna iyanudna ti tapok ti daga.Kasta ti panangdadaelmo iti mismo a namnama ti mortal a tao. 20  Isu ringbawam iti agnanayon iti kasta isu pumanaw;+Palaadem ti rupana iti kasta isu pagtalawem. 21  Mapadayawan ti annakna, ngem saanna nga ammo dayta;+Ket agbalinda a nanumo, ngem saanna nga utoben ida. 22  Ti laeng bukodna a lasag bayat nga adda kenkuana ti agut-ut-otto,Ket ti bukodna a kararua bayat nga adda iti unegna agledleddaangto.”

Footnotes