Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Job 11:1-20

11  Ket simmungbat ni Zofar a Naamatita+ ket kinunana:   “Ti kinaadu ti sasao saanto aya a masungbatan,Wenno ti maysa a managpasindayag laeng maaddanto aya iti umiso?   Ti met laeng ubbaw a saom pagulimekennanto aya dagiti tattao,Ket manguy-uyawkanto kadi nga awan ti asinoman a mangbabalaw kenka?+   Kasta met, kunaem, ‘Nasin-aw ti pammilinko,+Ket pudno a napaneknekanak a nadalus+ kadagita matam.’   Kaskasdi O no koma laeng agsao ti Dios a mismoKen luktanna kenka dagiti bibigna!+   Iti kasta ibagana kenka dagiti palimed ti kinasirib,Ta ti bambanag ti praktikal a kinasirib nadumaduma.Kasta met, maammuam a ti Dios ipalubosna a ti sumagmamano a biddutmo malipatan maipaay kenka.+   Masarakam kadi ti nauneg a bambanag ti Dios,+Wenno masarakam kadi agingga iti mismo a kangitingitan ti Mannakabalin-amin?   Nangatngato dayta ngem iti langit. Ania ti maaramidam?Naun-uneg ngem iti Sheol.+ Ania ti maammuam?   At-atiddog ti rukod dayta ngem iti daga,Ken ak-akaba ngem iti baybay. 10  No isu agtultuloy a mapan ken iyawatna ti asinomanKet umayab iti panangukom, iti kasta siasino ti makasarked kenkuana? 11  Ta isu pagaammona unay dagiti tattao a di pudno.+No makitana ti makapasakit, saannanto met aya nga ipakita nga isu siiimdeng? 12  Uray ti mismo nga ubbaw-panunotna a tao makagun-odto iti nasayaat a motiboApaman a ti maysa a kasla asno a sebra mayanak a tao. 13  No sika pudpudno nga isaganamto ta pusomKet pudno nga ukradem kenkuana dagita dakulapmo,+ 14  No ti makapasakit adda ita imam, iyadayom dayta,Ket dika bay-an ti kinakillo nga agnaed kadagiti toldam. 15  Ta iti kasta itangadmonto ta rupam nga awanan pilaw+Ket sigurado a mapatibkerkanto, ket saankanto nga agbuteng. 16  Ta sika—malipatamto ti mismo a riribuk;Kas dandanum a limmabas malagipmonto dayta. 17  Ket nalawlawag ngem iti tengnga ti aldaw ti itataudto ti kapaut ti biagmo;+Ti kinasipnget agbalinto a kas iti mismo a bigat.+ 18  Ket siguradonto nga agtalekka agsipud ta adda namnama;Ket pudno unay a kumitakanto a siaannad iti aglikmut—iti kinatalged agiddakanto.+ 19  Ket pudno nga iyunnatmonto ta bagim, nga awan asinoman a mamagpigerger kenka.Ket adu a tattao ti sigurado a mangpaalumamayto ita riknam;+ 20  Ket dagiti mismo a mata ti nadangkes agkapuyto;+Ket ti disso a pagkamangan sigurado nga agpukawto kadakuada,+Ket ti namnamada pannakaipusayto ti kararua.”+

Footnotes