Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Job 10:1-22

10  “Ti kararuak pudno unay a marumen iti biagko.+ Iyesngawkonto ti pannakaseknanko iti bagik. Agsaoakto iti kinapait ti kararuak!   Kunaekto iti Dios, ‘Saannak nga ibatad a nadangkes. Ipakaammom kaniak no apay a makisupsupiatka kaniak.   Naimbag kadi kenka nga agaramidka ti dakes,+ A laksidem ti bunga ti napinget a panagtrabaho dagita imam,+ Ket iti pammatigmaan dagidiay nadangkes pudno nga agsilnagka?   Addaanka kadi iti matmata+ a lasag, Wenno kumitaka kadi kas iti panagkita ti mortal a tao?+   Dagiti aldawmo kaslada aya kadagiti aldaw ti mortal a tao,+ Wenno dagiti tawenmo kaslada laeng kadagiti aldaw ti nabaneg a lalaki,   Tapno padasem koma a biroken ti biddutko Ken ti basolko itultuloymo koma a sapulen?+   Daytoy agpapan pay iti bukodmo a pannakaammo nga awanak iti biddut,+ Ken awan asinoman a mangispal manipud bukodmo nga ima?+   Dagiti bukodmo nga ima sinukogdak iti kasta inaramiddak+ Iti aglikmut a pakabuklanna, ket kaskasdi nga alun-onennak.   Lagipem, pangngaasim, a manipud iti pila+ inaramidnak Ket iti tapok pagsubliennakto.+ 10  Saan aya nga imbukboknak kas iti mismo a gatas Ken kas iti keso tapno pagbalayennak?+ 11  Iti kudil ken lasag kinawesannak Ken iti tultulang ken bingbinggas tapno sangalennak a pagkaykaysaen.+ 12  Ti biag ken naayat a kinamanangngaasi impakatmo kaniak;+ Ket ti mismo a panangaywanmo+ sinaluadanna ti espirituk. 13  Ket dagitoy a banag intalimengmo ita pusom. Ammok unay nga adda kenka dagitoy a banag. 14  No nagbasolak ket sinipsiputannak+ Ket iti biddutko saannak nga ibilang nga awanan basol;+ 15  No pudno nga addaak iti biddut, asiak pay!+ Ket no pudno nga addaak iti umiso, saanko a maitangad ti ulok,+ A simemelmel iti pannakaibabain ken napaagsepan iti pannakaparigat.+ 16  Ket no agtignay dayta a sitatangsit,+ kas iti maysa nga urbon a leon sika anupennakto,+ Ket ipakitamto manen a nakaskasdaawka iti kasasaadko. 17  Mangyegkanto kadagiti baro a saksim iti sanguanak, Ket pagbalinemto a dakdakkel ti panagluksawmo kaniak; Agsusukot a pakarigatan ti adda kaniak. 18  Gapuna apay nga inruarnak manipud iti aanakan?+ Nauyos koman ti biagko, tapno awan uray maysa a mata a makakita kaniak, 19  Nagbalinak koma a kasla saanak a naadda; Manipud iti tian agingga iti lugar a pagitabonan naipanak koma.’ 20  Saan aya a bassit dagiti aldawko?+ Bay-am nga isu agsardeng, Bay-am nga ipanawna kaniak ti panangmatmatna, tapno maparaniagak+ bassit 21  Sakbay a pumanawak— ket saanakton nga agsubli+ Nga agturong iti daga ti kinalidem ken napuskol a kinasipnget,+ 22  Nga agturong iti daga ti kinakudrep kas iti daguyemyem, ti napuskol a kinasipnget Ken riribuk, a sadiay saan nga agsilnag dayta nga ad-adda ngem iti daguyemyem.”

Footnotes