Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Job 1:1-22

1  Adda idi maysa a lalaki iti daga ti Uz+ nga agnagan Job;+ ket dayta a lalaki awan pakababalawanna+ ken nalinteg,+ ken agbuteng iti Dios+ ken sumiasi iti dakes.+  Ket pito nga annak a lallaki ken tallo nga annak a babbai ti nayanak kenkuana.+  Ket dagiti dinguenna+ pito ribu a karnero ken tallo ribu a kamelio ken lima gasut a paris a baka ken lima gasut nga asna, agraman ti dakkel unay a bagi dagiti adipen; ket dayta a lalaki isu idi ti kadakkelan kadagiti amin a taga Daya.+  Ket ti annakna a lallaki napanda ket nangangayda iti bangkete+ iti balay ti tunggal maysa iti mismo nga aldawna; ket nagbaonda ken inawisda ti tallo a kakabsatda a babbai tapno makipangan ken makiinumda kadakuada.  Ket mapasamak a no nakapagrikusen ti al-aldaw ti bangkete, agbaon ni Job ket santipikarenna ida;+ ket bimmangon a nasapa iti bigat ket nagidaton kadagiti mapuoran a sakripisio+ sigun iti bilangda amin; ta, kinuna ni Job, “mabalin a nagbasol ti annakko ken nailunodda+ ti Dios iti pusoda.”+ Kasta ti kanayon nga aramiden ni Job.+  Ita dayta idi ti aldaw a simrek ti annak ti pudno a Dios+ tapno agsaadda iti sanguanan ni Jehova,+ ket uray ni Satanas+ simrek iti mismo a nagtetengngaanda.+  Idin ni Jehova kinunana ken Satanas: “Sadino ti naggapuam?” Iti dayta ni Satanas simmungbat ken Jehova ket kinunana: “Manipud panagsursor iti daga+ ken manipud panagpagnapagna iti dayta.”+  Ket ni Jehova kinunana ken Satanas: “Insaadmo kadi ta pusom ken adipenko a Job, nga awan asinoman a kas kenkuana iti daga,+ maysa a lalaki nga awan pakababalawanna+ ken nalinteg,+ agbuteng iti Dios+ ken sumiasi iti dakes?”+  Iti dayta ni Satanas simmungbat ken Jehova ket kinunana: “Agpaay aya iti awan kapapay-anna a ni Job nagbuteng iti Dios?+ 10  Saan aya a sika nangikabilka iti alad iti aglikmutna+ ken iti aglikmut ti balayna ken iti aglikmut ti tunggal banag nga adda kenkuana iti intero nga aglawlaw? Ti aramid dagiti imana binendisionam,+ ket dagiti met laeng dinguenna nagwaras a sisasaknap iti daga. 11  Ngem, kas pamaliwan, iyunnatmo ta imam, pangngaasim, ket sagidem ti isuamin nga adda kenkuana ket kitaem no saannakanto nga ilunod ita mismo a rupam.”+ 12  Iti kasta ni Jehova kinunana ken Satanas: “Adtoy! Isuamin nga adda kenkuana adda ita imam. Isuna laeng ta dika iyunnat ta imam maibusor kenkuana!” Gapuna ni Satanas pimmanaw nga immadayo iti sango ni Jehova.+ 13  Ita dimteng ti aldaw a ti annakna a lallaki ken ti annakna a babbai mangmangan ken umin-inumda iti arak iti balay ti kabsatda nga inauna.+ 14  Ket adda dimteng a mensahero+ ken Job, ket kinunana: “Dagiti met laeng baka agar-aradoda+ ken dagiti asna agar-arabda iti sibayda 15  idi a dagiti Sabeo+ dimtengda a mangrubbuot ken mangala kadakuada, ket dagiti agserserbi kinabilda babaen ti tadem ti kampilan; ket nakatalawak, sisiak laeng, tapno ibagak kenka.”+ 16  Bayat a daytoy a tao agsasao pay laeng dimteng dayta a tao ket kinunana: “Ti mismo nga apuy ti Dios nagtinnag manipud iti langlangit+ ket gimmil-ayab kadagiti karnero ken kadagiti agserserbi ket inibusna ida; ket nakatalawak, sisiak laeng, tapno ibagak kenka.” 17  Bayat a dayta a tao agsasao pay laeng dimteng ti sabali pay a tao ket kinunana: “Dagiti Caldeo+ nangbukelda iti tallo a bunggoy ket dimmuklosda kadagiti kamelio ket innalada ida, ket dagiti agserserbi kinabilda babaen ti tadem ti kampilan; ket nakatalawak, sisiak laeng, tapno ibagak kenka.” 18  Bayat a daytoy sabali a maysa agsasao pay laeng, kaskasdi a dimteng ti sabali pay a maysa ket kinunana: “Ti annakmo a lallaki ken ti annakmo a babbai mangmanganda idi ken umin-inumda iti arak+ iti balay ti kabsatda nga inauna. 19  Ket, adtoy! adda dimteng a dakkel nga angin+ manipud iti rehion ti let-ang, ket kinabilna ti uppat a suli ti balay, iti kasta narba a naipandag kadagiti agtutubo ket natayda. Ket nakatalawak, sisiak laeng, tapno ibagak kenka.” 20  Ket ni Job timmakder ket rinay-abna+ ti awan manggasna a lambonna ket pinukisanna ti buok+ ti ulona ket nagrukob agingga iti daga+ ket nagruknoy+ 21  ket kinunana: “Lamolamoak a rimmuar iti tian ni inak,+ Ket lamolamoak nga agsubli sadiay.+ Ni Jehova a mismo ti nangted,+ ket ni Jehova a mismo ti nangala.+ Ti nagan ni Jehova agtultuloy koma a mabendito.”+ 22  Iti isuamin daytoy saan a nagbasol ni Job wenno nangipabiang iti aniaman a banag a di umiso iti Dios.+

Footnotes