Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 9:1-26

9  O no ti ulok dandanum koma, ket dagiti matak ubbog koma ti lulua!+ Iti kasta makapagsangitak iti aldaw ken rabii gapu kadagidiay napapatay iti anak a babai ti ilik.+  O no naaddaanak koma idiay let-ang iti maysa a disso a pagdagusan dagiti managdaliasat!+ Iti kasta panawak ti ilik ket umadayoak kadakuada, ta mannakikamalalada amin,+ maysa a nadaeg a gimong dagiti nagulib ti pannakilangenna;+  ket iti kinaulbod ballokenda ti dilada a kas baida;+ ngem saan nga iti kinamatalek a nagbalinda a nabileg iti daga. “Ta manipud kinadakes agingga iti kinadakes napanda, ket siak a mismo saandak nga inkankano,”+ kuna ni Jehova.  “Aluadanyo ti bagbagiyo tunggal maysa maibusor iti bukodna a kadua,+ ket saankayo a pulos agtalek iti kabsat a lalaki.+ Ta uray ti tunggal kabsat a lalaki di bumurong a manggamsaw,+ ket ti tunggal kadua a mismo agpagnapagna a kas maysa laeng a manangpardaya,+  ket agtultuloy a pabassitenda ti pateg tunggal maysa ti kaduana;+ ket saanda a pulos agsao iti kinapudno. Insuroda ti dilada nga agsao iti kinaulbod.+ Binannogda ti bagbagida iti panagaramid laeng iti dakes.+  “Ti panagtugawmo adda iti tengnga ti panangallilaw.+ Babaen iti panangallilaw nagkedkedda a mangammo kaniak,”+ kuna ni Jehova.  Gapuna daytoy ti kinuna ni Jehova ti buybuyot: “Adtoy tunawek ida, ket kasapulan a sukimatek ida,+ agsipud ta no saan a kasta kasanonto nga agtignayak maigapu iti anak a babai ti ilik?+  Ti dilada maysa a pana a panggudas.+ Allilaw ti insao dayta. Babaen ti ngiwatna, talna ti sasawen ti maysa a tao iti bukodna a kadua; ngem iti unegna ipasdekna ti panangsanebna.”+  “Gapu kadagitoy a banag saan kadi a rebbeng a makikuentaak kadakuada?” kuna ni Jehova. “Wenno iti maysa a nasion a kas iti daytoy saan kadi a rebbeng nga ibalesan a mismo ti kararuak?+ 10  Gapu iti bambantay ipigsakto ti maysa a panagsangit ken panagunnoy,+ ket gapu kadagiti pagpaaraban iti let-ang maysa a dung-aw; ta napuorandanton+ iti kasta awan tao a lumasat ket dagiti tattao pudno a saandanton a mangngeg ti uni dagiti dinguen.+ Agpadpada a ti agtaytayab a parsua iti langlangit ken ti animal pimmanawdanton; awandanton.+ 11  Ket pagbalinekto ti Jerusalem a gabgabsuon a batbato,+ ti taeng dagiti chacal;+ ket dagiti siudad ti Juda pagbalinekto a langalang a rebbek, nga awanan agnanaed.+ 12  “Siasino ti tao a masirib, tapno maawatanna daytoy, uray daydiay nagsawan ti ngiwat ni Jehova, tapno maibagana dayta?+ Ania koma ti makagapu a pudno a madadael ti daga, a pudno a mapuoran kas iti let-ang nga awan asinoman a lumasat?”+ 13  Ket kinuna ni Jehova: “Maigapu iti panangpanawda iti lintegko nga intedko a maadda iti sanguananda, ken agsipud ta saanda a nagtulnog iti timekko ket saanda a nagna iti dayta,+ 14  no di ket simmursurotda iti kinasungit ti pusoda+ ken kadagiti ladawan ni Baal,+ a dagita ti insuro kadakuada dagiti ammada;+ 15  gapuna daytoy ti kinuna ni Jehova ti buybuyot, ti Dios ti Israel, ‘Adtoy pakanek ida, awan sabali, daytoy nga ili, iti ajenjo,+ ket painumekto ida iti nasabidongan a danum;+ 16  ket iwarawarakto ida iti tengnga dagiti nasion nga uray isuda wenno dagiti ammada saanda a naammuan,+ ket ibaonkonto a kumamat kadakuada ti kampilan agingga a natalipuposkonton ida.’+ 17  “Daytoy ti kinuna ni Jehova ti buybuyot, ‘Agtignaykayo a buyogen ti pannakaawat, ket ayabanyo dagiti babbai a managdayyeng iti dung-aw,+ tapno umayda koma; ket agbaonkayo uray kadagiti nasigo a babbai, tapno umayda koma,+ 18  ken tapno agdardarasda koma ket mangipigsada kadatayo iti maysa nga unnoy. Ket dagiti matatayo mangyayus koma iti lulua ket dagiti bukodtayo nga agsilnasilnag a mata mangyaruyot iti dandanum.+ 19  Ta ti timek ti panagunnoy isu ti nangngeg manipud Sion:+ “Anian a naagawantayo!+ Anian ti kinapalalo ti pannakapabaintayo! Ta pinanawantayo ti daga; ta imbellengda dagiti pagtaengantayo.”+ 20  Ngem denggenyo, O dakayo a babbai, ti sao ni Jehova, ket ti lapayagyo awatenna koma ti sao ti ngiwatna. Kalpasanna suruanyo ti annakyo a babbai iti maysa nga unnoy,+ ket tunggal babai suruanna ti kaduana iti dung-aw.+ 21  Ta ni patay immuli a limmasat kadagiti tawatayo; simrek kadagiti pagnaedan a torretayo, tapno gessatenna ti ubing manipud iti kalsada, dagiti agtutubo a lallaki manipud kadagiti publiko a plasa.’+ 22  “Sawem, ‘Daytoy ti kuna ni Jehova: “Dagiti natay a bagi ti sangatauan masapul a matnagda met a kas ganagan iti rabaw ti talon ken kas maysa nga intar ti kagapgapas a binukel iti likudan ti managani, nga awan asinoman nga agurnong.”’”+ 23  Daytoy ti kinuna ni Jehova: “Ti masirib a tao saan koma nga agpangas maipapan iti bagina gapu iti siribna,+ ket ti nabileg a lalaki saan koma nga agpangas maipapan iti bagina gapu iti kinabilegna.+ Ti nabaknang a tao saan koma nga agpangas maipapan iti bagina gapu iti kinabaknangna.”+ 24  “No di ket daydiay agpangpangas maipapan iti bagina agpangas koma maipapan iti bagina gapu itoy mismo a banag, ti kaadda ti pannakatarus+ ken ti kaadda ti pannakaammo kaniak, a siak ni Jehova,+ Daydiay mangwatwatwat iti naayat a kinamanangngaasi, kinahustisia ken kinalinteg iti daga;+ ta kadagitoy a banag maragsakanak,”+ kuna ni Jehova. 25  “Adtoy! Um-umayen dagiti aldaw,” kuna ni Jehova, “ket makikuentaakto iti tunggal maysa a nakugit ngem kaskasdi nga adda iti di pannakakugit,+ 26  iti Egipto+ ken iti Juda+ ken iti Edom+ ken iti annak ti Ammon+ ken iti Moab+ ken kadagidiay amin a naputdan ti buokda kadagiti pispis isuda nga agnanaed idiay let-ang;+ ta amin dagiti nasion saanda a nakugit, ket ti isuamin a balay ti Israel saanda a nakugit iti puso.”+

Footnotes