Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 8:1-22

8  “Iti dayta a tiempo,” kuna ni Jehova, “dagiti tattao iruardanto met ti tultulang ti ar-ari ti Juda ken ti tultulang dagiti prinsipena ken ti tultulang ti papadi ken ti tultulang dagiti mammadto ken ti tultulang dagiti agnanaed iti Jerusalem manipud kadagiti tanemda.+  Ket pudno nga iwaradanto ida iti sanguanan ti init ken ti bulan ken ti isuamin a buyot ti langlangit nga inay-ayatda ken nagserbianda ken simmurotanda+ ken sinapulda ken nagruknoyanda.+ Saandanto a maurnong, saandanto met a maitabon. Agbalindanto a kas ganagan iti rabaw ti daga.”+  “Ket pudno unay a mapilinto ti patay imbes a ti biag+ iti biang ti isuamin a natda dagidiay nabatbati iti daytoy dakes a pamilia kadagiti amin a lugar dagidiay nabatbati, a sadiay inwarawarakton ida,”+ kuna ni Jehova ti buybuyot.  “Ket masapul a kunaem kadakuada, ‘Daytoy ti kinuna ni Jehova: “Matuangdanto aya ket saanda a bumangon manen?+ No ti maysa agsubli, saan aya nga agsublinto met ti sabali?+  Apay a daytoy nga ili, ti Jerusalem, di matalek iti manayon a di kinamatalek? Kimpetda iti kinaallilaw;+ nagkitakitda nga agsubli.+  Impangagko,+ ket nagim-imdengak.+ Saan nga umiso ti wagas ti panagsasaoda. Awan maysa a tao a nagbabawi iti kinadakesna,+ a kunkunana, ‘Ania ti naaramidak?’ Tunggal maysa agsubli iti turongen ti kaaduan,+ kas iti maysa a kabalio a dumaruros iti bakal.  Uray ti tikbaboy iti langlangit—pagaammona unay dagiti naituding a tiempona;+ ket ti pagaw+ ken ti langaylangayan ken ti bulbul—salimetmetanda a naimbag ti tiempo nga iyaay ti tunggal maysa. Ngem no maipapan iti ilik, saanda nga ammo ti panangukom ni Jehova.”’+  “‘Kasano a maikunayo: “Masiribkami, ket ti linteg ni Jehova adda kadakami”?+ Sigurado, ita, ti ulbod a pagyurit+ dagiti sekretario ket nagaramid a buyogen iti bin-ig a kinaulbod.  Dagidiay masirib nabainanda.+ Napagkullayawda ket matiliwdanto. Adtoy! Linaksidda ti mismo a sao ni Jehova, ket ania a sirib ti adda kadakuada?+ 10  Gapuna ti assawada a babbai itedkonto kadagiti sabali a lallaki, dagiti talonda itedkonto kadagidiay agtagtagikua;+ ta, manipud iti daydiay kababassitan agingga a mismo iti daydiay kadadakkelan, tunggal maysa gumunggun-od iti nakillo a gunggona;+ manipud iti mammadto agingga a mismo iti padi, tunggal maysa agtigtignay a siuulbod.+ 11  Ket padasenda a paimbagen a sinansinan ti dunor ti anak a babai ti ilik,+ a kunkunada: “Adda talna! Adda talna!” idinto ta awan ti talna.+ 12  Nagbainda kadi agsipud ta inaramidda ti mismo a nakarimrimon?+ Kas maysa a banag, sigurado a saanda nga agbain; kas sabali pay a banag, saanda idi nga ammo uray ti pannakarikna iti pannakaipababa.+ “‘Gapuna mapasagdanto iti tengnga dagidiay mapaspasag. Iti tiempo ti pannakaasikasoda,+ maitibkoldanto,’ kinuna ni Jehova.+ 13  “‘Inton aramidek ti panagurnong, pagpatinggaekto ida,’ kuna ni Jehova.+ ‘Awanto dagiti ubas iti puon ti ubas,+ ket awanto dagiti higos iti kayo a higos, ket ti met laeng bulbulong sigurado a malaylayto. Ket ti bambanag nga itedko kadakuada lumabasto kadakuada.’” 14  “Apay nga agtugtugawtayo a sitatalna? Aguurnongkayo a sangsangkamaysa, ket sumrektayo kadagiti nasarikedkedan a siudad+ ket agulimektayo sadiay. Ta ni met laeng Jehova a Diostayo pinagulimeknatayo,+ ket ikkannatayo iti nasabidongan a danum nga inumen,+ agsipud ta nagbasoltayo a maikaniwas ken Jehova. 15  Adda idi panangnamnama iti talna, ngem awan immay a naimbag;+ iti tiempo ti pannakapaimbag, ngem, adtoy! aligaget!+ 16  Manipud iti Dan+ nangngeg ti panagbang-es dagiti kabaliona. Gapu iti uni ti panaggaraigi dagiti kabaliona a bulog nangrugi nga agyugayog ti intero a daga.+ Ket sumrekda ket lamutenda ti daga ken ti mangpunno iti dayta, ti siudad ken dagiti agnanaed iti dayta.” 17  “Ta adtoy mangibaonak iti nagtetengngaanyo kadagiti serpiente, nagita nga ul-uleg,+ a kadagita awan ti panangkayaw,+ ket sigurado a kagatendakayto,” kuna ni Jehova. 18  Maysa a ladingit a di maagasan dimteng kaniak.+ Ti pusok masakit. 19  Adtoy adda timek ti panagpatulong ti anak a babai ti ilik manipud iti daga nga adayo:+ “Awan kadi ni Jehova idiay Sion?+ Wenno awan kadi kenkuana ti arina?”+ “Apay a pinagruroddak babaen kadagiti kinitikitan a ladawanda, kadagiti ubbaw a ganggannaet a didiosda?”+ 20  “Ti panagani limmabasen, ti kalgaw nagngudon; ngem no maipapan kadatayo, saantayo a naisalakan!”+ 21  Gapu iti dunor+ ti anak a babai ti ilik naburakak.+ Naglidayak. Ti nalawag a panagmalmalanga kinemmegnak.+ 22  Awan kadi ti balsamo idiay Galaad?+ Wenno awan kadi ti manangpaimbag sadiay?+ Apay, ngarud, a ti pannakapaimbag+ ti anak a babai ti ilik saan a dimteng?+

Footnotes