Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 6:1-30

6  Agsalinongkayo, O dakayo nga annak ni Benjamin, manipud iti tengnga ti Jerusalem; ket idiay Tecoa+ puyotenyo ti tangguyob.+ Ket iti ngato ti Bet-haquerem+ mangibayogkayo iti maysa nga apuy a pagilasinan; agsipud ta ti met laeng didigra timmannawag manipud iti amianan, ti mismo a dakkel a pannakarpuog.+  Ti anak a babai ti Sion pudno nga immarngi iti naimnas ken nalanay ti pannakapatanorna a babai.+  Immay kenkuana ti papastor ken dagiti pangenda. Maibusor kenkuana imbangonda dagiti toldada iti intero nga aglikmut.+ Nagpaarabda tunggal maysa iti bukodna a paset.+  Maibusor kenkuana sinantipikarda ti gubat:+ “Tumakderkayo, ket sumang-attayo iti tengnga ti aldaw!”+ “Asitayo pay, ta ti aldaw nagleppasen, ta dagiti anniniwan ti rabii agtultuloyda nga umatiddog a mismo!”  “Tumakderkayo, ket sumang-attayo bayat ti rabii ket dadaelentayo dagiti pagnanaedan a torrena.”+  Ta daytoy ti kinuna ni Jehova ti buybuyot: “Mangpukankayo iti kayo+ ket mangibangonkayo maibusor iti Jerusalem iti maysa a baluarte a panglakub.+ Isu ti siudad a masapul a pakikuentaan.+ Isu ket panangirurumen laeng nga adda iti tengngana.+  Kas iti maysa a pagurnongan ti danum pagtalinaedenna a nalamiis ti dandanumna, kasta ti panamagtalinaedna a nalamiis ti kinadakesna. Kinaranggas ken panangagaw mangngegan kenkuana;+ sakit ken saplit patinayon nga addada iti sanguanan ti rupak.  Mailintegka koma,+ O Jerusalem, tapno ti kararuak saan nga agbaw-ing a marimon manipud kenka;+ tapno saanka nga ipasdek kas maysa a langalang a rebbek, maysa a daga a saan a mapagnaedan.”+  Daytoy ti kinuna ni Jehova ti buybuyot: “Di bumurong nga adasendanto ti natda ti Israel kas iti maysa a puon ti ubas.+ Isublim ta imam kas iti maysa nga agburburas iti ubas kadagiti gamat ti ubas.” 10  “Siasinonto ti pagsaoak ken pangipaayak iti pammakdaar, tapno mangngegda? Adtoy! Ti lapayagda saan a nakugit, iti kasta saanda a kabaelan ti mangipangag.+ Adtoy! Ti mismo a sao ni Jehova nagbalin kadakuada nga umsi,+ a dayta a sao saanda a mabalin a pagragsakan.+ 11  Ket napnoak iti pungtot ni Jehova. Napakilak nga agmedmedmed.”+ “Ibuyatmo dayta iti ubing iti kalsada+ ken iti nasinged a bunggoy dagiti agtutubo a lallaki a sangsangkagiddan; ta matiliwdanto met, ti lalaki agraman ti asawana, ti lakay agraman ti napnuan iti al-aldaw.+ 12  Ket dagiti balayda sigurado a mayawatto a tagikuaen ti sabsabali, dagiti talon ken ti assawa a babbai, nga aggigiddan.+ Ta iyunnatkonto ti imak maibusor kadagiti agnanaed iti daga,” kuna ni Jehova.+ 13  “Ta manipud iti daydiay kababassitan kadakuada agingga a mismo iti daydiay kadadakkelan kadakuada, tunggal maysa gumunggun-od iti nakillo a gunggona maipaay iti bagina;+ ket manipud iti mammadto agingga a mismo iti padi, tunggal maysa agtigtignay a siuulbod.+ 14  Ket padasenda a paimbagen a sinansinan ti dunor ti ilik,+ a kunkunada, ‘Adda talna! Adda talna!’ idinto ta awan ti talna.+ 15  Nagbainda kadi agsipud ta nakarimrimon ti inaramidda?+ Kas maysa a banag, sigurado nga awananda iti aniaman a panagbain; kas sabali pay a banag, saanda idi nga ammo uray ti pannakarikna iti pannakaipababa.+ Gapuna mapasagdanto iti tengnga dagidiay mapaspasag;+ iti tiempo a pannakikuentakto kadakuada maitibkoldanto,” kinuna ni Jehova. 16  Daytoy ti kinuna ni Jehova: “Agtakderkayo a siiintek kadagiti dalan ket kumitakayo, ket imtuodenyo dagiti dana ti nabayagen a tiempo, no sadino, ita, ti ayan ti naimbag a dalan;+ ket magnakayo iti dayta,+ ket makasarakkayo iti nam-ay maipaay kadagiti kararuayo.”+ Ngem kinunkunada: “Saankamto a magna.”+ 17  “Ket nangibangonak kadakayo kadagiti managwanawan,+ ‘Ipangagyo ti uni ti tangguyob!’”+ Ngem kinunkunada: “Saankamto a mangipangag.”+ 18  “Gapuna denggenyo, O dakayo a nasion! Ket ammuem, O sika a gimong, no anianto ti adda iti tengngada. 19  Imdengam, O daga! Adtoy mangipagtengak iti didigra iti daytoy nga ili+ kas bunga dagiti panunotda,+ ta saanda nga impangag ti mismo a bukodko a sasao; ket ti lintegko—intultuloyda met a linaksid.”+ 20  “Ania ti kapapay-an daytoy kaniak a mangyegkayo uray iti olibano manipud Sheba+ ken ti nasayaat nga unas manipud iti daga nga adayo? Dagiti sibubukel a datonyo a mapuoran saanda nga agserbi a pakaragsakan,+ ket dagiti mismo a sakripisioyo saanda a makaparagsak kaniak.”+ 21  Gapuna daytoy ti kinuna ni Jehova: “Adtoy mangisaadak kadagiti pakaitibkolan maipaay iti daytoy nga ili,+ ket sigurado a maitibkoldanto kadakuada, dagiti amma ken ti annak sangsangkamaysada; ti kaarruba ken ti kaduana—mapukawdanto.”+ 22  Daytoy ti kinuna ni Jehova: “Adtoy! Ti maysa nga ili umay manipud iti daga ti amianan, ket adda maysa a dakkel a nasion a mariingto manipud iti kaadaywan a paspaset ti daga.+ 23  Gammatandanto ti bai ken ti gayang.+ Naulpit dayta, ket awanandanto iti asi. Ti mismo a timekda agallinganto a kas iti baybay,+ ket agsakaydanto kadagiti kabalio.+ Nayurnos dayta a makibakal kas iti maysa a lalaki ti gubat maibusor kenka, O anak a babai ti Sion.”+ 24  Nangngegmi ti damag maipapan iti dayta. Nagsalupaypay dagiti imami.+ Ti met laeng rigat kinemmegnakami, dagiti panagpasikal a kas kadagiti panagpasikal ti maysa a babai nga agpaspasngay.+ 25  Dika rummuar a mapan iti tay-ak, ket dika magna uray iti dalan; ta adda ti kampilan a kukua ti kabusor, adda aliaw iti intero nga aglikmut.+ 26  O anak a babai ti ilik, agbarikeska iti tinakpil+ ket agiladka iti dapdapo.+ Agleddaangka a kas iti panagleddaang iti kakaisuna nga anak, ti panagdung-aw ti kinapait;+ agsipud ta giddato a ti manangagaw dumtengto kadatayo.+ 27  “Inaramidka a maysa a pangsubok iti metal iti tengnga ti ilik, maysa a mangar-aramid iti naan-anay a panangsukimat; ket imutektekamto ken masapul a sukimatem ti dalanda.+ 28  Isuda amin ti kasusungitan a tattao,+ nga agpagnapagnada kas manangparpardaya+—gambang ken landok. Makadadaelda amin.+ 29  Nakset dagiti yubuyoban.+ Manipud iti apuyda adda buli.+ Ti maysa nangpaspasudi iti kasta unay maipaay laeng iti awan kapapay-anna, ket dagidiay dakes saanda a naisina.+ 30  Linaksid a pirak ti sigurado a pangawagto kadakuada dagiti tattao,+ ta linaksid ida ni Jehova.”+

Footnotes