Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Jeremias 51:1-64

51  Daytoy ti kinuna ni Jehova: “Adtoy mangibangonak maibusor iti Babilonia+ ken maibusor kadagiti agnanaed iti Leb-kamai iti makadadael nga angin;+  ket mangibaonakto idiay Babilonia kadagiti managtaep a sigurado a mangitaepto kenkuana ken mamagongaongto iti dagana;+ ta pudno a bumusordanto kenkuana iti amin a sikigan iti aldaw ti didigra.+  “Daydiay agibadbaddek iti baina saan koma nga agibaddek.+ Ket awan koma ti asinoman a tumakder a mismo a sikakawes iti nagsasaip a kabalna. “Ket dikay mangipakita iti aniaman a panangngaasi kadagiti agtutubo a lallakina.+ Ipaayyo iti pannakadadael ti intero a buyotna.+  Ket masapul a mapasagda a napapatay iti daga dagiti Caldeo+ ken nasalput kadagiti kalsadana.+  “Ta ti Israel ken Juda+ saan a nabalo manipud iti Diosda, manipud ken Jehova ti buybuyot.+ Ta ti dagada napno iti pannakabasol iti panangmatmat Daydiay Santo ti Israel.+  “Agtalawkayo iti tengnga ti Babilonia,+ ket tunggal maysa ilisina ti bukodna a kararua.+ Dikay agbalin nga awan biagna babaen iti biddutna.+ Ta dayta ti tiempo ti pammales a kukua ni Jehova.+ Adda panangtrato nga isupapakna kenkuana.+  Ti Babilonia maysa idi a nabalitokan a kopa iti ima ni Jehova,+ a barbartekenna ti intero a daga.+ Manipud iti arakna imminum dagiti nasion.+ Dayta ti makagapu a dagiti nasion agtultuloyda nga agtignay a simamauyong.+  Giddato a narba ti Babilonia, iti kasta isu nadadael.+ Aganug-ogkayo gapu kenkuana.+ Mangalakayo iti balsamo maipaay iti ut-otna.+ Bareng no isu mapaimbag.”  “Napaimbagtayo koma ti Babilonia, ngem saan a napaimbag. Isu panawanyo,+ ket mapantayo tunggal maysa iti bukodna a daga.+ Ta ti pannakaukomna dimmanon agingga iti langlangit, ket naipangato dayta agingga kadagiti naulep a tangatang.+ 10  Ni Jehova inyegannatayo kadagiti aramid ti kinalinteg.+ Umaykayo ket isaritatayo idiay Sion ti aramid ni Jehova a Diostayo.”+ 11  “Pasilengenyo dagiti pana.+ Punnuenyo dagiti nagsirkulo a kalasag, O lallaki. Ni Jehova ginutugotna ti espiritu ti ar-ari dagiti Medo,+ ta ti kapanunotanna ket maibusor iti Babilonia,+ tapno isu dadaelenna. Ta dayta ti pammales ni Jehova, ti pammales maipaay iti templona.+ 12  Maibusor kadagiti pader ti Babilonia mangibayogkayo iti pagilasinan.+ Papigsaenyo ti panagbantay.+ Isaadyo dagiti managwanawan. Pagsaganaenyo dagidiay agdadaan nga agsaneb.+ Ta ni Jehova agpadpada a binukelna ti kapanunotan ken sigurado nga aramidennanto ti sinaona a maibusor kadagiti agnanaed iti Babilonia.”+ 13  “O babai nga agtataeng iti aglaplapusanan a dandanum,+ naruay iti gamgameng,+ dimtengen ti panungpalam, ti rukod+ ti panagganansiam.+ 14  Ni Jehova ti buybuyot insapatana babaen ti bukodna a kararua,+ ‘Punnuenkanto iti tattao, kas kadagiti dudon,+ ket pudno unay a mangikantadanto gapu kenka iti maysa a dir-i.’+ 15  Isu ti Nangaramid iti daga babaen ti pannakabalinna,+ Daydiay mangipaspasdek a sititibker iti nabunga a daga+ babaen ti siribna,+ ken Daydiay a babaen ti pannakaawatna+ inyunnatna ti langlangit.+ 16  Iti panagtimekna adda panangipaayna iti bellaak ti dandanum iti langlangit, ket dagiti alibungubong paulienna manipud iti ungto ti daga.+ Nangaramid pay kadagiti aribengbeng maipaay iti tudo,+ ket iruarna ti angin manipud kadagiti kamaligna. 17  Tunggal tao nagtignay buyogen ti kasta unay a kaawan nakem iti kasta saan a makaammo.+ Tunggal managobra iti metal mariknananto ti panagbain gapu iti kinitikitan a ladawan;+ ta ti sinukog a ladawan a kukuana maysa a kinaulbod,+ ket awan espiritu kadakuada.+ 18  Kinaubbawda,+ maysa nga aramid a panangrabrabak.+ Iti tiempo ti pannakaasikasoda mapukawdanto.+ 19  “Ti Binglay ni Jacob saan a kas kadagitoy a banag,+ ta isu ti Nangporma iti isuamin,+ isu pay ti sarukod ti tawidna.+ Jehova ti buybuyot ti naganna.”+ 20  “Maysaka a pang-or maipaay kaniak, kas ig-igam ti gubat,+ ket babaen kenka pudno unay a burakekto dagiti nasion, ket babaen kenka dadaelekto dagiti pagarian. 21  Ket babaen kenka burakekto ti kabalio ken ti nakasakay kenkuana, ket babaen kenka burakekto ti karuahe a pakigubat ken ti nakasakay iti dayta.+ 22  Ket babaen kenka burakekto ti lalaki ken babai, ket babaen kenka burakekto ti lakay ken ubing, ket babaen kenka burakekto ti agtutubo a lalaki ken birhen. 23  Ket babaen kenka burakekto ti pastor ken pangenna, ket babaen kenka burakekto ti mannalon ken paris dagiti animalna, ket babaen kenka burakekto dagiti gobernador ken diputado nga agtuturay. 24  Ket isupapakkonto iti Babilonia ken kadagiti amin nga agnanaed iti Caldea ti isuamin a kinadakesda nga inaramidda iti Sion iti imatangyo,”+ kuna ni Jehova. 25  “Adtoy bumusorak kenka,+ O makadadael a bantay,”+ kuna ni Jehova, “sika a manangdadael iti intero a daga;+ ket iyunnatkonto ti imak maibusor kenka ken itulidka manipud kadagiti napasdok a bato ket pagbalinenka a maysa a napuoran a bantay.”+ 26  “Ket dagiti tattao saandanto a mangala kenka iti bato a maipaay a pasuli wenno iti bato a maipaay a pampamuon,+ agsipud ta ti pagbalinamto ket langalang a rebrebbek agingga iti tiempo a di nakedngan,”+ kuna ni Jehova. 27  “Mangibayogkayo iti maysa a pagilasinan iti daga, O tattao.+ Mangpuyotkayo iti tangguyob iti tengnga dagiti nasion. Santipikarenyo+ a maibusor kenkuana dagiti nasion. Paayabanyo a maibusor kenkuana dagiti pagarian ti Ararat,+ Minni ken Askenaz.+ Mangparebbengkayo a maibusor kenkuana iti opisial nga agal-ala iti tao. Pasang-atenyo dagiti kabalio+ a kas kadagiti naseggar a dudon. 28  Santipikarenyo a maibusor kenkuana dagiti nasion, ti ar-ari ti Media,+ dagiti gobernadorna ken amin dagiti diputado nga agturayna ken ti intero a daga a pagturayan ti tunggal maysa. 29  Ket ti daga agyugayog koma ken agrigat iti nakaro,+ ta maibusor iti Babilonia a timpuar dagiti kapanunotan ni Jehova a pagbalinen ti daga ti Babilonia a maysa a banag a pagmalangaan, nga awanan agnanaed.+ 30  “Simmardeng a makirupak dagiti nabileg a lallaki ti Babilonia. Nagtalinaedda a situtugaw kadagiti natibker a disso. Naatianan ti kinabilegda.+ Nagbalinda a babbai.+ Nauram dagiti pagtaenganna. Natukkol dagiti balunetna.+ 31  “Ti maysa a tumataray agtaray a sumabet iti sabali pay a tumataray, ken ti maysa a manangipadamag a sumabet iti sabali pay a manangipadamag,+ tapno ipadamag iti ari ti Babilonia a ti siudadna naalan iti tunggal ungto,+ 32  ket dagiti met laeng pagballasiwan naagawen,+ ken dagiti papiro a barangay pinuoranda iti apuy, ket dagiti met laeng lallaki ti gubat nariribukanda.”+ 33  Ta daytoy ti kinuna ni Jehova ti buybuyot, ti Dios ti Israel: “Ti anak a babai ti Babilonia ket kas iti pagirikan.+ Dayta ti tiempo a panangibaddebaddek kenkuana agingga a masedsed. Kaskasdi nga apagbiit laengen a kanito ket ti tiempo ti panagani umayton maipaay kenkuana.”+ 34  “Ni Nabucodorosor nga ari ti Babilonia inibusnak;+ riniribuknak. Insaadnak a kas ongaong a basehas. Inalun-onnak kas iti dakkel nga uleg;+ pinunnona ti buksitna iti makaay-ayo a bambanagko. Inyanudnak nga imbelleng. 35  ‘Ti kinaranggas a naaramid kaniak ken iti bagik maadda koma iti Babilonia!’ kunaento ti babai nga agnanaed iti Sion.+ ‘Ket ti darak maadda koma kadagiti agnanaed iti Caldea!’ kunaento ti Jerusalem.”+ 36  Gapuna daytoy ti kinuna ni Jehova: “Adtoy tamingek ti legal a kasom,+ ket pudno unay nga ipakatkonto ti pammales maipaay kenka.+ Ket pagmagaekto ti baybayna, ket paatianakto dagiti bubonna.+ 37  Ket ti Babilonia agbalinto a gabgabsuon a batbato,+ ti taeng dagiti chacal,+ maysa a banag a pagmalangaan ken maysa a banag a sagawisiwan, nga awanan agnanaed.+ 38  Agungordanto amin a sangsangkamaysa a kas kadagiti burboran a bumaro a leon. Pudno unay nga agugadanto a kas kadagiti urbon dagiti leon.” 39  “Inton mapapudotda ipasdekkonto ti bangketeda ket bartekekto ida, tapno makapagrag-oda;+ ket masapul a maturogda iti pannaturog a di nakedngan ti kapautna, a manipud iti dayta saandanto nga agriing,”+ kuna ni Jehova. 40  “Isalogkonto ida a kas iti kalakian a karnero nga agturong iti pannakaparti, kas kadagiti kalakian a karnero agraman kadagiti kalakian a kalding.”+ 41  “O anian ti pannakakautibo ni Sesac,+ ken anian ti pannakaagaw ti Pakaidayawan ti intero a daga!+ Anian ti panagbalin ti Babilonia a maysa laeng a banag a pagmalangaan iti tengnga dagiti nasion!+ 42  Ti baybay simmang-at uray pay iti rabaw ti Babilonia. Babaen ti kinaadu dagiti dalluyonna isu naabbongan.+ 43  Dagiti siudadna nagbalin a banag a pagmalangaan, maysa a daga nga awanan danum ken maysa a desierto a tanap.+ Kas maysa a daga, awanto ti tao nga agnaed kadakuada, ket awanto ti lumasat kadakuada nga anak ti sangatauan.+ 44  Ket iturongkonto ti asikasok ken Bel+ iti Babilonia, ket iruarkonto iti ngiwatna ti naalimonna.+ Ket saanton nga agayus kenkuana dagiti nasion.+ Kasta met, ti met laeng pader ti Babilonia masapul a marba.+ 45  “Rummuarkayo iti tengngana, O ilik,+ ket tunggal maysa ilisina+ ti kararuana iti sumsumged nga unget ni Jehova.+ 46  Wenno no saan agalikakanto ti pusoyo,+ ket agbutengkayto gapu iti damag a mangngegan iti daga. Ket iti maysa a tawen pudno nga umayto ti damag, ket kalpasan dayta iti sabali pay a tawen addanto ti damag ken kinaranggas iti daga ken agturay maibusor iti agturay. 47  Gapuna, adtoy! adda um-umayen nga al-aldaw, ket iturongkonto ti asikasok iti kinitikitan a ladladawan ti Babilonia;+ ket ti intero a bukodna a daga mabainanto, ket amin dagidiay napapatay a tattaona mapasagto iti tengngana.+ 48  “Ket ti langlangit ken ti daga ken ti isuamin nga adda kadakuada sigurado nga agdir-idanto a sirarag-o gapu iti Babilonia,+ ta manipud iti amianan umayto kenkuana dagiti manangagaw,”+ kuna ni Jehova. 49  “Saan laeng a ti Babilonia ti nakaigapuan ti pannakapasag dagidiay napapatay iti Israel+ no di ket kasta met iti Babilonia napasag dagidiay napapatay iti intero a daga.+ 50  “Dakayo a nakatalaw iti kampilan, agtultuloykayo a mapan. Dikay agtakder a siiintek.+ Manipud iti adayo lagipenyo ni Jehova,+ ket ti met laeng Jerusalem tumpuar koma iti pusoyo.”+ 51  “Naibabainkami,+ ta nangngegmi ti pannakaumsi.+ Ti pannakaipababa inabbonganna dagiti rupami,+ ta dagiti ganggannaet immayda a maibusor kadagiti nasantuan a disso ti balay ni Jehova.”+ 52  “Gapuna, adtoy! adda um-umayen nga al-aldaw,” kuna ni Jehova, “ket iturongkonto ti asikasok iti kinitikitan a ladladawanna,+ ket iti isuamin a dagana agasugto daydiay naduyok.”+ 53  “Uray pay no ti Babilonia agpangato iti langlangit+ ken uray pay no pagbalinenna a di maasitgan ti kangato ti pigsana,+ manipud kaniak umayto kenkuana dagiti manangagaw,”+ kuna ni Jehova. 54  “Imdenganyo! Adda ikkis manipud Babilonia,+ ken dakkel a pannakarpuog manipud iti daga dagiti Caldeo,+ 55  ta ni Jehova ag-agawanna ti Babilonia, ket sigurado a dadaelenna manipud kenkuana ti naindaklan a timek,+ ket dagiti dalluyonda pudno a naariwawanto a kas iti adu a danum.+ Ti daranudor ti timekda sigurado a mairakurakto. 56  Ta masapul nga umay kenkuana, iti Babilonia, ti manangagaw,+ ket sigurado a makautibonto dagiti nabileg a lallakina.+ Masapul a maparpar dagiti baida,+ ta ni Jehova ket Dios dagiti supapak.+ Di bumurong a mangsupapakto.+ 57  Ket bartekekto+ dagiti prinsipena ken dagidiay mamasiribna, dagiti gobernadorna ken dagiti diputado nga agtuturayna ken dagiti nabileg a lallakina, ket maturogdanto iti pannaturog a di nakedngan ti kapautna, a manipud iti dayta saandanto nga agriing,”+ kuna ti Ari,+ nga agnagan Jehova ti buybuyot.+ 58  Daytoy ti kinuna ni Jehova ti buybuyot: “Ti pader ti Babilonia, nupay akaba, di bumurong a maduprakto;+ ket dagiti ruanganna, nupay nangato, mauramdanto iti apuy.+ Ket kasapulan nga agbannogto dagiti ili iti awan kapapay-anna laeng,+ ken dagiti nasional a bunggoy maipaay laeng iti apuy;+ ket bannogendanto laeng ti bagbagida.” 59  Ti sao a ni Jeremias a mammadto imbilinna ken ni Seraias nga anak ni Nerias+ nga anak ni Masias+ idi napan a naikuyog ken Zedekias nga ari ti Juda idiay Babilonia iti maikapat a tawen ti panagarina; ket ni Seraias idi ti agay-aywan kadagiti kuartel. 60  Ket iti maysa a libro insurat+ ni Jeremias ti isuamin a didigra a dumteng iti Babilonia, amin dagitoy a mismo a sasao a naisurat maibusor iti Babilonia. 61  Kanayonanna pay, ni Jeremias kinunana ken Seraias: “Apaman a dumtengka iti Babilonia ket pudno nga isu makitam, masapul a basaem met a sipipigsa amin dagitoy a sasao.+ 62  Ket masapul a kunaem, ‘O Jehova, sika nagsaoka maibusor iti daytoy a disso, tapno gessatem dayta iti kasta awanto ti agnanaed kenkuana,+ uray no tao wenno uray naamo nga animal, no di ket agbalin koma laeng a langalang a rebrebbek agingga iti tiempo a di nakedngan.’ 63  Ket mapasamakto nga inton nalpasmon a basaen daytoy a libro, mangigalutkanto iti dayta iti maysa a bato, ket masapul nga ipuruakmo iti tengnga ti Eufrates.+ 64  Ket masapul a kunaem, ‘Kastoyto ti ilelenned ti Babilonia ket saan a pulos a rumkuas gapu iti didigra nga ipagtengko kenkuana;+ ket pudno unay a bannogendanto ti bagbagida.’”+ Agingga ditoy ti sasao ni Jeremias.

Footnotes