Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 5:1-31

5  Mapankayo agsursor kadagiti kalsada ti Jerusalem ket kitaenyo, ita, ken ammuenyo, ken kadagiti publiko a plasana sumapulkayo no makasarakkayo iti maysa a tao,+ no adda asinoman nga agar-aramid iti kinahustisia,+ asinoman nga agsapsapul iti kinamatalek,+ ket isu pakawanekto.  Uray no kunaenda: “Kas sibibiag ni Jehova!” kaskasdi agsapsapatada iti bin-ig a kinaulbod.+  O Jehova, saan aya a dagita matam naiturongda iti kinamatalek?+ Kinabilmo ida,+ ngem saanda a nagsakit.+ Tinalipuposmo ida.+ Nagkedkedda nga umawat iti disiplina.+ Pinagbalinda dagiti rupada a natangtangken ngem iti napasdok a bato.+ Nagkedkedda nga agbaw-ing.+  Uray siak kinunak: “Sigurado a nababada a klase. Nagtignayda a simamaag, ta saanda nga inkankano ti dalan ni Jehova, ti panangukom ti Diosda.+  Mapanakto kadagidiay naindaklan ket makisaoak kadakuada;+ ta isuda naimutektekanda ti dalan ni Jehova, ti panangukom ti Diosda.+ Sigurado nga isuda sangsangkamaysa a tinukkolda ti sangol; pinugsatda dagiti galut.”+  Dayta ti makagapu a kinabil ida ti maysa a leon manipud iti bakir, ag-agawan a mismo ida ti maysa a lobo ti desierto a tantanap,+ ti maysa a leopardo agtalinaed a siririing kadagiti siudadda.+ Tunggal maysa a rummuar manipud kadakuada marangrangkay. Ta dagiti salungasingda immadu; dagiti aramidda a di kinamatalek nagbalin a nakaad-adu.+  Kasano a mapakawanka gapu itoy mismo a banag? Dagiti bukodmo nga annak pinanawandak, ket agsapsapatada+ babaen ti saan a Dios.+ Ket pinempennekko ida,+ ngem intuloyda ti nakikamalala,+ ket mapanda a sagtunggal buyot iti balay ti balangkantis a babai.  Nagbalinda a kabkabalio a nakemmeg iti seksual a panagmaya, nga addaan kadagiti nabileg nga ukel-ukel. Garaigianda tunggal maysa ti asawa a babai ti kaduana.+  “Saan aya a rebbeng a makikuentaak gapu kadagitoy mismo a banag?” kuna ni Jehova.+ “Wenno saan aya a ti kararuak agibales a mismo iti maysa a nasion a kas iti daytoy?”+ 10  “Sumang-atkayo a maibusor kadagiti intar ti puon ti ubasna ket mangdadaelkayo,+ ngem dikay mangtalipupos a naan-anay.+ Ikkatenyo dagiti bumarusbos a saringitna, ta saan ida a kukua ni Jehova.+ 11  Ta ti balay ti Israel ken ti balay ti Juda di bumurong a nakilangenda a sigugulib kaniak,” kuna ni Jehova.+ 12  “Inlibakda ni Jehova, ket kunkunaenda, ‘Isu awan.+ Ket awanto ti didigra a dumteng kadatayo, ket awanto ti makitatayo a kampilan wenno nakaro a bisin.’+ 13  Ket dagiti met laeng mammadto agbalinda nga angin, ket ti sao awan kadakuada.+ Kastanto ti maaramid kadakuada.” 14  Gapuna daytoy ti kinuna ni Jehova, ti Dios ti buybuyot: “Gapu ta sasawenyo daytoy a banag, adtoy pagbalinek nga apuy ti sasaok iti ngiwatmo,+ ket daytoy nga umili pedpedasonto a kayo, ket sigurado nga alun-onennanto ida.”+ 15  “Adtoy iyegko kadakayo ti maysa a nasion manipud iti adayo,+ O balay ti Israel,” kuna ni Jehova. “Maysa dayta a manayon a nasion.+ Maysa dayta a nasion iti nabayagen a tiempo, maysa a nasion a ti pagsasaona saanmo nga ammo, ket saanmo a mangngeg buyogen ti pannakaawat no ania ti sawenda. 16  Ti tagubanda kas iti maysa a silulukat a lugar a pagitabonan; isuda amin nabileg a lallaki.+ 17  Sigurado nga ibusendanto met ti anim ken ti tinapaymo.+ Dagiti tattao ibusendanto ti annakmo a lallaki ken ti annakmo a babbai. Ibusendanto dagiti arbanmo ken dagiti pangenmo. Ibusendanto ti ubasmo ken ti kayom a higos.+ Babaen ti kampilan burakendanto dagiti nasarikedkedan a siudadmo a pagkamkammatalkam.” 18  “Ket uray kadagidiay nga aldaw,” kuna ni Jehova, “saankonto nga itungpal ti panangtalipupos kadakayo.+ 19  Ket mapasamakto a kunaenyo, ‘Gapu iti ania a kinapudno a ni Jehova a Diostayo inaramidna kadatayo amin dagitoy a banag?’+ Ket masapul a kunaem kadakuada, ‘No kasano a pinanawandak ket nagserbikayo iti ganggannaet a dios iti dagayo, kastanto ti panagserbiyo kadagiti sangsangaili iti maysa a daga a saanyo a kukua.’”+ 20  Ibagayo daytoy iti balay ni Jacob, ket ipablaakyo dayta idiay Juda, a kunaenyo: 21  “Denggenyo, ita, daytoy, O nakuneng nga ili nga awanan puso:+ Adda matmatada, ngem saanda a makakita;+ adda laplapayagda, ngem saanda a makangngeg.+ 22  ‘Saankayo kadi nga agbuteng uray kaniak,’+ kuna ni Jehova, ‘wenno saankayo kadi nga agrigat iti nakaro gapu kaniak a mismo,+ a nangipasdek iti darat kas beddeng maipaay iti baybay, maysa a di nakedngan ti kapautna nga alagaden a saanna a maballasiw? Nupay agpallangatok a mismo dagiti dalluyonna, kaskasdi a saanda nga agballigi; ket nupay agbalinda a naariwawa, kaskasdi a saanda a maballasiw dayta.+ 23  Ngem daytoy a mismo nga ili naaddaan iti nasungit ken rebelioso a puso; simiasida ket agtultuloyda a magna iti turongenda.+ 24  Ngem saanda a kinuna iti pusoda: “Pagbutngantayo koma, ita, ni Jehova a Diostayo,+ Daydiay mangipapaay ti bayakabak ken ti tudo iti otonio ken ti tudo iti primavera iti panawenna,+ Daydiay mangsaluad uray kadagiti naibilin a lawas ti panagani maipaay kadatayo.”+ 25  Dagiti bukodyo a biddut pinapanawda dagitoy a banag, ket dagiti bukodyo a basol inggawidda kadakayo ti naimbag.+ 26  “‘Ta iti tengnga ti ilik adda nasarakan a nadangkes a tattao.+ Agsisiimda, a kasla no kumleb dagiti agtiltiliw iti tumatayab.+ Nangipakatda iti makadadael a silo. Tattao ti tiliwenda. 27  No kasano a ti maysa a tangkal napno kadagiti agtaytayab a parsua, kasta a dagiti balayda napno iti panangallilaw.+ Dayta ti makagapu a nagbalinda a dakkel ket nakagun-odda iti kinabaknang.+ 28  Limmukmegda;+ nagbalinda a nasileng. Naglippiasda met iti dakes a bambanag. Awan legal a kaso nga inrupirda,+ uray ti legal a kaso ti awan amana nga ubing,+ tapno magun-odda ti balligi;+ ket ti pannakaukom dagidiay napanglaw saanda a tinaming.’” 29  “Saan kadi a rebbeng a makikuentaak gapu kadagitoy mismo a banag,” kuna ni Jehova, “wenno saan kadi a rebbeng a ti kararuak agibales a mismo+ iti maysa a nasion a kas itoy? 30  Maysa a makapamalanga a kasasaad, mismo a nakaal-alingget a banag, ti naadda iti daga:+ 31  Dagiti met laeng mammadto pudno nga agipadtoda iti kinaulbod;+ ket no maipapan iti papadi, mapanda mangparukma sigun kadagiti pannakabalinda.+ Ket inayat a kasta ti bukodko nga ili;+ ket ania ti aramidenyonto iti pagnguduanna?”+

Footnotes