Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 49:1-39

49  Maipaay iti annak ti Ammon+ daytoy ti kinuna ni Jehova: “Awanan aya ti Israel iti annak, wenno awanan kadi iti agtawid? Apay a ni Malcam+ tinagikuana ti Gad,+ ket ti bukodna nga ili nagnaed kadagiti mismo a siudad ti Israel?”+  “‘Gapuna, adtoy! adda um-umayen nga al-aldaw,’ kuna ni Jehova, ‘ket ipangngegkonto ti alarma a pagilasinan ti gubat+ maibusor a mismo iti Rabba+ ti annak ti Ammon; ket isu sigurado nga agbalinto a munturod ti langalang a rebbek,+ ket dagiti met laeng agpampannuray nga ilina+ mauramdanto iti mismo nga apuy.’+ “‘Ket ti Israel pudno a tagikuaennanto dagidiay mangtagtagikua kenkuana,’+ kinuna ni Jehova.  “Aganug-ogka,+ O Hesbon,+ ta ti Ai naagawanen! Umkiskayo, O agpampannuray nga il-ili ti Rabba. Bariksanyo ti bagbagiyo iti tinakpil.+ Agdung-awkayo, ket agsursorkayo iti tengnga dagiti kulongan a bato, ta ni Malcam met laeng mapanto iti mismo a pannakaidestiero,+ ti papadina ken dagiti prinsipena, sangsangkamaysada.+  Apay nga agpangaska maipapan kadagiti nababa a tanap,+ dagiti pagay-ayusan a nababa a tanapmo, O anak a babai a di matalek, sika nga agtaltalek kadagiti gamengna,+ nga agkunkuna: “Siasino ti umayto kaniak?”’”+  “‘Adtoy mangyegak kenka iti makapaalinggaget a banag,’+ kuna ti Soberano+ nga Apo, ni Jehova ti buybuyot, ‘manipud kadagidiay amin nga adda iti aglikmutmo. Ket sigurado a maiwarawarakayto, tunggal maysa iti bukodna a turong,+ ket awanto ti mangummong a sangsangkamaysa kadagidiay agtaltalaw.’”  “‘Ngem kalpasanna ummongekto dagidiay kautibo iti annak ti Ammon,’+ kuna ni Jehova.”  Maipaay iti Edom daytoy ti kinuna ni Jehova ti buybuyot: “Awan kadin ti aniaman a kinasirib+ idiay Teman?+ Napukaw kadin ti pammatigmaan manipud kadagidiay addaan iti pannakaawat? Naglungtot kadin ti kinasiribda?+  Agtalawkayo!+ Agsanudkayo a mismo! Mapankayo iti kaadalman tapno agnaedkayo,+ O agnanaed iti Dedan!+ Ta ti didigra ni Esau iyegkonto kenkuana, ti tiempo a masapul nga iturongko kenkuana ti asikasok.+  No dagiti mismo a managburas iti ubas pudno nga immayda kenka, saanda aya a mangitedda kadagiti maadas? No dagiti mannanakaw immayda iti rabii, sigurado a mangdadaelda laeng agingga iti kayatda.+ 10  Ngem no maipapan kaniak, uksobakto a paglamolamuen ni Esau.+ Lukasakto dagiti lugarna a paglemmengan,+ ket ti maysa saannanto a kabaelan ti aglemmeng.+ Ti kaputotanna ken ti kakabsatna ken dagiti kaarrubana sigurado a maagawandanto,+ ket isu awanto.+ 11  Panawam dagiti awan amana nga ubbingmo.+ Siak taginayonekto ida a sibibiag, ket dagiti bukodmo a balo agtalekdanto uray kaniak.”+ 12  Ta daytoy ti kinuna ni Jehova: “Adtoy! Nupay saanda a kaugalian ti uminum iti kopa, uminumdanto a di bumurong.+ Ket sika, naan-anayto aya a mabaybay-anka a di nadusa? Saankanto a mabaybay-an a di nadusa, ta uminumkanto a di bumurong.”+ 13  “Ta iti kabukbukodak insapatak,”+ kuna ni Jehova, “nga awanen sabali no di maysa a banag a pagmalangaan,+ maysa a pakaumsian, maysa a panagwalangwalang ken maysa a lunod ti pagbalinanto ti Bozra;+ ket amin dagiti bukodna a siudad agbalindanto a walangwalang a disso agingga iti tiempo a di nakedngan.”+ 14  Adda damag a nangngegko manipud ken Jehova, ken adda babaonen a maibaon kadagiti nasion, a kunkunana: “Aguummongkayo a sangsangkamaysa, ket umaykayo a bumusor kenkuana, ket tumakderkayo nga agturong iti bakal.”+ 15  “Ta, adtoy! pudno a pinagbalinka a bassit iti tengnga dagiti nasion, maum-umsi iti tengnga ti sangatauan.+ 16  Ti panagpigerger a pinataudmo inallilawnaka, ti kinadursok ta pusom,+ O sika nga agtataeng kadagiti paglemmengan iti napasdok a bato, a mangik-ikut iti kangatuan ti turod. Nupay bangonem ti umokmo iti nangato a kas iti maysa nga agila,+ manipud sadiay ipababakanto,”+ kuna ni Jehova. 17  “Ket ti Edom agbalinto a banag a pagmalangaan.+ Tunggal maysa a lumabas kenkuana agmulagatto a simamalanga ken agsagawisiw maigapu kadagiti amin a saplitna.+ 18  Kas iti pannakaduprak ti Sodoma ken Gomorra ken dagiti kabangibangna nga ili,”+ kinuna ni Jehova, “awanto ti tao nga agnaed sadiay, ket awanto ti anak ti sangatauan nga agtaeng kenkuana a kas ganggannaet.+ 19  “Adtoy! Addanto sumang-at a kas iti maysa a leon+ manipud kadagiti napannakkel a kasamekan iti igid ti Jordan nga agturong iti manayon a disso a pagyanan,+ ngem iti apagkanito isu pagtarayekto manipud kenkuana.+ Ket daydiay mapili dutokakto a mamangulo kenkuana. Ta siasino ti kas kaniak,+ ken siasinonto ti mangkarit kaniak,+ ket siasino, ita, ti pastor a makapagtakder iti sanguanak?+ 20  Gapuna denggenyo, O lallaki, ti pammatigmaan ni Jehova a binukelna maibusor iti Edom,+ ken dagiti kapanunotanna a pinanunotna maibusor kadagiti agnanaed ti Teman:+ Sigurado a dagidiay babassit iti arban maiguyodguyodto. Sigurado a maigapu kadakuada pagbalinennanto a langalang ti disso a pagnaedanda.+ 21  Iti daranudor ti pannakatnagda nangrugi nga agyugayog ti daga.+ Adda maysa nga ikkis!+ Ti unina nangngegan uray iti Nalabaga a Baybay.+ 22  Adtoy! Kas iti maysa nga agila addanto agpangato ken sumippayot,+ ket iyukradnanto dagiti payakna iti ngatuen ti Bozra;+ ket ti puso dagiti nabileg a lallaki ti Edom pudno nga agbalinto iti dayta nga aldaw a kas iti puso ti asawa a babai nga agtutuok iti panagpasngay.”+ 23  Maipaay iti Damasco:+ “Ti Hamat+ ken Arpad+ nabainanda, ta maysa a dakes a damag ti nangngegda. Nawarawarada.+ Iti baybay adda panagdanag; saanna a kabaelan ti agtalinaed a di masinga.+ 24  Ti Damasco napukawna ti tured. Nagbaw-ing tapno agtalaw, ket bin-ig a panaglagaw ti immapay kenkuana.+ Ti met laeng rigat ken ut-ot iti panaganak kimpetda kenkuana, kas iti maysa a babai nga agpasngay.+ 25  Kasano a ti siudad ti panangidaydayaw saan a nabaybay-an, ti ili ti panagrag-o?+ 26  “Gapuna dagiti agtutubona a lallaki mapasagdanto kadagiti publiko a plasana, ket amin dagiti lallaki ti gubat mapagulimekdanto a mismo iti dayta nga aldaw,”+ kuna ni Jehova ti buybuyot. 27  “Ket paggayebgebekto ti maysa nga apuy iti pader ti Damasco, ket pudno unay nga alun-onennanto dagiti pagnaedan a torre ni Ben-hadad.”+ 28  Maipaay iti Quedar+ ken kadagiti pagarian ti Hasor,+ a kinabil ni Nabucodorosor nga ari ti Babilonia,+ daytoy ti kinuna ni Jehova: “Tumakderkayo, sumang-atkayo iti Quedar, O lallaki, ket agawanyo ti annak ti Daya.+ 29  Maalanto dagiti bukodda a tolda+ ken dagiti bukodda nga arban,+ dagiti lupot ti toldada+ ken amin nga aruatenda. Ket dagiti bukodda a kamelio+ maipanawto kadakuada. Ket sigurado nga iyikkisdanto kadakuada, ‘Ti aliaw adda iti intero nga aglawlaw!’”+ 30  “Agtalawkayo, agkamangkayo iti adayo; mapankayo iti kaadalman tapno agnaedkayo, O agnanaed iti Hasor,”+ kuna ni Jehova. “Ta ni Nabucodorosor nga ari ti Babilonia+ nangbukel iti pammatigmaan maibusor kadakayo ket nangpanunot maibusor kadakayo iti maysa a kapanunotan.” 31  “Tumakderkayo, O lallaki, sumang-atkayo a maibusor iti nasion a sinanam-ay,+ nga agnanaed a sitatalged!”+ kuna ni Jehova. “Awanan dayta kadagiti ruangan ken awanan iti balunet. Agtaengda nga agwaywayas.+ 32  Ket dagiti kamelioda+ agbalinto a samsam, ket ti umariwekwek dagiti dinguenda agbalin a ginam-ud. Ket iwarawarakto ida iti tunggal angin,+ dagidiay a naputdan ti buokda kadagiti pispis;+ ket manipud kadagiti amin a rehion iti asidegna iyegkonto ti pannakadidigrada,” kuna ni Jehova. 33  “Ket ti Hasor+ agbalinto a taeng dagiti chacal,+ maysa a langalang a rebbek agingga iti tiempo a di nakedngan. Awanto ti lalaki nga agnaed sadiay, ket kenkuana awanto ti anak ti sangatauan nga agtaeng kas ganggannaet.”+ 34  Daytoy ti dimteng kas ti sao ni Jehova ken Jeremias a mammadto maipapan iti Elam+ iti rugi ti panagari ni Zedekias+ nga ari ti Juda, a kunkunana: 35  “Daytoy ti kinuna ni Jehova ti buybuyot, ‘Adtoy tukkolek ti bai ti Elam,+ ti punganay ti kinamannakabalinda. 36  Ket iyegkonto iti Elam ti uppat nga angin manipud iti uppat nga ungto ti langlangit.+ Ket iwarawarakto ida kadagitoy amin nga angin,+ ket awanto ti nasion a saan a pakadanonan dagidiay naiwarawara+ iti Elam.’” 37  “Ket riribukekto dagiti Elamita iti sanguanan dagiti kabusorda ken iti sanguanan dagidiay mangsapsapul iti kararuada; ket mangipagtengakto kadakuada iti didigra, ti sumsumged nga ungetko,”+ kuna ni Jehova. “Ket ibaonkonto a kumamat kadakuada ti kampilan agingga a natalipuposkonton ida.”+ 38  “Ket isaadkonto ti tronok idiay Elam,+ ket dadaelekto manipud sadiay ti ari ken dagiti prinsipe,” kuna ni Jehova. 39  “Ket pudno unay a mapasamakto iti kamaudianan a paset dagiti aldaw+ nga ummongekto dagidiay kautibo iti Elam,”+ kuna ni Jehova.

Footnotes