Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 48:1-47

48  Maipaay iti Moab+ daytoy ti kinuna ni Jehova ti buybuyot, ti Dios ti Israel:+ “Asi pay ti Nebo,+ ta isu naagawan! Ti Kiriataim+ naibabain, nakautibo. Ti natalged a kamang naibabain ken napagaligaget.+  Awanen ti aniaman a panangidaydayaw iti Moab.+ Idiay Hesbon+ nangpanunotda a maibusor kenkuana iti maysa a didigra: ‘Umaykayo, ket isu gessatentayo manipud iti kinanasionna.’+ “Sika, met, O Madmen, rebbeng nga agulimekka. Adda sumurot kenka a maysa a kampilan.  Adda uni ti ikkis manipud Horonaim,+ maysa a panangagaw ken dakkel a pannakarba.  Ti Moab narban.+ Dagidiay ubbingna impangngegda ti maysa nga ikkis.  Ta iti dalan a sumang-at idiay Luhit+ sumang-at ti maysa buyogen ti panagsangit—adda panagsangit. Ta iti dalan a sumalog manipud Horonaim adda mangparigat nga ikkis gapu iti pannakarba+ a nangngeg dagiti tattao.  “Agtalawkayo; ilisiyo dagiti kararuayo,+ ket agbalinkayo koma a kas iti kayo a parwa iti let-ang.+  Agsipud ta ti talekmo adda kadagiti aramidmo ken kadagiti gamengmo, sika makautibokanto met.+ Ket ti Kemos+ sigurado a mapanto iti pannakaidestiero,+ ti papadina ken dagiti prinsipena nga aggigiddan.+  Ket ti manangagaw sumrekto iti tunggal siudad,+ ket awanto ti siudad a makatalaw.+ Ket ti nababa a tanap sigurado a madadaelto ket ti nalantag a daga mapukaw, maysa a banag a sinao ni Jehova.  “Mangipaaykayo iti Moab iti marka ti dalan, ta iti pannakarebrebbana isu agtalawto;+ ket dagiti mismo a siudadna agbalinto a maysa laeng a banag a pagmalangaan, nga awan ti agnaed kadakuada.+ 10  “Mailunod koma daydiay sililiway a mangitungpal iti mision ni Jehova;+ ket mailunod koma daydiay mangigawgawid iti kampilanna manipud iti dara! 11  “Sinanam-ayen dagiti Moabita manipud kinaagtutuboda,+ ket agtalinaedda a di masinga kadagiti ared-edda.+ Ket saanda a naibukbok manipud maysa a basehas a mayakar iti sabali a basehas, ket saanda a napan iti pannakaidestiero. Dayta ti makagapu a ti ramanda nagtalinaed iti unegda, ket ti mismo nga ayamuomda saan a nabaliwan. 12  “‘Gapuna, adtoy! adda um-umayen nga al-aldaw,’ kuna ni Jehova, ‘ket mangibaonakto kadakuada kadagiti manangibatuag iti basehas, ket pudno unay nga ibatuagdanto ida;+ ket ibukbokdanto dagiti basehasda, ket burakendanto dagiti dadakkel a karambada. 13  Ket dagiti Moabita kasapulan a mabainandanto ken Kemos,+ no kasano a dagiti kameng ti balay ti Israel nabainanda iti Bethel a pagkammatalkanda.+ 14  Kasano a maituredyo a kunaen: “Nabilegkami a lallaki+ ken lallaki a nakired maipaay iti gubat”?’ 15  “‘Ti Moab naagawanen, ket ti maysa simmang-at a maibusor kadagiti bukodna a siudad.+ Ket dagiti met laeng napili nga agtutuboda a lallaki simmalogda nga agturong iti pannakagudas,’+ kuna ti Ari, nga agnagan Jehova ti buybuyot.+ 16  “Ti didigra kadagiti Moabita asidegen nga umay, ket ti mismo a kalamidad kadakuada pudno nga agdardaras iti kasta unay.+ 17  Amin dagidiay adda iti aglikmutda makipagriknadanto kadakuada, uray pay amin dagidiay makaammo iti naganda.+ Kunaenyo, ‘O anian ti pannakatukkol ti sarukod ti pigsam, ti baston ti kinalibnos!’+ 18  “Dumsaagka manipud iti dayag, ket agtugawka a siwawaw, O babai nga agnanaed, ti anak a babai+ ti Dibon;+ ta ti manangagaw ti Moab simmang-at a maibusor kenka. Pudno a dadaelennanto dagiti nasarikedkedan a lugarmo.+ 19  “Agintekka ket kumitaka iti mismo a dalan, O babai nga agnanaed iti Aroer.+ Agimtuodka iti lalaki a pumampanaw ken iti babai nga agliblibas. Kunaem, ‘Ania ti napasamak?’+ 20  Ti Moab naibabain, ta nagaligaget.+ Aganug-ogka ken umkiska. Ibagayo idiay Arnon,+ O tattao, a naagawanen ti Moab. 21  Ket ti met laeng pannakaukom dimteng iti daga ti nalantag a pagilian,+ iti Holon ken iti Jahaz+ ken maibusor iti Mefaat,+ 22  ken maibusor iti Dibon+ ken maibusor iti Nebo+ ken maibusor iti Bet-diblataim, 23  ken maibusor iti Kiriataim+ ken maibusor iti Bet-gamul ken maibusor iti Bet-meon+ 24  ken maibusor iti Keriot+ ken maibusor iti Bozra+ ken maibusor kadagiti amin a siudad ti daga ti Moab, dagidiay adayo ken dagidiay asideg. 25  “‘Ti sara ti Moab naputed,+ ket ti bukodna a takiag natukkol,’+ kuna ni Jehova. 26  ‘Isu bartekenyo,+ O tattao, ta nagpasaw a maibusor ken Jehova a mismo;+ ket ti Moab naglubnalubnak iti sarwana,+ ket nagbalin a puntiria ti pananguyaw, isu a mismo. 27  “‘Ket ti Israel saan kadi a nagbalin kenka a maysa laeng a puntiria ti pananguyaw?+ Wenno isu nasarakan kadi iti tengnga dagiti nalawag a mannanakaw?+ Ta kintayegem ti bagim tunggal agsaoka a maibusor kenkuana. 28  “‘Panawanyo dagiti siudad ket agtaengkayo iti napasdok a bato,+ dakayo nga agnanaed ti Moab, ket agbalinkayo a kas iti kalapati nga agaramid iti umokna kadagiti rehion ti wangawangan ti lungog.’”+ 29  “Nangngegmi ti panagpannakkel ti Moab+—isu natangsit unay—iti kinangatona ken iti panagpannakkelna ken iti kinatangsitna ken iti kinangato ti pusona.”+ 30  “‘Siak naammuak ti rungsotna,’ kuna ni Jehova, ‘ket saanto a kasta dayta; ti ubbaw a saona+—pudno a saandanto nga aramiden iti kasta.+ 31  Dayta ti makagapu nga aganug-ogakto gapu iti Moab, ket maipaay iti Moab iti pakabuklanna umkisakto.+ Maipaay kadagiti tattao ti Kir-heres+ agasugto ti maysa. 32  “‘Sangitankanto iti ad-adda pay ngem iti panagsangit maipaay iti Jazer,+ O puon ti ubas ti Sibma.+ Dagiti bukodmo a rumangrangpaya a saringit bimmallasiwda iti baybay. Agingga iti baybay—agingga iti Jazer+—nakagtengda. Iti bungbungam iti kalgaw+ ken kadagiti naburas nga ubasmo ti nagtinnagan ti mismo a manangagaw.+ 33  Ket ti panagrag-o ken kinaragsak naipanaw manipud iti minuyongan ken manipud iti daga ti Moab.+ Ket manipud iti pagpespesan iti arak pinasardengko ti mismo nga arak.+ Awanto ti mangaramid iti panangibaddek buyogen ti panagdir-i. Ti panagdir-i saanto a panagdir-i.’”+ 34  “‘Manipud iti ikkis idiay Hesbon+ agingga idiay Eleale,+ agingga idiay Jahaz+ inyesngawda ti timekda,+ manipud Zoar+ agingga idiay Horonaim,+ agingga idiay Eglat-selisiya;+ ta uray ti mismo a dandanum ti Nimrim+ agbalindanto a langlangalang laeng. 35  Ket pasardengekto manipud Moab,’ kuna ni Jehova, ‘daydiay mangyeg iti maysa a daton iti nangato a disso ken daydiay mangpataud iti asuk a sakripisio iti diosna.+ 36  Dayta ti makagapu a ti bukodko a puso naariwawanto maipaay iti Moab a mismo, kas kadagiti plauta;+ ket maipaay kadagiti lallaki ti Kir-heres+ naariwawanto ti mismo a pusok, kas kadagiti plauta. Dayta ti makagapu a ti mismo a kinaruay a pinataudna sigurado a mapukawto.+ 37  Ta iti tunggal ulo adda panagkalbo,+ ket tunggal barbas maputdan.+ Kadagiti amin nga ima adda sugsugat,+ ket kadagiti padingpading adda tinakpil!’”+ 38  “‘Kadagiti amin nga atep ti Moab ken kadagiti publiko a plasana—isuamin dayta—adda panagdung-aw;+ ta binurakko ti Moab a kas iti basehas a saan a pakaragsakan,’+ kuna ni Jehova. 39  ‘O anian ti panagkullayawna! Aganug-ogkayo! O anian ti panagtallikud ti Moab! Isu nabainan.+ Ket ti Moab nagbalin a puntiria ti pananguyaw ken maysa a banag a makapakullayaw kadagidiay amin nga adda iti aglikmutna.’” 40  “Ta daytoy ti kinuna ni Jehova, ‘Adtoy! Kas iti maysa nga agila nga agsippayot,+ masapul nga adda met mangyukrad kadagiti payakna iti Moab.+ 41  Dagiti ili pudno a makautibodanto, ket dagiti bukodna a natibker a disso sigurado a makemmegto. Ket ti puso dagiti nabileg a lallaki ti Moab agbalinto iti dayta nga aldaw a kas iti puso ti maysa nga asawa a babai nga agtutuok iti panagpasngay.’”+ 42  “‘Ket ti Moab sigurado a matalipuposto manipud iti kinailina,+ ta nagpasaw a maibusor ken Jehova.+ 43  Ti alinggaget ken ti lungog ken ti palab-og addada kenka, O agnanaed iti Moab,’+ kuna ni Jehova. 44  ‘Ti asinoman nga agtalaw gapu iti alinggaget matnagto iti lungog; ket ti asinoman a sumang-at manipud iti lungog matiliwto iti silo.’+ “‘Ta iyegkonto kenkuana, iti Moab, ti tawen ti pannakaasikasoda,’+ kuna ni Jehova. 45  ‘Iti anniniwan ti Hesbon dagidiay agtaltalaw nagtakderda a siiintek nga awanan iti pannakabalin. Ta ti mismo nga apuy sigurado a rummuarto manipud Hesbon,+ ken ti gil-ayab manipud iti tengnga ti Sihon;+ ket alun-onennanto dagiti pispis ti Moab ken ti kuppokuppo ti annak ti derraaw.’+ 46  “‘Asika pay, O Moab!+ Dagiti tattao ni Kemos+ napukaw. Ta ti annakmo a lallaki naalada a kas kautibo ken ti annakmo a babbai kas kautibo. 47  Ket ummongekto dagidiay kautibo iti Moab iti kamaudianan a paset ti al-aldaw,’+ kuna ni Jehova. ‘Agingga ditoy ti pannakaukom ti Moab.’”+

Footnotes