Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 47:1-7

47  Daytoy idi ti sao ni Jehova ken Jeremias a mammadto maipapan kadagiti Filisteo+ sakbay a ni Faraon kinabilna ti Gaza.+  Daytoy ti kinuna ni Jehova: “Adtoy! Dumakdakkel ti dandanum+ manipud iti amianan+ ket nagbalin a manglayus nga ayus. Ket layusendanto ti daga ken ti mangpunno iti dayta, ti siudad ken dagidiay agnanaed kenkuana.+ Ket pudno unay nga umkisto dagiti tattao, ket aganug-ogto ti isuamin nga agnanaed iti daga.+  Iti uni ti panagpaddak dagiti kuko ti kabkabaliona a bulog,+ iti panagkaradakad dagiti karuahena a pakigubat,+ ti bellaak dagiti pilidna,+ dagiti amma pudno a saandanto a tumaliaw iti annak, gapu iti panagsalupaypay dagiti imada,  maigapu iti aldaw nga um-umay tapno agawanna dagiti amin a Filisteo,+ tapno gessatenna manipud Tiro+ ken manipud Sidon+ ti tunggal nakalasat a timmultulong.+ Ta ni Jehova agawanna dagiti Filisteo,+ isuda a nabatbati manipud iti isla ti Caftor.+  Ti panagkalbo+ masapul a dumteng iti Gaza.+ Ti Ascalon+ napaulimeken. O natda ti nababa a tanapda, kasanonto kabayag ti panangsugsugatmo iti bagim?+  “Aha, ti kampilan ni Jehova!+ Kasanonto kabayag ti saanmo a panagulimek? Maikegsalka iti kalubanmo.+ Aginanaka ket agulimekka.  “Kasano a makapagulimek, no ni Jehova a mismo nangted iti bilin iti dayta? Maipaay dayta ken Ascalon ken iti igid ti baybay.+ Sadiay ti nangitudinganna iti dayta.”

Footnotes