Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 46:1-28

46  Daytoy ti dimteng kas ti sao ni Jehova ken Jeremias a mammadto maipapan kadagiti nasion:+  Iti Egipto,+ maipapan iti puersa militar ni Faraon Neco nga ari ti Egipto,+ nga adda idi iti igid ti karayan Eufrates idiay Carquemis,+ a pinarukma ni Nabucodorosor nga ari ti Babilonia idi maikapat a tawen ni Jehoiaquim+ nga anak ni Josias, ti ari ti Juda:  “Mangyurnoskayo, O lallaki, iti sarapa ken dakkel a kalasag, ket umadanikayo iti bakal.+  Guarnisanyo dagiti kabalio, ket agsakaykayo, O dakayo a kumakabalio, ket agsaadkayo nga addaan iti kabal ti ulo. Pasilengenyo dagiti gayang. Kawesanyo ti bagbagiyo kadagiti nagsasaip a kabal.+  “‘Apay a nakitak ida a nakabil iti panagaligaget? Agsansanudda, ket narumekrumek dagiti mismo a nabileg a lallakida; ket di bumurong a nagtalawda, ken saanda a nagsubli.+ Adda aliaw iti intero nga aglikmut,’+ kuna ni Jehova.  ‘Daydiay nasiglat saanna koma a padasen ti agtalaw, ket ti nabileg a lalaki saanna koma a padasen ti aglibas.+ Iti amianan+ iti igid ti karayan Eufrates naitibkolda ken napasagda.’+  “Siasino daytoy ngumato a kas iti Karayan Nilo, kas kadagiti karayan a ti dandanumda agpallayogda a mismo?+  Ti met laeng Egipto ngumato a kas iti Karayan Nilo,+ ket kas kadagiti karayan agpallayog a mismo ti dandanum.+ Ket kunana, ‘Sumang-atakto. Abbongakto ti daga. Sidadaanakto a mangdadael iti siudad ken dagidiay agnanaed kenkuana.’+  Sumang-atkayo, O dakayo a kabkabalio; ket agtaraykayo buyogen ti kinamauyong, O dakayo a karuahe! Ket rummuar koma dagiti nabileg a lallaki, da Cus+ ken Put,+ isuda a mangig-iggem iti kalasag, ken ti Ludim,+ isuda a mangig-iggem ken mangibadbaddek iti bai. 10  “Ket dayta nga aldaw kukua ti Soberano nga Apo, ni Jehova ti buybuyot, ti aldaw ti pammales maipaay iti panangibalesna iti bagina kadagiti kabusorna.+ Ket ti kampilan pudno unay a mangalun-on ken mapnekto a mismo ket agpennek iti darada, ta ti Soberano+ nga Apo, ni Jehova ti buybuyot, addaan sakripisio+ iti daga ti amianan iti igid ti karayan Eufrates.+ 11  “Sumang-atka idiay Galaad ket mangalaka iti balsamo,+ O birhen nga anak a babai ti Egipto.+ Iti kinaubbaw pinaadum dagiti pamay-an a panangpaimbag. Awan ti panangpasayaat a maipaay kenka.+ 12  Dagiti nasion nangngegda ti pannakaibabainmo+ ket ti mismo nga ikkismo pinunnona ti daga.+ Ta naitibkolda, nabileg a lalaki maibusor iti nabileg a lalaki.+ Sangsangkamaysada a napasag, isuda a dua.” 13  Ti sao a sinao ni Jehova ken Jeremias a mammadto maipapan iti iyaay ni Nabucodorosor nga ari ti Babilonia tapno kabilenna ti daga ti Egipto:+ 14  “Ibagayo dayta idiay Egipto, O tattao, ket ipablaakyo dayta idiay Migdol,+ ken ipablaakyo dayta idiay Nof+ ken idiay Tapanhes.+ Kunaenyo, ‘Agsaadka, nga isaganaam met ta bagim,+ ta ti kampilan sigurado nga alun-onennanto ti intero nga aglikmutmo.+ 15  Apay a nalapunos dagidiay mannakabalinmo?+ Saanda a nakapagtakder, ta ni met laeng Jehova pinagtalawna ida.+ 16  Nakaad-aduda a maitibtibkol. Pudno a mapasagda met. Ket kunkunaenda ti maysa iti sabali: “Tumakderka, ket agsublitayo iti ilitayo ken iti daga dagiti kabagiantayo gapu iti mangirurumen a kampilan.”’ 17  Sadiay inwaragawagda, ‘Ni Faraon nga ari ti Egipto maysa laeng a daranudor.+ Pinalabasna ti tiempo ti piesta.’+ 18  “‘Kas sibibiagak,’ kuna ti Ari, nga agnagan Jehova ti buybuyot,+ ‘kas iti Tabor+ iti tengnga ti bambantay ken kas iti Carmelo+ iti igid ti baybay isu umayto. 19  Iyaramidam ta bagim iti gargaret laeng a maipaay iti pannakaidestiero,+ O babai nga agnanaed, ti anak a babai+ ti Egipto. Ta ti met laeng Nof+ agbalinto a maysa laeng a banag a pagmalangaan ket pudno a mauramto, tapno maawanan iti agnanaed.+ 20  Ti Egipto ket kas iti nalibnos unay a bumalasang a baka. Manipud iti amianan pudno unay nga umayto ti maysa a lamok maibusor kenkuana.+ 21  Kanayonanna pay, dagiti patangtangdanan a soldadona iti tengngana kaslada kadagiti pinalukmeg a kigaw a baka.+ Ngem isuda met nagsanudda;+ nagtalawda a sangsangkamaysa. Saanda a nakapagtakder.+ Ta ti mismo nga aldaw ti pannakadidigrada dimteng kadakuada, ti tiempo ti pannakaasikasoda.’+ 22  “‘Ti timekna ket kas iti timek ti maysa a serpiente a kumuykuyog;+ ta buyogen ti kired a mapanto dagiti lallaki, ket buyogen dagiti wasay pudno a sumrekdanto kenkuana, kas kadagidiay agur-urnong kadagiti pedaso a kayo. 23  Sigurado a pukanendanto ti bakirna,’+ kuna ni Jehova, ‘ta saan a mastrek. Ta nagbalinda nga ad-adu ngem iti dudon,+ ket awan bilangda. 24  Ti anak a babai+ ti Egipto sigurado a mabainanto. Pudno a mayawatto iti ima dagiti umili ti amianan.’+ 25  “Ni Jehova ti buybuyot, ti Dios ti Israel, kinunana, ‘Adtoy iturongko ti asikasok ken Amon+ manipud iti No+ ken ni Faraon ken iti Egipto ken kadagiti didiosna+ ken iti ar-arina,+ ken ni Faraon a mismo ken kadagidiay amin nga agtaltalek kenkuana.’+ 26  “‘Ket iyawatkonto ida iti ima dagidiay mangsapsapul iti kararuada ken iti ima ni Nabucodorosor nga ari ti Babilonia+ ken iti ima dagiti adipenna; ket kalpasanna isu mapagtaenganto a kas kadagiti aldaw idi ugma,’+ kuna ni Jehova. 27  “‘Ket no maipapan kenka, dika agbuteng, O adipenko a Jacob, ket dika makabil iti panagaligaget, O Israel.+ Ta adtoy isalakanka manipud iti adayo ken ti kaputotam manipud iti daga a nakakautibuanda.+ Ket ni Jacob sigurado nga agsublinto ken awanan iti pannakasinga ken sinanam-ay ken awanan iti asinoman a mamagpigerger.+ 28  No maipapan kenka, dika agbuteng, O adipenko a Jacob,’ kuna ni Jehova, ‘ta addaak kenka.+ Ta mangtalipuposakto iti tengnga dagiti amin a nasion a nangiwarawaraak kenka,+ ngem no kenka saanakto a mangtalipupos.+ Kaskasdi kasapulan a dusaenkanto agingga iti umno a rukod,+ ket pulos a saankanto a bay-an a di nadusa.’”+

Footnotes