Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 44:1-30

44  Ti sao a dimteng ken Jeremias maipaay kadagiti amin a Judio nga agnanaed idi iti daga ti Egipto,+ kadagidiay agnanaed idiay Migdol+ ken idiay Tapanhes+ ken idiay Nof+ ken iti daga ti Patros,+ a kunkunana:  “Daytoy ti kinuna ni Jehova ti buybuyot, ti Dios ti Israel, ‘Dakayo nakitayo ti isuamin a didigra nga impagtengko iti Jerusalem+ ken kadagiti amin a siudad ti Juda, ket adtoy walangwalangda a disso iti daytoy nga aldaw, ket awan ti agnanaed kadakuada.+  Gapu dayta iti kinadakesda nga inaramidda tapno pagrurodendak babaen ti ipapanda ken panangpataudda iti asuk a sakripisio+ ken panangipaayda iti panagserbi kadagiti sabali a didios nga isuda saanda a naammuan, uray dakayo wenno dagidi ammayo.+  Ket imbabaonko kadakayo dagiti amin nga adipenko a mammadto, a bimmangonak a nasapa ket nagbaonak,+ a kinunak: “Dikay aramiden, pangngaasiyo, daytoy nakarimrimon a kita ti banag a ginurak.”+  Ngem saanda nga immimdeng,+ saanda met nga inyallingag ti lapayagda tapno tumallikudda iti kinadakesda babaen ti saan a panangpataud iti asuk a sakripisio kadagiti sabali a didios.+  Gapuna ti pungtotko, ken ti ungetko, naibuyat ket simged kadagiti siudad ti Juda ken kadagiti kalsada ti Jerusalem;+ ket nagbalinda a walangwalang a disso, maysa a langalang a rebbek, kas iti daytoy nga aldaw.’+  “Ket ita daytoy ti kinuna ni Jehova, ti Dios ti buybuyot, ti Dios ti Israel, ‘Apay a mangpatpataudkayo iti dakkel a didigra kadagiti kararuayo,+ tapno manggessatkayo manipud kadakayo iti lalaki ken babai, ubing ken agsussuso,+ manipud iti tengnga ti Juda, tapno dikay iteddaan ti bagbagiyo iti natda;  babaen ti panamagrurod kaniak kadagiti aramid ti im-imayo babaen ti panangpataudyo iti asuk a sakripisio kadagiti sabali a didios+ iti daga ti Egipto, a serserkanyo tapno agtaengkayo kas ganggannaet; iti panggep a pananggessat kadakayo ken iti panggep a panagbalinyo a lunod ken umsi iti tengnga dagiti amin a nasion ti daga?+  Nalipatanyo kadin dagiti dakes nga aramid dagidi ammayo+ ken dagiti dakes nga aramid ti ar-ari ti Juda+ ken dagiti dakes nga aramid dagiti assawada+ ken dagiti bukodyo a dakes nga aramid ken dagiti dakes nga aramid ti assawayo a babbai,+ nga inaramidda iti daga ti Juda ken kadagiti kalsada ti Jerusalem? 10  Ket agingga itoy nga aldaw saanda a nakarikna iti pannakailupitlupit,+ ken saanda a nagbuteng,+ saanda met a nagna iti lintegko+ ken kadagiti paglintegak nga inkabilko iti sanguananyo ken iti sanguanan dagidi ammayo.’+ 11  “Gapuna daytoy ti kinuna ni Jehova ti buybuyot, ti Dios ti Israel, ‘Adtoy isaadko ti rupak maibusor kadakayo maipaay iti didigra ken maipaay iti pananggessat iti intero a Juda.+ 12  Ket alaekto ti natda ti Juda isuda a nangisaad kadagiti rupada a sumrek iti daga ti Egipto tapno agtaengda sadiay kas ganggannaet,+ ket sigurado a manungpaldanto amin iti daga ti Egipto.+ Mapasagdanto babaen ti kampilan; ket babaen ti nakaro a bisin+ manungpaldanto, manipud iti daydiay kabassitan agingga iti daydiay kadakkelan; mataydanto babaen ti kampilan ken babaen ti nakaro a bisin. Ket agbalindanto a maysa a lunod, maysa a banag a pagmalangaan ken maysa a tabbaaw ken maysa nga umsi.+ 13  Ket makikuentaakto maibusor kadagidiay agnanaed iti daga ti Egipto, kas iti pannakikuentak idi maibusor iti Jerusalem, babaen ti kampilan, babaen ti nakaro a bisin ken babaen ti angol.+ 14  Ket maipaay iti natda ti Juda a sumrek tapno agtaeng sadiay kas ganggannaet awanto ti makapagtalaw wenno makalasat, iti daga ti Egipto,+ uray agsubli iti daga ti Juda a pangitagtag-ayanda iti tarigagay ti kararuada nga agsubli tapno agnaed;+ ta saandanto nga agsubli, malaksid iti sumagmamano a nakatalaw.’” 15  Ket amin dagiti lallaki a nakaammo a dagiti assawada nangpatpataudda iti asuk a sakripisio kadagiti sabali a didios,+ ken amin nga assawa a babbai a sitatakder kas maysa a dakkel a kongregasion, ken amin dagiti umili nga agnanaed idi iti daga ti Egipto,+ idiay Patros,+ simmungbatda ken Jeremias, a kunkunada: 16  “No maipapan iti sao a sinaom kadakami iti nagan ni Jehova, saankami nga umimdeng kenka;+ 17  no di ket di bumurong nga aramidenminto ti tunggal sao a rimmuar iti ngiwatmi,+ tapno mangpataudkami iti asuk a sakripisio iti ‘reyna ti langlangit’+ ken tapno mangibuyatkami kenkuana iti datdaton nga inumen,+ kas iti inaramidmi+ ken dagidi ammami,+ dagiti arimi+ ken dagiti prinsipemi kadagiti siudad ti Juda ken kadagiti kalsada ti Jerusalem, idi mapmapnekkami iti tinapay ken nabaknangkami, ket awan a pulos nakitami nga aniaman a didigra.+ 18  Ket manipud idi tiempo nga insardengmi ti mangpataud iti asuk a sakripisio iti ‘reyna ti langlangit’+ ken mangibuyat kenkuana kadagiti daton nga inumen nagkurangkami iti isuamin, ket babaen ti kampilan ken babaen ti nakaro a bisin nanungpalkami.+ 19  “Kasta met, idi mangpatpataudkami iti asuk a sakripisio iti ‘reyna ti langlangit’+ ken nagannayaskami a mangibuyat kenkuana kadagiti daton nga inumen,+ inyaramidanmi aya kadagiti tinapay a sakripisio a saankami a nagimtuod kadagiti assawami a lallaki, tapno mangaramidkami iti ladawanna, ken tapno mangibuyatkami kenkuana kadagiti daton nga inumen?”+ 20  Kalpasanna kinuna ni Jeremias kadagiti amin nga umili, kadagiti nabaneg a lallaki ken iti assawa a babbai ken kadagiti amin nga umili, a sumungsungbat idi kenkuana iti maysa a sao, a kunkunana: 21  “No maipapan iti asuk a sakripisio a pinataudyo kadagiti siudad ti Juda ken kadagiti kalsada ti Jerusalem,+ dakayo+ ken dagidi ammayo,+ ti ar-ariyo+ ken dagiti prinsipeyo+ ken dagiti umili ti daga, saan aya a daytoy ti nalagip ni Jehova ken timpuar iti pusona?+ 22  Kamaudiananna saan idin a kabaelan nga anusan dayta ni Jehova gapu iti kinadakes dagiti pannakilangenyo, gapu iti nakarimrimon a bambanag nga inaramidyo,+ ket iti kasta ti dagayo nagbalin a maysa a walangwalang a disso ken maysa a banag a pagmalangaan ken maysa a lunod, nga awan ti agnanaed, kas iti daytoy nga aldaw.+ 23  Gapu iti kinapudno a nangpataudkayo iti asuk a sakripisio+ ken nagbasolkayo a maikaniwas ken Jehova+ ken saankayo a nagtulnog iti timek ni Jehova+ ket saankayo a nagna iti lintegna+ ken kadagiti paglinteganna ken kadagiti pammalagipna, dayta ti makagapu a napagteng kadakayo daytoy a didigra kas iti daytoy nga aldaw.”+ 24  Ket ni Jeremias intuloyna a kunaen kadagiti amin nga umili ken kadagiti amin a babbai: “Denggenyo ti sao ni Jehova, isuamin a Juda nga adda iti daga ti Egipto.+ 25  Daytoy ti kinuna ni Jehova ti buybuyot, ti Dios ti Israel, ‘No maipapan kadakayo a lallaki ken kadagiti assawayo,+ dakayo a babbai agsaokayo met babaen kadagiti ngiwatyo, (ket babaen kadagiti imayo nangitungpalkayo,) a kunkunayo: “Di bumurong nga aramidenminto dagiti karimi nga inkarimi,+ a mangpataudkami iti asuk a sakripisio iti ‘reyna ti langlangit’+ ken mangibuyatkami kenkuana kadagiti daton nga inumen.”+ Dakayo a babbai di bumurong nga itungpalyonto dagiti kariyo, ket di bumurong nga aramidenyonto dagiti kariyo.’ 26  “Gapuna denggenyo ti sao ni Jehova, isuamin a Juda nga agnanaed iti daga ti Egipto,+ ‘“Adtoy siak nagsapataak babaen ti naindaklan a naganko,”+ kinuna ni Jehova, “tapno ti naganko saanton nga agbalin a maysa a banag nga ipukkaw ti ngiwat ti asinoman a tao ti Juda,+ a kunana, ‘Kas sibibiag ti Soberano nga Apo Jehova!’+ iti intero a daga ti Egipto. 27  Adtoy agalibtakak kadakuada maipaay iti didigra ket saan a maipaay iti pagimbagan;+ ket amin dagiti lallaki ti Juda nga adda iti daga ti Egipto sigurado a manungpaldanto babaen ti kampilan ken babaen ti nakaro a bisin, agingga a mapukawda.+ 28  Ket no maipapan kadagidiay makatalaw iti kampilan, agsublidanto manipud iti daga ti Egipto nga agturong iti daga ti Juda, a bassit ti bilangda;+ ket amin dagiti kameng ti natda ti Juda, nga um-umay iti daga ti Egipto tapno agtaengda sadiay kas ganggannaet, sigurado a maammuandanto no makinsao ti pumudno, ti naggapu kaniak wenno ti naggapu kadakuada.”’”+ 29  “‘Ket daytoy ti pagilasinan maipaay kadakayo,’+ kuna ni Jehova, ‘nga iturongko ti asikasok kadakayo iti daytoy a lugar, tapno maammuanyo a ti sasaok di bumurong a pumudnonto kadakayo maipaay iti didigra:+ 30  Daytoy ti kinuna ni Jehova: “Adtoy iyawatko ni Faraon Hofra, ti ari ti Egipto,+ iti ima dagiti kabusorna ken iti ima dagidiay mangsapsapul iti kararuana,+ kas iti panangyawatko ken Zedekias nga ari ti Juda iti ima ni Nabucodorosor nga ari ti Babilonia, ti kabusorna ken daydiay mangsapsapul iti kararuana.”’”+

Footnotes