Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 42:1-22

42  Idin amin a papanguluen dagiti puersa militar ken ni Johanan+ nga anak ni Carea ken ni Jezanias+ nga anak ni Osaias+ ken amin dagiti umili, manipud iti daydiay kabassitan agingga a mismo iti daydiay kadakkelan, immasidegda  ket kinunada ken Jeremias a mammadto: “Ti panagkiddawmi iti parabur, pangngaasim, maiyeg koma iti sanguanam, ket agkararagka ken Jehova a Diosmo maigapu kadakami,+ maigapu iti isuamin daytoy a natda, ta nabatikami, sumagmamano manipud iti adu,+ kas iti makitkita kadakami dagita matam.  Ket ibaga koma kadakami ni Jehova a Diosmo ti dalan a rebbeng a pagnaanmi ken ti banag a rebbeng nga aramidenmi.”+  Iti kasta kinuna kadakuada ni Jeremias a mammadto: “Nangngegko. Adtoy agkararagak ken Jehova a Diosyo maitunos iti sasaoyo;+ ket pudno unay a mapasamakto a ti tunggal sao nga isungbat kadakayo ni Jehova ibagakto kadakayo.+ Saankonto a medmedan kadakayo ti maysa a sao.”+  Ket isuda, iti biangda, kinunada ken Jeremias: “Ni Jehova agbalin koma a napudno ken matalek a saksi maibusor kadakami+ no saanto nga apag-isu nga aramidenmi ti tunggal sao a nangibaonan kenka kadakami ni Jehova a Diosmo.+  Uray no naimbag wenno dakes, ti timek ni Jehova a Diosmi a pangibaonanmi kenka isu ti pagtulnoganminto, iti panggep nga aglak-amkami koma iti naimbag agsipud ta nagtulnogkami iti timek ni Jehova a Diosmi.”+  Ita naaramid iti ngudo ti sangapulo nga aldaw a ti sao ni Jehova dimteng ken Jeremias.+  Gapuna inayabanna ni Johanan nga anak ni Carea ken ti amin a papanguluen dagiti puersa militar a naikuyog kenkuana ken amin dagiti umili, manipud iti daydiay kabassitan agingga a mismo iti daydiay kadakkelan;+  ket kinunana kadakuada: “Daytoy ti kinuna ni Jehova a Dios ti Israel, a nangibaonanyo kaniak tapno maiyeg iti sanguananna ti panagkiddawyo iti parabur,+ 10  ‘No di bumurong nga agtultuloykayto nga agnaed iti daytoy a daga,+ bangonenkayto met ket saankayo a rebbaen, ken imulakayto ket saankayo a paruten;+ ta pudno unay a pagladingitakto ti didigra nga impagtengko kadakayo.+ 11  Dikay agbuteng gapu iti ari ti Babilonia, a pagbutbutnganyo.’+ “‘Dikay agbuteng gapu kenkuana,’+ kuna ni Jehova, ‘ta addaak kadakayo, tapno isalakankayo ken ispalenkayo iti imana.+ 12  Ket ipaayankayto kadagiti asi, ket isu pudno unay a maasianto kadakayo ket isublinakayo iti bukodyo a daga.+ 13  “‘Ngem no kunaenyo: “Saan; saankamto nga agnaed iti daytoy a daga!” tapno sukirenyo ti timek ni Jehova a Diosyo,+ 14  a kunaenyo: “Saan, no di ket sumrekkamto iti daga ti Egipto,+ a sadiay saanminto a makita ti gubat ket saanminto a mangngeg ti uni ti tangguyob ken saankamto nga agbisin iti tinapay; ket sadiay ti pagnaedanminto”;+ 15  uray ita ngarud denggenyo ti sao ni Jehova, O natda ti Juda. Daytoy ti kinuna ni Jehova ti buybuyot, ti Dios ti Israel: “No dakayo sipopositibo nga iturongyo dagiti rupayo a sumrek idiay Egipto ket pudno a sumrekkayo tapno agtaengkayo sadiay kas ganggannaet,+ 16  mapasamakto met a ti mismo a kampilan a kabutengyo makamakamnakayto sadiay iti daga ti Egipto,+ ket ti mismo a nakaro a bisin a pakaaliawanyo surotennakayto a siaasideg sadiay Egipto;+ ket sadiay ti pakatayanyonto.+ 17  Ket maaramidto nga amin dagiti tattao a nangiturong kadagiti rupada a sumrek idiay Egipto tapno agtaengda sadiay kas ganggannaet isudanto dagidiay matay babaen ti kampilan, babaen ti nakaro a bisin ken babaen ti angol;+ ket saandanto a maaddaan iti maysa a makalasat wenno maysa a nakatalaw, gapu iti didigra nga ipagtengko kadakuada.”’+ 18  “Ta daytoy ti kinuna ni Jehova ti buybuyot, ti Dios ti Israel, ‘No kasano a ti ungetko ken pungtotko naibuyat kadagiti agnanaed iti Jerusalem,+ kastanto ti pannakaibuyat kadakayo ti pungtotko gapu iti iseserrekyo idiay Egipto, ket pudno unay nga agbalinkayto a maysa a lunod ken maysa a banag a pagmalangaan ken maysa a tabbaaw ken maysa nga umsi,+ ket saanyonton a makita daytoy a lugar.’+ 19  “Nagsao ni Jehova maibusor kadakayo, O natda iti Juda. Dikay sumrek idiay Egipto.+ Di bumurong nga ammuenyo koma a nangsaksiak maibusor kadakayo ita nga aldaw,+ 20  a nakaaramidkayo iti biddut a maikaniwas kadagiti kararuayo;+ ta dakayo imbaondak ken Jehova a Diosyo, a kinunayo, ‘Agkararagka maigapu kadakami ken Jehova a Diosmi; ket maitunos iti isuamin a sawen ni Jehova a Diosmi ibagam kadakami ti kasta, ket sigurado nga aramidenminto.’+ 21  Ket ibagak kadakayo ita nga aldaw, ngem sigurado a saankayto nga agtulnog iti timek ni Jehova a Diosyo wenno iti aniaman a nangibaonanna kaniak kadakayo.+ 22  Ket ita di bumurong nga ammuenyo a babaen ti kampilan,+ babaen ti nakaro a bisin ken babaen ti angol mataykayto iti lugar a pagragsakanyo a serkan tapno agtaengkayo kas ganggannaet.”+

Footnotes