Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Jeremias 41:1-18

41  Gapuna naaramid iti maikapito a bulan a ni Ismael+ nga anak ni Netanias nga anak ni Elisama+ manipud iti naarian a kaputotan+ ken manipud kadagiti kangrunaan a lallaki ti ari ken sangapulo a sabali pay a lallaki a naikuyog kenkuana+ immayda ken Gedalias nga anak ni Ahicam idiay Mizpa.+ Ket sadiay nangrugida a mangan a sangsangkamaysa iti tinapay idiay Mizpa.+  Idin timmakder ni Ismael nga anak ni Netanias ken dagiti sangapulo a lallaki nga adda idi a naikuyog kenkuana ket kinabilda ni Gedalias nga anak ni Ahicam nga anak ni Safan babaen iti kampilan.+ Iti kasta pinapatayna daydiay pinarebbengan ti ari ti Babilonia a mamangulo iti daga.+  Ket amin dagiti Judio nga adda idi a naikuyog kenkuana, awan sabali, ken Gedalias, idiay Mizpa, ken dagiti Caldeo a nasarakan sadiay, awan sabali, dagiti lallaki ti gubat, kinabil ni Ismael.  Ket naaramid iti maikadua nga aldaw ti pannakapapatay ni Gedalias, idi awan pay a pulos makaammo iti dayta,+  idin adda immay a lallaki manipud Siquem,+ manipud Silo+ ken manipud Samaria,+ walopulo a lallaki a dagiti barbasda nakiskisan+ ken dagiti kawesda naray-ab ken adda sugsugat iti bagbagida,+ ken addaanda iti daton a bukbukel ken olibano+ iti imada tapno iyegda iti balay ni Jehova.  Gapuna ni Ismael nga anak ni Netanias rimmuar manipud Mizpa tapno sumabet kadakuada, nga agsangsangit bayat a magmagna.+ Ket naaramid nga apaman a nasabatna ida kinunana kadakuada: “Umaykayo ken Gedalias nga anak ni Ahicam.”  Ngem napasamak nga apaman a dimtengda iti tengnga ti siudad, ginudas ida ni Ismael nga anak ni Netanias ket impisokna ida iti uneg ti pagurnongan ti danum, isu ken dagiti lallaki a naikuyog kenkuana.+  Ngem adda idi sangapulo a lallaki a nasarakan kadakuada a dagus a nagkuna ken Ismael: “Saannakami a papatayen, ta adda ik-ikutanmi a nalmeng a gamgameng idiay tay-ak, trigo ken sebada ken lana ken diro.”+ Gapuna inidianna, ket saanna a pinapatay ida iti tengnga ti kakabsatda.  Ita ti pagurnongan ti danum a nangipisokan ni Ismael+ iti amin a bangkay dagiti lallaki a kinabilna ket maysa idi a dakkel a pagurnongan ti danum, daydiay inaramid ni Ari Asa gapu ken Baasa nga ari ti Israel.+ Isu daydiay ti pinunno ni Ismael nga anak ni Netanias kadagidiay napapatay. 10  Idin kinautibo ni Ismael ti isuamin a natda kadagiti umili nga adda idiay Mizpa,+ ti annak a babbai ti ari+ ken amin dagiti umili a nabati idiay Mizpa,+ isuda a ni Nabuzaradan a panguluen ti para-guardia inkabilna iti panangaywan ni Gedalias nga anak ni Ahicam.+ Gapuna kinautibo ida ni Ismael nga anak ni Netanias ket pimmanawda a bumallasiw nga agturong iti annak ti Ammon.+ 11  Idi agangay ni Johanan+ nga anak ni Carea ken ti amin a papanguluen dagiti puersa militar+ a naikuyog kenkuana nangngegda ti isuamin a dakes nga inaramid ni Ismael nga anak ni Netanias. 12  Gapuna innalada amin dagiti lallaki ket napanda tapno makirupakda ken Ismael nga anak ni Netanias ket isu nasarakanda iti igid ti naruay a dandanum nga adda idiay Gabaon.+ 13  Idin naaramid nga apaman nga amin dagiti tattao a naikuyog ken Ismael nakitada ni Johanan nga anak ni Carea ken ti amin a papanguluen dagiti puersa militar a naikuyog kenkuana, nangrugida nga agrag-o. 14  Ket amin dagiti tattao nga inturong a sikakautibo ni Ismael manipud Mizpa+ nagbaw-ingda ket nagsublida ket napanda ken Johanan nga anak ni Carea. 15  Ket no maipapan ken Ismael nga anak ni Netanias, nagtalaw+ agraman walo a lallaki manipud iti sanguanan ni Johanan, tapno mapan iti annak ti Ammon. 16  Ni Johanan+ nga anak ni Carea ken ti amin a papanguluen dagiti puersa militar a naikuyog kenkuana innalada ita ti isuamin a natda kadagiti umili nga insublida manipud ken Ismael nga anak ni Netanias, manipud Mizpa, kalpasan a kinabilna ni Gedalias+ nga anak ni Ahicam, nababaneg a lallaki, lallaki ti gubat, ken ti assawa a babbai ken ti babassit nga ubbing ken dagiti opisial ti palasio, isuda nga insublina manipud Gabaon. 17  Iti kasta napanda ket nagnaedda iti lugar a pagdagusan ni Kimham nga adda iti abay ti Betlehem,+ tapno agtultuloyda a mapan ket sumrekda iti Egipto,+ 18  gapu kadagiti Caldeo;+ ta nagbutengda gapu kadakuada,+ yantangay ni Ismael nga anak ni Netanias kinabilna ni Gedalias nga anak ni Ahicam,+ a pinarebbengan ti ari ti Babilonia a mamangulo iti daga.+

Footnotes