Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 40:1-16

40  Ti sao a dimteng ken Jeremias manipud ken Jehova kalpasan a ni Nabuzaradan+ a panguluen ti para-guardia imbaonna ni Jeremias manipud Rama,+ idi isu innalana bayat a sipuputaw iti tengnga dagiti amin a destiero ti Jerusalem ken ti Juda, isuda a maidesdestiero idi idiay Babilonia.+  Idin ti panguluen ti para-guardia innalana ni Jeremias ket kinunana kenkuana: “Sinao a mismo ni Jehova a Diosmo daytoy a didigra maibusor iti daytoy a lugar,+  tapno mapapudno dayta ni Jehova ken maaramidna kas iti sinaona, agsipud ta nagbasolkayo a maikaniwas ken Jehova ket saankayo a nagtulnog iti timekna. Ket daytoy a banag napasamak kadakayo.+  Ket ita, adtoy! pinalusposanka ita nga aldaw kadagiti putaw nga adda kadagita imam. No naimbag kadagita matam a kumuyogka kaniak agingga idiay Babilonia, umayka, ket sikikitaakto kenka.+ Ngem no dakes kadagita matam a kumuyogka kaniak agingga idiay Babilonia, agkedkedka. Adtoy! Ti intero a daga adda iti sanguanam. Iti sadinoman a naimbag ken umiso kadagita matam a papanan, mapanka sadiay.”+  Ket isu saan pay idi nga agsubli, idi kinuna ni Nabuzaradan: “Agsublika ken Gedalias+ nga anak ni Ahicam+ nga anak ni Safan,+ a pinarebbengan ti ari ti Babilonia a mamangulo kadagiti siudad ti Juda, ket makipagnaedka kenkuana iti tengnga dagiti umili; wenno iti sadinoman nga umiso kadagita matam a papanan, mapanka.”+ Ket ti panguluen ti para-guardia kalpasanna nangted kenkuana iti sustento ti taraon ken iti rangkap ket isu pinalubosanna.+  Iti kasta ni Jeremias dimteng ken Gedalias+ nga anak ni Ahicam idiay Mizpa+ ket nakipagnaed kenkuana iti tengnga dagiti umili a nabati iti daga.  Idi agangay amin a papanguluen dagiti puersa militar nga adda idi iti tay-ak,+ isuda ken dagiti lallakida, nangngegda a ti ari ti Babilonia pinarebbenganna ni Gedalias nga anak ni Ahicam a mamangulo iti daga ket isu pinarebbenganna a mamangulo kadagiti lallaki ken babbai ken babassit nga ubbing ken sumagmamano kadagiti nanumo a tattao ti daga, isuda a saan a naidestiero idiay Babilonia.+  Gapuna immayda ken Gedalias idiay Mizpa, mismo a ni Ismael+ nga anak ni Netanias ken ni Johanan+ ken ni Jonatan, ti annak ni Carea, ken ni Seraias nga anak ni Tanhumet ken ti annak ni Efai a Netofatita+ ken ni Jezanias+ nga anak ti Maacatita,+ isuda ken dagiti lallakida.+  Ket ni Gedalias+ nga anak ni Ahicam+ nga anak ni Safan+ nagsapata+ kadakuada ken kadagiti lallakida, a kunkunana: “Dikay agbuteng nga agserbi kadagiti Caldeo. Agtultuloykayo nga agnaed iti daga ket agserbikayo iti ari ti Babilonia, ket aglak-amkayto iti naimbag.+ 10  Ket no maipapan kaniak, adtoy agnaedak idiay Mizpa,+ tapno agtakderak iti sanguanan dagiti Caldeo nga umayto kadatayo. Ket no maipapan kadakayo, agurnongkayo iti arak+ ken bungbunga iti kalgaw ken lana ket ikabilyo ida kadagiti pagkargaanyo ket agnaedkayo kadagiti siudadyo nga innalayo.” 11  Ket amin dagiti Judio nga adda idi idiay Moab ken iti tengnga ti annak ti Ammon ken idiay Edom ken dagidiay adda idi iti amin a dadduma pay a dagdaga,+ nangngegda met a ti ari ti Babilonia nangipaay iti natda iti Juda ken pinarebbenganna nga agaywan kadakuada ni Gedalias+ nga anak ni Ahicam nga anak ni Safan. 12  Ket amin dagiti Judio nangrugida nga agsubli manipud kadagiti amin a lugar a nakaiwarawaraanda, ket nagtultuloyda nga immay iti daga ti Juda ken ni Gedalias idiay Mizpa.+ Ket nagurnongda iti nakaad-adu unay nga arak ken bungbunga iti kalgaw. 13  No maipapan ken Johanan+ nga anak ni Carea+ ken amin a papanguluen dagiti puersa militar nga adda iti tay-ak,+ immayda ken Gedalias idiay Mizpa. 14  Ket kinunada kenkuana: “Saanmo kadi a pulos ammo a ni met laeng Baalis, ti ari ti annak ti Ammon,+ imbaonna ni Ismael+ nga anak ni Netanias+ tapno kabilennaka agingga iti kararua?” Ngem saan a pinati ida ni Gedalias nga anak ni Ahicam.+ 15  Ket ni Johanan+ nga anak ni Carea kinunana a mismo ken Gedalias, iti maysa a lugar a paglemmengan idiay Mizpa: “Kayatko ti mapan, itan, ket papatayek ni Ismael nga anak ni Netanias, yantangay awanto a pulos ti makaammo.+ Apay a rebbeng a kabilennaka agingga iti kararua, ken apay a masapul nga amin dagiti kameng ti Juda a maum-ummong a sangsangkamaysa kenka maiwarawarada ket ti natda ti Juda mapukaw?”+ 16  Ngem ni Gedalias+ nga anak ni Ahicam+ kinunana ken Johanan nga anak ni Carea: “Dika aramiden daytoy a banag, ta maysa a kinaulbod ti sasawem maipapan ken Ismael.”+

Footnotes