Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 4:1-31

4  “No agsublika, O Israel,” kuna ni Jehova, “makasublika kaniak a mismo.+ Ket no ikkatemto ti makarimon a bambanagmo maigapu kaniak,+ iti kasta saankanto a mapan a kas maysa a pugante.  Ket no pudno unay nga isapatamto,+ ‘Kas sibibiag ni Jehova iti kinapudno,+ iti kinahustisia ken iti kinalinteg!’+ iti kasta kenkuana pudno a bendisionanto dagiti nasion ti bagbagida, ket kenkuana agpasindayagdanto maipapan iti bagbagida.”+  Ta daytoy ti kinuna ni Jehova kadagiti tattao ti Juda ken iti Jerusalem: “Mangaradokayo maipaay iti bagbagiyo iti mumulaan a daga, ket dikay agtultuloy nga agimula iti nagbaetan dagiti siit.+  Agkugitkayo ken Jehova, ket ikkatenyo dagiti makinsango a kudil dagiti pusoyo,+ dakayo a tattao ti Juda ken agnanaed iti Jerusalem; tapno ti pungtotko saan a rummuar a kas iti apuy, ket pudno unay a sumged dayta nga awan ti asinoman a mangiddep, maigapu iti kinadakes dagiti pannakilangenyo.”+  Ibagayo dayta iti Juda, ket ipablaakyo uray idiay Jerusalem,+ ken sawenyo dayta, ket mangpuyotkayo iti tangguyob iti intero a daga.+ Agpukkawkayo a sipipigsa ket kunaenyo: “Aguurnongkayo a sangsangkamaysa, ket sumrektayo koma kadagiti siudad a nasarikedkedan.+  Mangibayogkayo iti pagilasinan a tumurong iti Sion. Mangipaaykayo iti pagsalinongan. Saankayo nga agintek.” Ta adda didigra nga ipagtengko manipud iti amianan,+ mismo a maysa a dakkel a pannakarpuog.  Isu simmang-at a kas maysa a leon manipud iti kasamekanna,+ ket daydiay mangdadael kadagiti nasion pimmanaw;+ isu rimmuar manipud iti dissona tapno aramidenna ti dagam kas maysa a banag a pagmalangaan. Dagiti bukodmo a siudad marbadanto a marebbek iti kasta awanto ti agnanaed.+  Maigapu iti daytoy agbarikeskayo iti tinakpil.+ Danogenyo dagiti barukongyo ket aganug-ogkayo,+ agsipud ta ti sumsumged nga unget ni Jehova saan a nagbaw-ing manipud kadatayo.+  “Ket mapasamakto iti dayta nga aldaw,” kuna ni Jehova, “nga agkapuyto ti puso ti ari,+ kasta met ti puso dagiti prinsipe; ket sigurado a mapagmalmalanganto ti papadi, ket dagiti met laeng mammadto agsiddaawdanto.”+ 10  Ket kinunak: “Ay, O Soberano nga Apo Jehova! Pudno unay a naan-anay nga inallilawmo daytoy nga ili+ ken ti Jerusalem, a kinunam, ‘Ti met laeng talna agbalinto a kukuayo,’+ ket ti kampilan dimmanon agingga iti kararua.” 11  Iti dayta a tiempo maikunanto iti daytoy nga ili ken iti Jerusalem: “Adda makasiram nga angin dagiti naasak-asak a dana a lumasat iti let-ang+ iti dalan nga agturong iti annak a babbai ti ilik;+ saan a pangitaep, saan met a pangdalus. 12  Ti met laeng napigsa nga angin umay kaniak uray manipud kadagitoy. Ita siak met sawekto dagiti panangukom kadakuada.+ 13  Adtoy! Kas ul-ulep ti tudo isu sumang-atto, ket dagiti karuahena kaslada bagyo nga angin.+ Dagiti kabaliona nasigsiglatda ngem kadagiti agila.+ Asitayo pay, agsipud ta naagawantayo! 14  Dalusam ta pusom iti bin-ig a kinadakes, O Jerusalem, tapno maisalakanka.+ Kasanonto kabayag a ti biddut a pampanunotmo agnaed iti unegmo?+ 15  Ta maysa a timek ti mangibagbaga manipud Dan+ ken mangipabpablaak iti makapasakit a banag manipud iti nakabambantay a rehion ti Efraim.+ 16  Dakamatenyo dayta, wen, kadagiti nasion. Ipablaakyo dayta maibusor iti Jerusalem.” “Dagiti agbambantay um-umayda manipud iti daga nga adayo,+ ket iyesngawdanto ti timekda maibusor kadagiti mismo a siudad ti Juda. 17  Kas kadagiti guardia iti nawayang a tay-ak ti nagbalinanda maibusor kenkuana iti amin a sikigan,+ agsipud ta isu nagrebelde kaniak a mismo,”+ kuna ni Jehova. 18  “Ti dalanmo ken dagiti pannakilangenmo—addanto panangisupapak kadagitoy kenka.+ Daytoy ti didigra a mapagteng kenka, ta napait dayta; agsipud ta dimmanon agingga iti pusom.” 19  O bagbagisko, bagbagisko! Agrigrigatak iti nakaro kadagiti diding ti pusok.+ Ti pusok naariwawa iti unegko.+ Saanak a makapagulimek, ta ti uni ti tangguyob isu ti nangngeg ti kararuak, ti alarma a pagilasinan iti gubat.+ 20  Pannakarpuog iti pannakarpuog isu ti naipukkaw, ta ti intero a daga naagawan.+ Giddato a naagawan dagiti toldak,+ iti apagkanito dagiti lupot ti toldak. 21  Kasano kabayag nga agtultuloy a makitak ti pagilasinan, nga agtultuloy a mangngegko ti uni ti tangguyob?+ 22  Ta maag ti ilik.+ Ti maipapan kaniak saanda nga inammo.+ Nakunengda nga annak; ket saanda a dagidiay addaan iti pannakaawat.+ Masiribda iti panagaramid iti dakes, ngem iti panagaramid iti naimbag pudno nga awananda iti pannakaammo.+ 23  Kinitak ti daga, ket, adtoy! ongaong ken langalang idi dayta;+ ken iti langlangit, ket ti silawda awanen.+ 24  Kinitak ti bambantay, ket, adtoy! agyugyugayogda idi, ket dagiti met laeng turod napagkintayegda amin.+ 25  Kimmitaak, ket, adtoy! awan idi ti maysa a naindagaan a tao, ket dagiti agtaytayab a parsua iti langlangit pimmanawda amin.+ 26  Kimmitaak, ket, adtoy! ti met laeng minuyongan maysa idi a let-ang, ket dagiti mismo a siudadna narbadan amin.+ Dayta ket gapu ken Jehova, gapu iti sumsumged nga ungetna. 27  Ta daytoy ti kinuna ni Jehova: “Maysa a langalang a rebbek ti pagbalinanto ti intero a daga,+ ket saanakto aya a mangitungpal iti bin-ig a panangtalipupos?+ 28  Maigapu iti daytoy agleddaangto ti daga,+ ket sigurado nga agsipngetto ti langlangit sadi ngato.+ Dayta ket agsipud ta sinaok, inutobko, ket saanak a nagladingit, saanakto met nga agbaw-ing manipud iti dayta.+ 29  Gapu iti uni dagiti kumakabalio ken dagiti bumibiat iti bai agtalaw ti intero a siudad.+ Simrekda kadagiti kasamekan, ket immulida kadagiti bato.+ Tunggal siudad nabaybay-an, ket awan tao nga agnanaed kadakuada.” 30  Ita ta naagawanka, anianto ti aramidem, yantangay kinawkawesam ta bagim iti eskarlata, yantangay inar-arkosam ta bagim kadagiti pagarkos a balitok, yantangay pinadpadakkelmo dagita matam babaen ti nangisit a pinta?+ Kinaubbaw a pinalpalibnosmo ta bagim.+ Dagidiay aggargartem kenka linaksiddaka; sapulsapulenda ti mismo a kararuam.+ 31  Ta nangngegko ti maysa a timek kas iti timek ti masakit a babai, ti rigat a kas iti rigat ti babai a mangipaspasngay iti umuna nga anakna,+ ti timek ti anak a babai ti Sion nga ab-abutenna ti angesna. Uk-ukradenna dagiti dakulapna:+ “Asiak pay, ita, ta ti kararuak nabannog kadagiti mammapatay!”+

Footnotes