Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 39:1-18

39  Iti maikasiam a tawen ni Zedekias nga ari ti Juda, iti maikasangapulo a bulan,+ ni Nabucodorosor nga ari ti Babilonia ken ti intero a puersa militarna dimtengda iti Jerusalem ket rinugianda a lakuben dayta.+  Iti maikasangapulo ket maysa a tawen ni Zedekias, iti maikapat a bulan, iti maikasiam nga aldaw ti bulan, naserrek ti siudad.+  Ket amin dagiti prinsipe ti ari ti Babilonia simrekda ket nagtugawda iti Makintengnga a Ruangan,+ awan sabali, da Nergal-sarezer, Samgar-nebo, Sarsekim, Rabsaris, Nergal-sarezer a Rabmag ken amin dagiti dadduma pay a prinsipe ti ari ti Babilonia.  Ita naaramid nga apaman a nakita ida ni Zedekias nga ari ti Juda ken dagiti amin a lallaki ti gubat, nangrugida nga agtaray+ ken rummuar iti rabii manipud iti siudad a dimmalanda iti minuyongan ti ari,+ iti ruangan iti baet ti dua a pader; ket nagtultuloyda a rimmuar a dumalan iti Araba.+  Ket kinamat ida ti maysa a puersa militar dagiti Caldeo,+ ket nakamakamda ni Zedekias iti desierto a tantanap ti Jerico.+ Kalpasanna innalada ket inyegda ken Nabucodorosor nga ari ti Babilonia idiay Ribla+ iti daga ti Hamat+ tapno makaisawang kenkuana kadagiti hudisial a pangngeddeng.+  Ket ti ari ti Babilonia ginudasna+ ti annak ni Zedekias idiay Ribla iti imatangna,+ ket amin dagiti natatan-ok ti Juda ginudas ti ari ti Babilonia.+  Ket dagiti mata ni Zedekias binulsekna,+ a kalpasan dayta pinarautanna kadagiti gambang a grilios, tapno ipanna idiay Babilonia.  Ket ti balay ti ari ken ti balbalay dagiti umili pinuoran dagiti Caldeo iti apuy,+ ket dagiti pader ti Jerusalem rinugpoda.+  Ket ti dadduma pay kadagiti umili a nabati iti siudad, ken dagiti manangpanaw a kimmappon kenkuana, ken ti dadduma pay kadagiti umili a nabati indestiero ni Nabuzaradan+ a panguluen ti para-guardia+ idiay Babilonia.+ 10  Ket ti sumagmamano kadagiti umili, dagidiay nanumo nga awanan a pulos, pinagtalinaed ni Nabuzaradan a panguluen ti para-guardia iti daga ti Juda;+ ket inikkanna ida kadagiti kaubasan ken kadagiti inkapilitan a panagserbi iti dayta nga aldaw.+ 11  Kanayonanna pay, ni Nabucodorosor nga ari ti Babilonia nangted iti bilin maipapan ken Jeremias babaen ken ni Nabuzaradan a panguluen ti para-guardia, a kunkunana: 12  “Isu alaem ket pagtalinaedem a sikikita kenkuana dagiti bukodmo a mata, ket dika pulos agaramid kenkuana iti aniaman a dakes.+ No di ket kas iti sawenna kenka, kasta ti aramidem kenkuana.”+ 13  Iti kasta nagbaon da Nabuzaradan+ a panguluen ti para-guardia ken Nabusazban a Rabsaris, ken ni Nergal-sarezer a Rabmag ken amin dagiti kangrunaan a lallaki ti ari ti Babilonia; 14  nagbaonda a mismo ket impaalada ni Jeremias manipud iti Paraangan ti Guardia+ ket inyawatda ken Gedalias+ nga anak ni Ahicam+ nga anak ni Safan,+ tapno isu iyegda iti balayna, tapno agnaed koma iti tengnga dagiti umili. 15  Ket ti sao ni Jehova dimteng ken Jeremias bayat a sipupupok idi idiay Paraangan ti Guardia,+ a kunkunana: 16  “Mapanka, ket masapul a kunaem ken Ebed-melec+ nga Etiope, ‘Daytoy ti kinuna ni Jehova ti buybuyot, ti Dios ti Israel: “Adtoy papudnuek ti sasaok iti daytoy a siudad maipaay iti didigra ket saan a maipaay iti pagimbagan,+ ket sigurado a mapasamakdanto iti sanguanam iti dayta nga aldaw.”’+ 17  “‘Ket ispalenkanto iti dayta nga aldaw,’+ kuna ni Jehova, ‘ket saankanto a mayawat iti ima dagiti lallaki a kaamakmo.’+ 18  “Ta di bumurong nga ipaayankanto iti itatalaw, ket iti kampilan saankanto a mapasag; ket sigurado a matagikuamto ti kararuam kas maysa a samsam,+ agsipud ta nagtalekka kaniak,’+ kuna ni Jehova.”

Footnotes