Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Jeremias 34:1-22

34  Ti sao a dimteng ken Jeremias manipud ken Jehova, idi a ni Nabucodorosor nga ari ti Babilonia+ ken ti intero a puersa militarna+ ken amin dagiti pagarian ti daga, ti pagturayan iti sidong ti imana,+ ken amin dagiti ili makiruprupakda maibusor iti Jerusalem ken maibusor kadagiti amin a siudadna,+ a kunkunana:  “Daytoy ti kinuna ni Jehova a Dios ti Israel, ‘Mapanka, ket masapul a kunaem ken Zedekias nga ari ti Juda,+ wen, masapul a kunaem kenkuana: “Daytoy ti kinuna ni Jehova, ‘Adtoy itedko daytoy a siudad iti ima ti ari ti Babilonia,+ ket masapul a puoranna iti apuy.+  Ket sika saankanto a makatalaw iti imana, agsipud ta di bumurong a matiliwkanto ket mayawatkanto iti imana.+ Ket dagiti bukodmo a mata makitadanto dagiti mismo a mata ti ari ti Babilonia,+ ket ti bukodna a ngiwat makisaonto iti mismo a ngiwatmo, ket umaykanto idiay Babilonia.’  Nupay kasta, denggem ti sao ni Jehova, O Zedekias nga ari ti Juda,+ ‘Daytoy ti kinuna ni Jehova maipapan kenka: “Saankanto a matay babaen ti kampilan.  Mataykanto a sitatalna;+ ket kas kadagiti panagpuor maipaay kadagiti ammam, ti immun-una nga ar-ari iti kasakbayam,+ kasta ti panangaramiddanto ti panagpuor+ maipaay kenka, ket ‘Ay, O apo!’+ ti sawendanto iti panagunnoyda+ kenka, ta ‘siak met laeng sinaok ti mismo a sao,’ kuna ni Jehova.”’”’”  Ket ni Jeremias a mammadto sinaona ken Zedekias nga ari ti Juda amin dagitoy a sasao+ idiay Jerusalem,  idi a dagiti puersa militar ti ari ti Babilonia makiruprupakda a maibusor iti Jerusalem ken maibusor kadagiti amin a nabati a siudad ti Juda,+ maibusor iti Laquis+ ken maibusor iti Azeca;+ ta isuda, dagiti nasarikedkedan a siudad,+ dagidiay nabati kadagiti siudad ti Juda.+  Ti sao a dimteng ken Jeremias manipud ken Jehova kalpasan a namatalged ni Ari Zedekias iti maysa a tulag kadagiti amin a tattao nga adda idiay Jerusalem tapno iwaragawagna kadakuada ti wayawaya,+  tapno wayawayaan tunggal maysa ti adipenna a lalaki ken tunggal maysa ti adipenna a babai, lalaki a Hebreo+ wenno babai a Hebreo, tapno saan ida nga usaren a kas ad-adipen, awan sabali, ti maysa a Judio, a kabsatna.+ 10  Gapuna nagtulnog amin dagiti prinsipe,+ ken amin dagiti tattao a simrek iti tulag a wayawayaanda tunggal maysa ti adipenna a lalaki ken tunggal maysa ti adipenna a babai, tapno saanda ida nga usarenen kas ad-adipen, ket nagtulnogda ket pinalubosanda ida.+ 11  Ngem nagbaw-ingda+ kalpasan dayta ket rinugianda nga isubli dagiti adipen a lallaki ken dagiti adipen a babbai a winayawayaanda, ket pinagpasakupda ida a kas ad-adipen a lallaki ken kas ad-adipen a babbai.+ 12  Iti kasta ti sao ni Jehova dimteng ken Jeremias manipud ken Jehova, a kunkunana: 13  “Daytoy ti kinuna ni Jehova a Dios ti Israel, ‘Siak namatalgedak iti maysa a tulag kadagidi ammayo+ idi aldaw a panangiruarko kadakuada manipud iti daga ti Egipto,+ manipud iti balay dagiti adipen,+ a kinunak: 14  “Iti ngudo ti pito a tawen rebbeng a palubosanyo tunggal maysa ti kabsatna,+ a maysa a lalaki a Hebreo,+ a nailako kenka+ ken nagserbi kenka iti innem a tawen; ket masapul a wayawayaam manipud pannakikadua kenka.” Ngem dagidi ammayo saanda nga immimdeng kaniak, saanda met nga inyallingag ti lapayagda.+ 15  Ket dakayo agbaw-ingkayo ita nga aldaw ket aramidenyo no ania ti nalinteg kadagiti matak iti panangiwaragawag iti wayawaya tunggal maysa iti kaduana, ket mamatalgedkayo iti maysa a tulag iti sanguanak+ iti balay a nakayawagan ti naganko.+ 16  Kalpasanna tumallikudkayo+ ket tabbaawanyo ti naganko+ ket isubliyo tunggal maysa ti adipenna a lalaki ken tunggal maysa ti adipenna a babai, isuda a winayawayaanyo a kas makaay-ayo iti kararuada, ket pagpasakupenyo ida nga agbalin nga ad-adipenyo a lallaki ken ad-adipenyo a babbai.’+ 17  “Gapuna daytoy ti kinuna ni Jehova, ‘Dakayo saankayo a nagtulnog kaniak iti panangiwarwaragawag iti wayawaya+ tunggal maysa iti kabsatna ken tunggal maysa iti kaduana. Adtoy iwaragawagko kadakayo ti maysa a wayawaya,’+ kuna ni Jehova, ‘nga agturong iti kampilan,+ iti angol+ ken iti nakaro a bisin,+ ket pudno unay nga itedkayto a maipaay iti panagkintayeg kadagiti amin a pagarian ti daga.+ 18  Ket iyawatkonto dagiti tattao a mangiwalwalin iti tulagko,+ ta saanda nga intungpal ti sasao ti tulag a pinatalgedanda iti sanguanak babaen iti kigaw a baka a ginuduada+ tapno makalasatda iti baet ti pispisina;+ 19  awan sabali, dagiti prinsipe ti Juda ken dagiti prinsipe ti Jerusalem,+ dagiti opisial ti palasio ken ti papadi ken amin dagiti umili ti daga isuda a limmasat iti baet ti pispisi ti kigaw a baka— 20  wen, iyawatkonto ida iti ima dagiti kabusorda ken iti ima dagidiay mangsapsapul iti kararuada;+ ket dagiti natay a bagida agbalindanto a taraon maipaay kadagiti agtaytayab a parsua iti langlangit ken maipaay kadagiti animal iti daga.+ 21  Ket ni Zedekias nga ari ti Juda+ ken dagiti prinsipena iyawatkonto iti ima dagiti kabusorda ken iti ima dagidiay mangsapsapul iti kararuada ken iti ima dagiti puersa militar ti ari ti Babilonia+ isuda nga agsansanud manipud iti ibubusor kadakayo.’+ 22  “‘Adtoy agbilinak,’ kuna ni Jehova, ‘ket sigurado nga isublikto ida iti daytoy a siudad,+ ket masapul a makirupakda iti dayta ket kautibuenda ken puoranda dayta iti apuy;+ ket dagiti siudad ti Juda pagbalinekto a langalang a rebbek nga awanan agnanaed.’”+

Footnotes