Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 33:1-26

33  Ket ti sao ni Jehova dimteng ken Jeremias iti maikadua a daras, bayat nga isu sipupupok pay laeng iti Paraangan ti Guardia,+ a kunkunana:  “Daytoy ti kinuna ni Jehova a Nangaramid+ iti daga, ni Jehova a Nangporma+ iti dayta tapno ipasdekna a sititibker,+ a Jehova ti naganna,+  ‘Umawagka kaniak, ket sungbatankanto+ ken sisasaganaak a mangibaga kenka iti naindaklan ken di maawatan a bambanag a saanmo a naammuan.’”+  “Ta daytoy ti kinuna ni Jehova a Dios ti Israel maipapan kadagiti balay daytoy a siudad ken maipapan kadagiti balay ti ar-ari ti Juda a narugpo maigapu kadagiti baluarte a panglakub ken maigapu iti kampilan;+  maipapan kadagidiay um-umay a makirupak kadagiti Caldeo ken mangpunno kadagiti lugar iti bangbangkay dagiti tattao a kinabilko iti ungetko ken iti pungtotko,+ ken maigapu iti amin nga iti kinadakesda inlingedko ti rupak manipud itoy a siudad,+  ‘Adtoy mangyegak kenkuana iti pannakapaimbag ken salun-at;+ ket paimbagekto ida ken mangipalgakak kadakuada iti naruay a talna ken kinapudno.+  Ket isublikto dagiti kautibo iti Juda ken dagiti kautibo iti Israel,+ ket bangonekto ida kas idi rugi.+  Ket gugorakto ida manipud iti isuamin a basolda a nagbasolanda a maikaniwas kaniak,+ ket pakawanekto amin dagiti biddutda a nagbasolanda a maikaniwas kaniak ken nagsalungasinganda a maikaniwas kaniak.+  Ket isu pudno unay nga agbalinto kaniak a maysa a nagan ti panagrag-o,+ maysa a pakaidaydayawan ken maysa a kinapintas kadagiti amin a nasion ti daga a makangngegto maipapan iti isuamin a kinaimbag nga ipapaayko kadakuada.+ Ket pudno unay nga agalinggagetdanto+ ken aglagawda+ maigapu iti isuamin a kinaimbag ken maigapu iti isuamin a talna nga ipapaayko kenkuana.’”+ 10  “Daytoy ti kinuna ni Jehova, ‘Iti daytoy a disso a pagkunaanyonto a rebbek nga awanan tao ken awanan naamo nga animal, kadagiti siudad ti Juda ken kadagiti kalsada ti Jerusalem a nalangalang+ nga awanan tao ken awanan agnanaed ken awanan naamo nga animal, kaskasdi a mangngegto+ 11  ti uni ti panagragsak ken ti uni ti panagrag-o,+ ti timek ti nobio ken ti timek ti nobia, ti timek dagidiay agkunkuna: “Idayawyo ni Jehova ti buybuyot, ta ni Jehova naimbag;+ ta ti naayat a kinamanangngaasina ket agingga iti tiempo a di nakedngan!”’+ “‘Mangyegdanto iti maysa a daton ti panagyaman iti balay ni Jehova,+ ta isublikto dagiti kautibo iti daga kas idi rugi,’+ kinuna ni Jehova.” 12  “Daytoy ti kinuna ni Jehova ti buybuyot, ‘Iti daytoy a disso a rebbek nga awanan tao ken uray naamo nga animal+ ken kadagiti amin a siudadna kaskasdi nga addanto ti pagpaaraban dagiti pastor a mamagidda iti arban.’+ 13  “‘Kadagiti siudad ti nakabambantay a rehion, kadagiti siudad ti patad a daga+ ken kadagiti siudad ti abagatan+ ken iti daga ti Benjamin+ ken kadagiti aglawlaw ti Jerusalem+ ken kadagiti siudad ti Juda+ kaskasdi a lumabasto dagiti arban iti sidong dagiti ima daydiay agbilbilang,’+ kinuna ni Jehova.” 14  “‘Adtoy! Adda um-umayen nga al-aldaw,’+ kuna ni Jehova, ‘ket pudno unay nga itungpalkonto ti naimbag a sao a sinaok,+ maipapan iti balay ti Israel+ ken maipapan iti balay ti Juda. 15  Kadagidiay nga aldaw ken iti dayta a tiempo mangpatuboakto maipaay ken David iti maysa a nalinteg a tarubong,+ ket pudno unay nga ipakatnanto ti kinahustisia ken kinalinteg iti daga.+ 16  Kadagidiay nga aldaw maisalakanto ti Juda+ ket ti met laeng Jerusalem agtaengto a sitatalged.+ Ket daytoy ti mayawagto kenkuana, Ni Jehova Isu ti Kinalintegtayo.’”+ 17  “Ta daytoy ti kinuna ni Jehova, ‘Awanto ti magessat iti biang ni David a maysa a lalaki nga agtugaw iti trono ti balay ti Israel.+ 18  Ket iti biang ti papadi, dagiti Levita, awanto ti magessat a maysa a lalaki manipud iti sanguanak a mangidaton iti sibubukel a daton a mapuoran ken mamagasuk iti daton a bukbukel ken mangipaay a kanayon iti sakripisio.’”+ 19  Ket ti sao ni Jehova dimteng pay ken Jeremias, a kunkunana: 20  “Daytoy ti kinuna ni Jehova, ‘No mabalinyo a rakraken ti tulagko iti aldaw ken ti tulagko iti rabii, tapno ti aldaw ken rabii saanda a dumteng a mismo iti tiempoda,+ 21  kasta met a mabalin a marakrak ti bukodko a tulag ken David nga adipenko+ tapno isu saanto a maaddaan iti anak nga agturay kas ari iti tronona;+ kasta met kadagiti Levita, dagiti papadi, a ministrok.+ 22  No kasano a ti buyot ti langlangit saan a mabilang, ken saan met a masukat ti darat ti baybay,+ kastanto ti panangpaaduk iti bin-i ni David nga adipenko ken kadagiti Levita nga agserserbi kaniak.’”+ 23  Ket ti sao ni Jehova nagtultuloy a dumteng ken Jeremias, a kunkunana: 24  “Saanmo kadi a nakita no ania ti sinao dagiti kameng daytoy nga ili, a kunkunada: ‘Ti dua a pamilia a pinili ni Jehova,+ laksidennanto met ida’? Ket ti bukodko nga ili itultuloyda a saan a raemen,+ iti kasta saan koma nga agtultuloyen a kas maysa a nasion iti sanguananda. 25  “Daytoy ti kinuna ni Jehova, ‘No saan a maysa a kinapudno nga intudingko ti bukodko a tulag iti aldaw ken rabii,+ dagiti paglintegan ti langit ken daga,+ 26  kasta met a laksidekto uray ti bin-i ni Jacob ken ni David nga adipenko,+ tapno saanakto a mangala manipud iti bin-ina kadagiti agtuturay iti bin-i da Abraham, Isaac ken Jacob. Ta ummongekto dagiti kautibo kadakuada+ ket maasianakto kadakuada.’”+

Footnotes