Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 30:1-24

30  Ti sao a dimteng ken Jeremias manipud ken Jehova, kunana:  “Daytoy ti kinuna ni Jehova a Dios ti Israel, ‘Ti amin a sasao a sawekto kenka isuratmo maipaay kenka iti maysa a libro.+  Ta, “adtoy! adda um-umayen nga al-aldaw,” kuna ni Jehova, “ket ummongekto dagidiay kautibo iti ilik, ti Israel ken ti Juda,”+ kinuna ni Jehova, “ket isublikto ida iti daga nga intedko kadagidi ammada, ket sigurado a tagikuaendanto manen dayta.”’”+  Ket dagitoy ti sasao a sinao ni Jehova iti Israel ken iti Juda.  Ta daytoy ti kinuna ni Jehova: “Nangngegmi ti uni ti panagpigerger, ti alinggaget,+ ket awan ti talna.  O agimtuodkayo, pangngaasiyo, ket kitaenyo no agpaspasngay ti lalaki. Apay a nakitak ti tunggal nabaneg a lalaki a dagiti imana adda kadagiti lomona kas iti babai nga agpaspasngay,+ ket bimsag dagiti amin a rupa?+  Ay! Ta dayta nga aldaw ket naindaklan,+ iti kasta awan ti sabali a kas iti dayta,+ ket dayta ti tiempo ti rigat maipaay ken Jacob.+ Ngem isu maisalakanto manipud a mismo iti dayta.”  “Ket maaramidto iti dayta nga aldaw,” kuna ni Jehova ti buybuyot, “a tukkolekto ti sangol ti maysa manipud iti tengngedmo, ket pugsatekto a guduaen dagiti galutmo,+ ket awanton dagiti ganggannaet a manggundaway kenkuana kas maysa nga adipen.  Ket pudno unay nga agserbidanto ken Jehova a Diosda ken ni David nga arida,+ nga ibangonkonto maipaay kadakuada.”+ 10  Ket no maipapan kenka, dika agbuteng, O adipenko a Jacob,” kuna ni Jehova, “ket dika agaligaget, O Israel.+ Ta adtoy isalakanka manipud iti adayo ken ti kaputotam manipud iti daga a nakakautibuanda.+ Ket ni Jacob sigurado nga agsublinto ket siwayawaya iti pannakasinga ken agnam-ay, ket awanto ti mamagpigerger.”+ 11  “Ta addaak kenka,” kuna ni Jehova, “tapno isalakanka;+ ngem mangtalipuposakto iti tengnga dagiti amin a nasion a nangiwarawaraak kenka.+ Nupay kasta, iti kasasaadmo saanakto a mangtalipupos.+ Ket kasapulan a lintegenkanto iti maiparbeng a rukod, ta saankanto a pulos bay-an a di nadusa.”+ 12  Ta daytoy ti kinuna ni Jehova: “Awan pannakaagasna ti dunormo.+ Nakaro ti saplitmo.+ 13  Awan ti mangiruprupir iti pakaseknam, maipaay iti derdermo.+ Awan aniaman a pamay-an a panangpaimbag, awan panangpasayaat, kenka.+ 14  Amin dagidiay nasged a mangay-ayat kenka isuda dagidiay nanglipat kenka.+ Saan a sika daydiay birbirokenda. Ta kinabilka iti saplit ti maysa a kabusor,+ iti pannusa ti maysa a naulpit,+ maigapu iti kinaruay ti biddutmo;+ dagiti basolmo nagbalinda a nakaad-adu.+ 15  Apay nga umkiska maigapu iti dunormo?+ Ti ut-otmo di maagasan maigapu iti kinaruay ti biddutmo; dagiti basolmo nagbalinda a nakaad-adu.+ Inaramidko kenka dagitoy a banag. 16  Gapuna amin dagidiay mangal-alun-on kenka maalun-ondanto a mismo;+ ket no maipapan kadagiti amin a kabusormo, mapandanto amin iti pannakakautibo.+ Ket dagidiay mangkamkamkam kenka sigurado a maipaaydanto iti pannakakamkam, ket amin dagidiay mangsamsamsam kenka iyawatkonto iti pannakasamsam.”+ 17  “Ta iyegankanto iti pannakapaimbag, ket kadagiti saplitmo paimbagenkanto,”+ kuna ni Jehova. “Ta inawagandaka iti napagtalaw a babai:+ ‘Dayta ti Sion, a kenkuana awan ti agbirbirok.’”+ 18  Daytoy ti kinuna ni Jehova: “Adtoy ummongek dagidiay kautibo kadagiti tolda ni Jacob,+ ket kadagiti tabernakulona maasianakto. Ket ti siudad pudno a mabangonto manen iti rabaw ti munturodna;+ ket iti rabaw ti nainkalintegan a dissona agsaadto a mismo ti pagnaedan a torre.+ 19  Ket manipud kadakuada pudno unay a rummuarto ti panagyaman, ken ti timek dagidiay agkatkatawa.+ Ket paaduekto ida, ket saandanto a bumassit;+ ket paaduekto ti bilangda, ket saandanto nga agbalin a nanumo.+ 20  Ket ti annakna agbalindanto a kas kadagidi nagkauna a tiempo, ket iti sanguanak maipasdekto a sititibker ti bukodna a gimong.+ Ket iturongkonto ti asikasok kadagiti amin a manangirurumen kenkuana.+ 21  Ket daydiay nadaegna pudno unay nga aggapunto kenkuana,+ ket manipud iti tengngana rummuarto ti bukodna nga agturay;+ ket isu paasidegekto, ket masapul nga umasideg kaniak.”+ “Ta siasino, ita, daytoy a nangipaay iti pusona kas tani tapno umasideg kaniak?”+ kuna ni Jehova. 22  “Ket pudno unay nga agbalinkayto nga ilik,+ ket siak agbalinakto a Diosyo.”+ 23  Adtoy! Maysa nga allawig ni Jehova, ti met laeng pungtot, rimmuar, maysa a dumalapus a nadawel a bagyo.+ Agalipunonto dayta iti rabaw ti ulo dagidiay nadangkes.+ 24  Ti sumsumged a pungtot ni Jehova saanto nga agbaw-ing agingga a naipakatnanton ken agingga a naitungpalnanton dagiti kapanunotan ti pusona.+ Iti kamaudianan a paset dagiti aldaw utobenyonto dayta.+

Footnotes