Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Jeremias 27:1-22

27  Iti panangrugi ti pagarian ni Jehoiaquim nga anak ni Josias,+ ti ari ti Juda, daytoy a sao dimteng ken Jeremias manipud ken Jehova, a kunkunana:  “Daytoy ti kinuna kaniak ni Jehova, ‘Iyaramidam ta bagim kadagiti galut ken barbarra ti sangol,+ ket masapul nga ikabilmo ida iti tengngedmo.+  Ket masapul nga ipatulodmo ida iti ari ti Edom+ ken iti ari ti Moab+ ken iti ari ti annak ti Ammon+ ken iti ari ti Tiro+ ken iti ari ti Sidon+ babaen ti ima dagiti mensahero nga umay iti Jerusalem a mapan ken Zedekias nga ari ti Juda.  Ket masapul a mangtedka kadakuada iti bilin a maipaay kadagiti appoda, a kunaem: “‘“Daytoy ti kinuna ni Jehova ti buybuyot, ti Dios ti Israel;+ daytoy ti rebbeng a sawenyo kadagiti appoyo,  ‘Siak inaramidko ti daga,+ ti sangatauan+ ken dagiti animal+ nga adda iti rabaw ti daga babaen ti dakkel a pannakabalinko+ ken babaen ti siuunnat a takiagko;+ ket intedko dayta iti daydiay napaneknekan nga umiso kadagiti matak.+  Ket ita intedko amin dagitoy a daga iti ima ni Nabucodonosor nga ari ti Babilonia,+ ti adipenko;+ ket uray dagiti atap nga animal iti tay-ak intedko kenkuana tapno agserbida kenkuana.+  Ket amin dagiti nasion masapul nga agserbida kenkuana+ a mismo ken iti anakna ken iti apokona agingga a dumteng ti tiempo ti bukodna a daga a mismo,+ ket adu a nasion ken naindaklan nga ar-ari ti manggundawayto kenkuana kas maysa nga adipen.’+  “‘“‘Ket mapasamakto a ti nasion ken ti pagarian a saanto nga agserbi kenkuana, mismo a ken Nabucodonosor nga ari ti Babilonia; ken daydiay saanto a mangikabil ti tengngedna iti sidong ti sangol ti ari ti Babilonia, babaen ti kampilan+ ken babaen ti nakaro a bisin+ ken babaen ti angol+ iturongkonto ti asikasok iti dayta a nasion,’ kuna ni Jehova, ‘agingga a napagpatinggakton ida babaen iti imana.’+  “‘“‘Ket no maipapan kadakayo, dikay umimdeng kadagiti mammadtoyo+ ken kadagiti managipadlesyo ken kadagiti managtagtagainepyo+ ken kadagiti managsalamangkayo ken kadagiti mangkukulamyo,+ nga agkunkuna kadakayo: “Saankayto nga agserbi iti ari ti Babilonia.”+ 10  Ta kinaulbod ti ipadpadtoda kadakayo, iti panggep a panangyadayo kadakayo iti dagayo; ket kasapulan nga iwarawarakayto, ket kasapulan a mapukawkayto.+ 11  “‘“‘Ket no maipapan iti nasion a mangyegto iti tengngedna iti sidong ti sangol ti ari ti Babilonia ken pudno nga agserbi kenkuana, bay-akto met nga aginana iti dagana,’ kuna ni Jehova, ‘ket sigurado a talonennanto dayta ken agnaed iti dayta.’”’”+ 12  Uray ken Zedekias+ nga ari ti Juda nagsaoak maitunos kadagitoy amin a sasao,+ a kinunak: “Iyegyo dagiti tengngedyo iti sidong ti sangol ti ari ti Babilonia ket agserbikayo kenkuana ken iti ilina ket agtultuloykayo nga agbiag.+ 13  Apay koma a sika ken ti ilim matay babaen ti kampilan,+ babaen ti nakaro a bisin+ ken babaen ti angol+ sigun iti sinao ni Jehova iti nasion a saan nga agserbi iti ari ti Babilonia? 14  Ket dikay imdengan ti sasao dagiti mammadto nga agkunkuna kadakayo, ‘Saankayto nga agserbi iti ari ti Babilonia,’+ agsipud ta ti kinaulbod isu ti ipadpadtoda kadakayo.+ 15  “‘Ta saanko nga imbaon ida,’ kuna ni Jehova, ‘no di ket agipadpadtoda a siuulbod iti naganko, iti panggep nga iwarawarakayto,+ ket kasapulanto a madadaelkayo,+ dakayo ken dagiti mammadto nga agipadpadto kadakayo.’”+ 16  Ket iti papadi ken iti daytoy intero nga ili nagsaoak, a kinunak: “Daytoy ti kinuna ni Jehova, ‘Dikay imdengan ti sasao dagiti mammadtoyo nga agipadpadto kadakayo, a kunkunada: “Adtoy! Dagiti aruaten ti balay ni Jehova dandani itan maisubli manipud Babilonia!”+ Ta ti kinaulbod isu ti ipadpadtoda kadakayo.+ 17  Dikay umimdeng kadakuada. Agserbikayo iti ari ti Babilonia ket agtultuloykayo nga agbiag.+ Apay koma a daytoy a siudad agbalin a walangwalang a disso?+ 18  Ngem no mammadtoda ken no ti sao ni Jehova pudno nga adda kadakuada, pangngaasida, agdawatda koma ken Jehova ti buybuyot,+ tapno dagiti aruaten a nabatbati iti balay ni Jehova ken iti balay ti ari ti Juda ken iti Jerusalem saan koma a maipan iti Babilonia.’ 19  “Ta daytoy ti kinuna ni Jehova ti buybuyot maipapan kadagiti adigi+ ken maipapan iti baybay+ ken maipapan kadagiti kareton+ ken maipapan iti nabatbati kadagiti aruaten a natedda iti daytoy a siudad,+ 20  a saan nga innala ni Nabucodonosor nga ari ti Babilonia idi impanna iti pannakaidestiero ni Jeconias+ nga anak ni Jehoiaquim, ti ari ti Juda, manipud Jerusalem agingga iti Babilonia, agraman dagiti amin a natan-ok iti Juda ken Jerusalem;+ 21  ta daytoy ti kinuna ni Jehova ti buybuyot, ti Dios ti Israel, maipapan kadagiti aruaten a nabatbati iti balay ni Jehova ken iti balay ti ari ti Juda ken Jerusalem,+ 22  ‘“Iti Babilonia ti pakaipanandanto+ ket sadiay agtalinaeddanto agingga iti aldaw a panangiturongko iti asikasok kadakuada,”+ kuna ni Jehova. “Ket isang-atkonto ida ken isublik ida iti daytoy a disso.”’”+

Footnotes